الخميس، 30 أبريل 2009

فك شفرة قوم و أمشي


كانت قاعدة جنبي في الميكروباص ... ولقيتها بتقوللي ..
- لو سمحتي ...
- أنا ....
- ايوة حضرتك .. معاكي منديل
- ايوة معايا ... اطمني
- لأ مش قصدي ... ممكن تديني منديل ... أصلي حاسة إني هعيط
- أه أه طبعا .... اتفضلي ( ورحت أديتها منديل)
- طيب هوا حضرتك مش هتسأليني أنا حاسة إني هعيط ليه !!!!
- لأ والله ما جاش في بالي أسألك ... وبعدين فيه ديموقراسي في البلد من حق أي واحد يعـ ......
- عاااااااااااااااااااااااااااااااااااااااا
واتفتحت في العياط ........
- بتعيطي ليه ........
- اصل اللي بحبه اداني جواب ...
- وسابك ......علشان كده بتعيطي ؟؟؟؟
- لأه .....
- ااااه .......... دي بقي دموع الفرحة ...
- لأه ....
- طيب دموع التماسيح ..
- برده لأه ...
- طب دموع إيه ؟؟؟
- أصلي كنت بمثل عليه إني زعلانه منه وقطعت الورقة قدامه قال يعني مش هاممني ......عااااااااااااااااااااااااااااااااا
- طيب والمشكلة إيه ضميرك بيغز عليكي ولا إيه........
- لأ المشكلة إني مش عارفة الورقة كان مكتوب فيها إيه ......
- بسيطة وسهلة يعني .. حطي الورق المقطع جنب بعضه وانتي تعرفي تقريها ..
- مش عرفت
- ليه .........
- جمعت الورق تاني ومش فهمت....
- لا غبية غبية يعني ........... ( في سري طبعا)
- طيب هاتي الورق كده وريهولي ( وبالمرة أعرف مقاصيف الرقبة اليومين دول بيقولوا لبعض أيه )


وما أخبيش عليكوا كنت بفتح الورق كأني بفتح مقبرة ... وخايفة م اللعنة ...


تنحت وأنا كمان مفهمتش اللي بتحبه ده كتبلها إيه .... مع أنه مكتوب بالعربي


وحسيت إني غبية .... انا كمان وعقليتي محدودة وما تمرش فيا التعليم المجاني ولا التعليم الجامعي ولا التعليم المفتوح ولا حتي التعليم المقفول .... والدنيا أسودت في عيني ....... ورحت معيطة انا كمان عاااااااااااااااااااااااااااااااااااااااا


الناس اللي في الميكروباص اتلمت علينا ... ويقوللنا فيه إيه ... اللي يقول أتسرقوا


واللي يقول تاهوا ......... واللي يقول سقطوا في الامتحانات


وانا أبصلها وتصعب عليا نفسي ...... وأعيط


وهيا تعيط ..............


جه سواق الميكروباص وفك اشتباك الناس من حوالينا وركنلنا علي جنب وقال :


هاتوا الورق وانا أحل الشفرة


........ وهاتك يا ضحك ......... فطس من الضحك ..... وقال أنا مش بعرف أقرا اصلا .....


ها ها ها ها ها ها ها ها ها ها ها ها ها ها هاها


بصله واحد وقالله يعني أنت أمي ؟؟؟




قام السواق مات من العياط ........ لأ أنا يتيم


عااااااااااااااااااااااااااااااااااااا


والبنت أفتكرت الجواب و عااااااااااااااااااااااااااااااااا


وانا كمان رحت عاااااااااااااااااااااااااااااااا


جابولنا عصير لمون .... وإحنا عااااااااااااااااااااااااا


جابولنا مية ساقعة ......... وإحنا عاااااااااااااااااا


طيب إيه ...... رد السواق أنا عاوز بيبسي عاااااااااااااا


وبعد ما فقت من العاااااااااااااااااا


رحت للناس وقلتلهم كان فيه حد تايه ولقيناه ومشيو الناس من حوالينا .... ورحت للسواق وطيبت خاطره وتعيش وتفتكر وكده ..


:::::: المهــــــــــــــــــم :::::::::::


بعد ما خلصنا عااااااااااااا أنا وهية .... أنا كده أتأخرت كتير عا البيت .......
لازم أشوفلها حل
طب إيه المشكلة ؟؟؟؟؟؟؟؟؟

المشكلة .... إن الجواب ده كان فيه جملة واحدة بس ...


ولما الورقة اتقطعت لخبطت ترتيب الكلمات ,,,


لحد دلوقتي مش قابلت البنت دي تاني


ومعرفش اللي بتحبه قاللها ايه في الجواب




اللي لسة فاكراه ..... ان الجملة مش بالترتيب كالتالي ....... ( تحديث)


1- شوفتي !! / انا / كنت / من زمان / مش بحبك / دلوقتي / بحبك

أو
2- انا / كنت / من زمان / بحبك / دلوقتي / مش بحبك / شوفتي !!
أو
3- كنت / مش بحبك / دلوقتي / شوفتى !! / انا / بحبك / من زمان
أو
4- من زمان / أنا / كنت / مش بحبك / شوفتي !! / دلوقتي / بحبك
أو
5- كنت / من زمان / مش بحبك / دلوقتي / شوفتي !! / انا / بحبك
أو
6- شوفتي !! / أنا / كنت / من زمان / دلوقتي / بحبك / مش بحبك
أو
7- انا / دلوقتي / بحبك / شوفتي !! / من زمان / كنت / مش بحبك
أو
8- دلوقتي / شوفتي !! / مش بحبك / انا / كنت / من زمان / بحبك
تفتكروا إيه ............؟؟؟؟؟؟؟



هناك 128 تعليقًا:

mimi يقول...

أول تعليق محجوز ليا
ههههههههههههههههههههههههههههههههههه

اسماء واحلام فى وجدانى يقول...

مناديل

يلا مناديل

الكيس بربع جنيه

الحق اخر كيس مناديل

العياط للركب

اول تعليق رسمى

عاشق القططط

اسماء واحلام فى وجدانى يقول...

انتى دماغك مقطقطة اوى


بس جميلة اوى

حلو اوى المشهد ده برغم صعوبة الموقف لكنك بكل

خباثة خلتينا نضحك

اسماء واحلام فى وجدانى يقول...

وبعدين يا ميمى

المفروض تصرفى كيس مناديل لكل ضيف هنا

انا باقول ضيف

وطبعا انا صاحب مكان

وبعدين انا اصلا جاى ومعايا مناديلى

ثوانى هامسح دموعى وراجع

اسماء واحلام فى وجدانى يقول...

كفاية كده دلوقتى

اروح بقى انادى زعيم الاشرار

علشان نلعب شوية

فكرة من الزمن ده يقول...

ميمايا انا جيت

فكرة من الزمن ده يقول...

هيييييه سماعاكي بتقولي وايه يعني
طيييب
ايه يابنتي ده يخرب بيت كده
والله انت ذي العثل وكلامك مش منكن
وصحافية صحافية يعني بتفكريني بشبابي

فكرة من الزمن ده يقول...

لو سمحتي تعالي حالا الغي تحقيق الحروف والكلمات من التعليق علشان نعرف نخرب في المدونة شوية
ده توصية من زعيم الكلمات والاشرار

mimi يقول...

فكرتي
ـــــــــــ
انا معاكي والله

اسماء واحلام فى وجدانى يقول...

فكرة

دى فرصتك تعوضى اللى حصل عندك امبارح

اسماء واحلام فى وجدانى يقول...

انا هايجلى الضغط من حروفك يا ميمى

فكرة من الزمن ده يقول...

تعرفي اني سرحت في الجملة بتاعة زميلة الميكروباظ دي او المشروع بلغتنا احنا
والله انا لو مكانها يمكن كنت رميت نفسي من فوق السجادة من غيظي من نفسي

فكرة من الزمن ده يقول...

ايوة علشان كده قفلت المدونة بالمفتاح وكهربت الباب وحطيت المفتاح تحت الدواسة علشان الناس تعرف تدخل وجيت على هنا

اسماء واحلام فى وجدانى يقول...

يا جماعة حد ينادى زعيم الاشرار

mimi يقول...

سيبوه نايم يا جماعة .... زعيم الاشرار كان بيكتب بوست جديد الساعة 6 الصبح

فكرة من الزمن ده يقول...

طيب الغي يا معلم مش كل كلمة هافضل اقفلب الكيبورد عربي وارجعها انجليزي
هايحصل لي كده
http://i42.tinypic.com/2m4r5h0.jpg

mimi يقول...

مش عارفة الغي تحقيق الدخول عندي ....... مش عارفة
عاااااااااااااااااااا
حد معاه منيديل؟

فكرة من الزمن ده يقول...

قطعتي الورقة ليييييييييه بس نجيب سواق مكروباظ منين يصوت معاكي دلوقتي عاااااااااااااا

mimi يقول...

فكرتي
ـــــــــ

هوا رخم اوي التحقق من الحروف ....؟؟؟؟
انا خايفة من العصابة بتاعة الأشرار يبوظولي اساسات الميكروباص بتاعي
عااااااااااااااا

mimi يقول...

جامدة جامدة الصورة

mimi يقول...

فكرة
ـــــــــ
الحفلة بدأت عندك

فكرة من الزمن ده يقول...

ادخلي من سيتنجز او اعدادات
على كومنتس
Show word verification for comments?
وفي البتاعة اللي فوق دي قولي نو
وياريت وبالمرة تخلي التعليق صفحة كاملة يعني فول بادج علشان تحمل معانا بسرعة ونعرف نكتب
ههههههههه
وياريت كمان تحطي صورتي انا في المدونة بالمرة
استبداد

فكرة من الزمن ده يقول...

يا حبيبتي خلاص هي باظت بالحروف او من غيرها مافيش حاجة بتقف اقدامهم

عبد من عباد الله يقول...

انتي بتركبي مكروباصات و لا بتدخلي صندوق الدنيا ؟!!!

ايه الحاجات دي !

و بعدين دي تلاقيها فزورة اللي يحلها ياخد جواب تاني مفهوم بقى

thunder يقول...

مممممممممممممممم انا جيتتتتتتتتتت
المهم فاشلة ((الكلمة التانية لاقيته المخخ هبلة هنا ماعلينا )) يا اهم طبعا بونسبة للسؤال الاول
هو اساسه كروهات وعلشان هو وحشى وماكر متعفيش لونة الاساسى
وبونسبة للكويتشن التانى
هو يتقال عليه ساقط لانه كان فى نيته يسقط راح نحج يبقة ساقط برضوا مومحدش يعترض
وبونسبة للسؤال التالت
بقة
اسمه احمد ذكى علشان انكرى بقة انكرى
يا بتع سحس بوندا اانا اتقلب امبارح فى اللحمة من عند فكرة
بونسبة هو احنا وصلنا للسؤال الكام
الخامس شاطرين ياولاد
لا طبعا مش مبلول لانها كان لابس بامبرز وهيطلع اسود لانه كان حاطط مسحوق الوان اعتراضى حكمت ربنا بقة اعتراضى كدا
بونسبة للسؤال اللى بعد كدا مش البيضة وربنا الفرخة لو بتعرفى لغة البقبقة الفراخ هتعرتفلك انها علماء الفراخ قالوا ان جدهم الاول كان جاى من كوكب ابو الريش وانهم لاقو بيضة منقوش عليها ان اسطوتن الارض بعد مهرب من 3 سنين سجن عليه فى كوكبة اصل المدام هنا كانت ناوية تخلعه خاف على كرامتة نزل الارض اعتراضى اجبلك الفراخ تسمعيها

بونسبة للسؤال الاخير اشوف الرابط الاول ههههههههههههههههههههههههههههه ماشى دا السؤال الوحيد اللى نجحك فعلا هى الفرخة ههههههههه
.......
لا بجد البوست لذيذ يا اهم بجد المشكلة فى المناديل عندى اقتراح بدلها بس ماله الكم ماشيها كم الجاكيت هههههههههههههههه
وبعدين هو ضرورى تسئلى البنت دى هو كان كاتب اية اصلى عامل اجيبها شمال يمين مش عارف شكلى اتعديت منك ذكاء ولا اية
اختى العززززززززززززززيزة دمتِ بكل ود يااااارب يالهوووى يابنتى شيل تاكيد التعليق دا

thunder يقول...

اية دا فى حفلة هنا خيااانة انا محدش دعانى ليةةةةةةةةةةةةةة خياااااااااانة خيانة

mimi يقول...

فكرة
ـــــــــ

هلغي تحقيق الحروف علشان خاطرك يا قطتي الجميلة


أحمد
ــــــــ

رحنا ننادي زعيم الأشرار ولما جه مشيت أنت

هاني
ـــــــــــ
أيوة بس لو تسبلنا باب التعلقات مفتوح هتقدر تعرف خطاوينا واخدانا لفين

mimi يقول...

عبد من عباد الله
ــــــــــــــــــــــــ
مدحت ... يارب يكون صندوق الدنيا عجبك

mimi يقول...

thunder
ــــــــــ

يعني أنا غبية!!!!!!
الحمد لله أنا كده طبيعية زي كل البشر

thunder يقول...

ااااااااااااااااااسف والله مقصد كدا انا بهررررج معاكى حقك عليا متزعليش مش قصدى والله يا اهم

thunder يقول...

المهم متزعليش وشيلى تاكيد التعليقات من اعدادات وبعدين تختارى تعليقات وبعدين فى جملة اظهار التحققمن الكلمات للتعليقات؟؟ اختارى لا

mimi يقول...

ثندر
ـــــــــ
بالعند فيك طب لأ مش هشيلهم

mimi يقول...

فك قيد تعليقاتي ...... مليش دعوة

mimi يقول...

ثندر

ــــــــــــــ

لأ طبعا عارفة انه هزار ... مرتين بس في اليوم
ههههههههههه

maiosha يقول...

هههههههههههههههههههه
ده إيه الدقة دى فى تقطيع الورقة

هههههههههههههههه

لازم تقطعه كل الحتت دى

بس غنتى بجد بجد دمك زى العسل

تقبلى مرورى

MǿиY El-Shreef يقول...

هههههههههههههههههههه


والله حاجه تحير

ياعيني ليها حق تعيط بالأوي

بس انا بيتهيألي انه بقى بيحبها

اووو

يمكن الاختيار التاني ههههههههههه

ربنا معاها :))

koketa يقول...

هههههههههههههههههه
هههههههههههههههههههه
ههههههههههههههههههههههه
تحفة تحفة تحفة
انا ضحكت بجد جدا
بس المشكلة بردو انا عايزة اعرف
الجواب كان فيه ايه

mimi يقول...

maiosha
ــــــــــــ

في أول زيارة ليكي نورتي المدونة كلها

تفتكري فك الشفرة دي إيه؟؟؟

mimi يقول...

موني
ــــــــــ

بجد حاجة تحير ... علي فكرة فيه أفكار تانية عرضها عليا بعض الأصدقاء بالنسبة للبازل ده

ومين عالم كتبلها إيه ؟؟؟؟؟؟؟؟

mimi يقول...

KoKeta
ـــــــــــ

والله اللي هيعرف هيفوز ببكرة مناديل عاندي

تسلميلي

Unknown يقول...

ههههههه
سلامو عليكم
اولا عااااااااااااا دي بتاعتي انا و مسجلة دوليا باسمي في المسنجر
ثانيا تشوف الاول هو كان بيحبها ولا لأ و دلوقتي هيبقي العكس ههههههههههههه

بيتهيالي هتبقي شوفتي انا زمان كنت بحبك دلوقتي مش بحبك و غالبا في حتة مكتوب فيها جتك القرف طارت من الجواب و اللي كانت قاعدة جنبك دي مشفتهاش !

adel يقول...

هههههههههههههههههه

اعتقد الحل :
انا كنت بحبك شوفتيني دلوقت بحب السواق

ههههههههههههههه

و بعدين انام شوية الاقي 41 تعليق

امل لو كنت نمت اكتر من كده كان حثل ايه

ههههههههههههههه

mimi يقول...

طعمية سخنة
ـــــــــــــــ
أولا :
عاااااااااااا
جوعتني أوي ....... وبعدين عااااااا بتاعتي ..
عاااااااا بتاعتك ..... عاااااااا بتاعتنا كلنا
ثانيا :

ههههههههههههههه

هروح أشوف فيه قصاقيص ورق تانية ولا لأ ...
الأحتمالات دلوقتي زادت أوي

شكرا ليك ... منور يا معلم

mimi يقول...

دولا :
ــــــــ

صباح الخير.......
ولو نمت ساعة كمان هتلاقي فكرة وثندر وأحمد احتلوا مدونتك أنت كمان

عامل ايه وايه اخبارك؟؟
فيه جديد؟؟؟

وبعدين بجد هوا السواق يتحب .. علشان من غير أم .. أصل الحموات تغم
ههههههههههه

MaNoOoSh يقول...

يااااااااااااااااه على البنات.. طب احسن بقى انها معرفتش تقرا الورقة.. وكان ايه اللى بيخليها تقطعها من الاول
انا لو منك اخد منها تمن المناديل
عااااااااااااااااااااااا
اشمعنى انا يعنى مهى كل الناس عااااااااااااا دلوقتى.. هى جت عليا يعنى

adel يقول...

هههههههههه
انا تمام و عملت الواجب زي ما اتفقنا :)

و شكل عينك علي السواق :):)

mimi يقول...

منوش
ـــــــــــ

قطعت الورقة عند يا ستي ... كبرياء ....... ألاطة... متعرفيش ...
وألف بعد الشر عندك من ال عااااااااااا يا حبيبتي

mimi يقول...

دولا ::::
ـــــــــــــــ

ومالهيا دولا ... ضل سواق ولا ضل حيطة

أبو أمك يقول...

أنا كنت زمان
ولسه The Man

mimi يقول...

ابو أمك
ــــــــــــــ

اللي هوا جدي ؟؟؟؟؟؟

الله يرحمه من زمااااااان يا man

رحلتنا في الحياة يقول...

هههههههههه ايه ايه ده الدماغ دى عالية اوى على فكرة كانت غايبة عنى فين المدونة دى وعاملة فيها هيرو انتى وبتحلى شفرات جيمس بوند يعنى
ربنا يخليكى للبنات الغلابة دول دايما
ههههههه بجد مدونة جميلة جدااااااا اكيد هكون ضيفة دايما هنا اصلى بموووووت فى الدماغ العالية

Bant EL7ag Dracula يقول...

هههههههههههههههههههههههه

ايه كميه العياااااااااط

دى
كلها
ههههههههههههه

انا اعتقد انه الجمله التانيه

mimi يقول...

أيوشة
ـــــــــ
الدماغ العالية الحقيقية موجودة عندك في أخر بوست ليكي ...

زيارة واحدة وتتعمل أحلي دماغ ...

نورتي يا اية

mimi يقول...

بنت الحاج دراكولا :
ـــــــــــــــــــــــــــ
نودا ...
أنا بفكر اعملها مسابقة ويتعلن عنها في المدونات ...

اختار ما بين القوسين ....
واهه يبقي تمرين علي جو الامتحانات للناس اللي .... لسة بتدرس

MaNoOoSh يقول...

لذيذ الموضوع يا ميمي رغم النهاية الغامضة.. ولو كمان ان السواق طفس.. طب مش كنت انا أولى بالببسى اللى شربة دة
ههههههههههههههههههه
تحياتى يا قمر

المعتصم يقول...

يعنى فى اول زيارة اجى الاقى الدنيا كلها بتعيط كده !!!
لا انا مش بحب النكد
وعلى فكرة بقى
الجمله هتطلع الجملة التانيه اللى هى انا كنت بحبك ودلوقتى بقيت مش بحبك وباقى الجمله علشان غبيه ونكديه كمان هه
......
تقبلى مرورى وتحياتى
ســـــــــــــــــلام

mimi يقول...

فكرة
ـــــــــــ
أي فكرة منك اوامر
كده كويس ....؟؟؟
وحشتيني

mimi يقول...

منووووش
ــــــــــــــــ

السواق مش طفس الراجل كلن عامل دايت وطلب بيبسي ماكس zero sugar

وبعدين كل كام يوم بنعمل حفلة في مدونة (( فكرة)) ربنا يخليهالنا بتعزمنا علي كل اللي نفسنا فيه

نورتيني بتعليقاتك

mimi يقول...

المعتصم
ـــــــــ
لو كنت أخدتلك جولة في المدونة كان النكد راح منك خالص ... كل الناس اللي بتدخل المدونة عندي بتخلع همومها قبل ما تعلق عندي ....
الناس دي مش بتحب النكد خالص ...

ولا إيه؟؟؟؟؟؟ أقرا التعليقات وانت تضحك من قلبك

نورت وشرفتني بتعليقك

تحياتي

mimi يقول...

أسما وأحلام في وجداني
ــــــــــــــــــــــ

ايوة يا أحمد أول تعليق رسمي

وبعدين بطل تبيع مناديل في أشارات المدونات ...
يارب يكون البوست عجبكم ...
وانت صاحب مدونة وانت عارف ...
أنا لغيت تحقيق حروف التعليقات علشانكم
وخدوا راحتكم يا ولاد ...

Unknown يقول...

عااااااااااا دي مسجلة باسمي في المسنجر و للأسف انا اتجهت للتدوين بالعربي و التركيز فيه شهر مارس عشان كده مليش اصدقاء مدونين مصريين لكن عااا دي بتاعتي انا بسسسسسسسس

ثانيا كويس انك مجيتيش مدونتي و انا كنت حاطط هيدر كده طعمية محترمة اوي اوي اوي
كان كل اللي يخش يجيب عيش معاه يغمس بالصورة !

عمك ياض يقول...

ههههههههههههههههههههههههههههههههههههههههههههههه

والله العظيم القصه دي بجد ؟ :D:D:D

:d:D:D:D

blue-wave يقول...

ههههههههههههههههههههههههههههههههه
انتى مالكيش حل بجد
يخرب بيت خفة دمك
عسل والله
والجمله دى فعلا محيرة جدا
ماهى ممكن تكون انا كنت من زمان بحبك ودلوقت مش بحبك شوفتى؟؟
وتبقى مصيبه:))
او
انا كنت مش بحبك من زمان ودلوقت بحبك شوفتى؟
وتبقى حلوة
هههههههههههههههههههههههه

شاب كــ طخين ـــــا يقول...

هههههههههههههههههههههههه
والله دمك خفيف بطريقه مش معقوله هههههههههههههههه

واحلى حاجه لما السواق قال انا يتيم والله مش كنت هموت من الضحك

وبسم الله الرحمن الرحيم انا بتوقع فوز الأهلى قصدى الاجابه رقم 2
2- انا / كنت / من زمان / بحبك / دلوقتي / مش بحبك / شوفتي !!

علشان بتقول كانت عامله زعلانه واكيد بردو عم الحبيب كان زهقان منها

soly88 يقول...

فاضل واحده :
بحبك/دلوقتي / شوفتي !! / مش بحبك / انا / كنت / من زمان /

mimi يقول...

المعلم محمد صاحب المطعم ـ طعمية سخنة
ـــــــــــــــــــــــــــــــــــ

قلنا ... عااااااااااااا بتاعتنا كلننا ... ومش حصريا علي أي قناة ااقصد أي حد ....

أنا جيت عندك الصبح بس كنتو قافلين المطعم ....
طيب ما ترجع الطعمية تاني
وخلي الناس تعيش بالعيش ...

mimi يقول...

عمك ياض
ــــــــــــــــــ

طبعا طبعا أنت كده عمنا غصب عننا
وطبعا طبعا القصة دي مش حقيقية
دي خياااااااال علمي بحتة

mimi يقول...

blue wave
ــــــــــــــــــ

والله يا دكتور أختلفت الاراء ... وبكدة ولازم نروح الطب الشرعي أو المعمل الجنائي يشوفلنا حل لفك الشفرة

تحياتي وشكرا ليك

وامتي هتتفتح العيادة؟؟؟

قلب ارهقته الاحلام يقول...

هههههههههههههههههههههه

ايه ياميمي بس الحاجات دي دمك زي العسل بجد

بس خلتيني كنت ها ....... عااااااااا

والشفرة ال مالهاش حل دي :)

لا بس هو أكيد كاتبلها شوفتي

أنا كنت بحبك من زمان دلوقتي مش بحبك

أصلهم تخصص ف حرق الدم :)

تحياتي ياقمرر ,,,

mimi يقول...

أمبارح كان عمري عشرين
ـــــــــــــــــــــــــــــــ
محمود ... أولا أحب أقوللك مبروك الشغل بالكوسة أو باللحمة .. المهم اشتغلت وخلاص ...

ثانيا : الأهلي دايما بيفوز مش حاجة غريبة يعني ...
ثالثا : ابعت حلول أكتر جايزتك في المنديل تكتر ...

mimi يقول...

سولي 88
ـــــــــــــ

تصدق هضيفها وتبقي رقم 8 ...

ايوة كده فكر معايا

اول زيارة ويارب مش تكون الاخيرة

mimi يقول...

قلب أرهقته الأحلام
ـــــــــــــــــــــــــ

علي فكرة من غير افترا عليهم ...
هوا ده رأيهم أصلا ....

تأثير الفراشة يقول...

D: D: D:
قصة عجيبة فعلا و شفرة محيرة ربنا يعينها على فك الشفرة المعقدة دى

إنما اسلوبك لذيذ ما شاء الله، ربنا يوفقك
تقبلى مرورى
http://a-butterflyeffect.blogspot.com/

mimi يقول...

تأثير فراشة
ــــــــــــــــــــ
انا مبسوطة إنها عجبتك

وكرري الزيارة مرات كتيرة

وقوليلي رأيك في فك الشفرة

اول زيارة ونورتيني

ندا يقول...

اعتقدانى حليت الشفرة
ايةبقى؟
بس طبعامش ببلاش كدة؟
يعنى تشغيل الدماغ ده مش بالساهل
اعلقكم شويه

امير العرب يقول...

اول حاجه عاوز اقولها انك فعلا متميزه فى سرد الاحداث بس ياريت نفسى اعرف الجواب فيه ايه

Unknown يقول...

لا كله بياكل و مبيدفعش

مسدس صغير يقول...

هههههههههههه
التعليق
دالوقتى مش بحبك من زمان عااااااااااا
ههههههههه
بوست لذيذ احييكى عليه.

Kimmo Alahlaoy يقول...

http://bantel7agdracula.blogspot.com/2009/05/blog-post.html


لازم نقف مع بعض ونعرفهم الا بيغلطه فيه دا اد ايييييه

غالى

فداك روحى يارسول الله

mimi يقول...

ندا
ــــــــــــ

طيب قولي ... طيب أشرة كدة ولا تلميحة واحدة........

خلاص ياس ستي مادمتي هتزوريني كتير عندي استعداد استني اجابتك

mimi يقول...

أمير العرب
ــــــــــــــــ

أتمنالك التوفيق في عالم التدوين ... وشكرا ليك

مستنية موضوعاتك الجديدة

الجواب انك تختار بنفسك من الاختيارات وسيب قلبك يقوللك انت ممكن تقول ايه في الحالة اللي زي دي ....

mimi يقول...

المعلم محمد صاحب المطعم ـ طعمية سخنة
ـــــــــــــــــــــــــــــــــــ

لا يا معلم ما يصحش ... بعد كده دخول المونة بتاعتك بتذكرة

mimi يقول...

مسدس صغير
ـــــــــــــ
طلقات مسدسك أصابت جدران مدونتي ...
تحياتي ليك ...
وطبعا نهاية البوست مفتوحة علشان كل واحد يحط النهاية اللي يتخيلها ...
يعني حسب نيته ...
وانت بانت نيتك ، لما طلعت طلقتك

mimi يقول...

kimmo
ـــــــــ

شكرا لمرورك

اسماء واحلام فى وجدانى يقول...

اد بقى اللخبطة دى كلها

VÖltaa يقول...

انت امى
لأ يتيم
هههههههههههههههه
حتة بمليون جنيه
زى العسل والله
جميلة جدا وحكاية ان الكل يعيط دى

Nostor Azzuro يقول...

حلوة اوى قصة العياط جامدة كيك
ـــــــــــــــــــــــــــــــــ
الواحد لما يفرط فى حقه ده بيقى ايه
؟؟
الكلب يبقى احسن منه؟؟

اسماء واحلام فى وجدانى يقول...

ميمى

انت تسال والكمبيوتر يجيب يقول...

الأخت العزيزه
برنامجنا الأذاعى عن المدونات وسعدنا بمرورنا هنا وطبعا لا يجوز ان نتكلم عن المدونات المتميزه فى برتامجنا دون ان نشير الى مدونتك ...ولذلك نوجه لك هذه الدعوه وبها كافة التفاصيل
دعوه
الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://stop.to/cairo

محمود جامع يقول...

السلام عليكم
المدونه دي خطيره
تسلم افكارك
فوق الرائعه
انا متشكر للزياره

mimi يقول...

أحمد

ــــــــــــ
لخبطة ليه ... مش أنت اللي اقترحت اقتراح منهم؟؟؟!!!

mimi يقول...

محمد
ـــــــــــــــ

حمد الله بالسلامة من اسكندرية

ولو حتة بمليون جنية ... طب هات ربع جنية

عجبك البوست ... طب هات حتة هريسة
عااااااااااا

اسماء واحلام فى وجدانى يقول...

ازيك يا ميمى انتى فين كل ده

كده بردة الغيبة دى كلها


على العموم ماشى

اسماء واحلام فى وجدانى يقول...

انا ما اقترحت شىء

البركة فى مخك الجبار

يا جبارة

VÖltaa يقول...

مابلاش الهريسة
ده انا جبت علللللللللبة واحدة
اتنسفت فى يومها

وملحقتش ادوق غير تلات ارباعها بس !!

ههههههه

mimi يقول...

nostor azzuro
-----------------------


يارب تنجح كل محاولاتك

mimi يقول...

أسماء واحلام في وجداني
ــــــــــــــــــــــــــــــ

ايوة يا أحمد بتنده ؟؟؟؟؟؟

mimi يقول...

محمد
ــــــــ

اصلا انت تشتري الهريسة من عند احمد حسنين اللي في أول خالد ابن الوليد وتلاقيها خلصت منك قبل أخر الشارع

ازاي ....... معرفش

mimi يقول...

اسماء واحلام في وجداني
ــــــــــــــــــــــــــ
ــــــــــــــــــــــــــ

جبارة.... " لماذا ؟"

تامر حسين يقول...

بجد انا مموتنيش غير عاااااااااااا دي
خليتني مسخسخ علي روحي وانا بتخيل
علي فكره تعليقك في مدونتي كهربني وخلاني لازم اخش اعمل موضوع جديد اتمني اشوف تعليقك الكريم وياسلام بقي لو جبتي صحابك وجيتو تشربو الشاي في مدونتي يبقي يزيدني شرف
تحياتي البلوجريه

اسماء واحلام فى وجدانى يقول...

انا كنت معدى من هنا

قلت اسلم عليكى

واسالك عاملة ايه

فشكووول يقول...

ازيك يا ميمايه
انا جيت اصلا لما لقيتك عند محمد وعمالين تضربوا لبعض
وبعدين الشفره دى مش حد يعرف يحلها الا صاحبها
وانت عملتى تباديل وتوافيق تخلى الواحد يتوه اكتر من الاول
واى احتمال من اللى عملتيهم صح
والبنت ممكن عوضها على الله
وتحياتى

غير معرف يقول...

انا طعمية يابت ياميمايا ازيك انا عايز اقولك المدونة بتاعتك مش حلوة ومستغرب ان العدد الرهيب دة بيدخل بصي دة اميلي ابعتيلي ta33ia@gmail.com

هندسة وصفية يقول...

هو انتي ايه حكايتك مع الميكروباصات؟؟؟

mimi يقول...

غير معروف
================
هانج يانج فونج
كينج كونج هيتاتشي ؟
شانج يانج كونغ فو ...
بينج بونج نياهاما !!!

ميتسوبيشي هيتاشي هوندا

mimi يقول...

تامر حسين
===========
والله نورت المدونة كلها مش البوست ده بس
وكويس ان تعليقي جه بفايدة ....
وحاضر حاضر بس كده ... عزومة مقبولة
وتحياتي للشبراوية كلهم
وتحيا مصر

mimi يقول...

أحمد
=====
انا كويسة ... وانت؟

mimi يقول...

فشكول
========
في أول زيارة ليك بقوللك نورت المدونة
وبعدينة محمد مش راضي يديني هريسة من اللي جابها من اسكندرية وكمان بيقوللك عرفت ازاي انه من شبيك الكوسة ... مع إنها كانت واضحة أوي من البشاميل اللي حواليها
يرضيك كده؟

ياريت مش تبقي زيارتك الأخيرة

mimi يقول...

طعمية
=========
أنا طبعا هحترم رأيك في مدونتي ... دي حرية شخصية ،،، بس أنا مش قلقانة من رأيك ...
انا قاقانة من عينك ...

تحياتي ليك وشرفت وبعدين خد أيميلك تاني ...ابعتللك ليه ... مش كلامي مش عاجبك ؟؟

mimi يقول...

هندسة وصفية
==============
يا بشمهندس دي حكاية حب ... وعِشرة كمان

mimi يقول...

محمود الجامع
==============
الحمد لله إن المدونة عجبتك
ويارب كل الموضوعات اللي فاتت واللي جاية كمان

تحياتي وربنا يكرمك

فكرة من الزمن ده يقول...

ميمايتي الجميل انتي فين

فكرة من الزمن ده يقول...

ربنا يخليكي يا ميميايتي الجميلة على الغاء الحروف
علشاني اردهلك يا اجمل ميمايا

فكرة من الزمن ده يقول...

استنيتك كتير بقى واتاخرت لازم اروح بيرنوا عليا سلام حبييبي

mimi يقول...

فكرتي
===============
معلش يا فكرتي
اتأخرت عليكي
وزرتك في بيتك
قصدي مدونتك

thunder يقول...

انا جيتتتتتتتتتتتتت صبرا صبراااا نياهاااااااااااااا

mimi يقول...

ثندر
=============
أنا هسميك رعد الزئبقي

محدش عارف عنك حاجة

فكرة من الزمن ده يقول...

حضرت ولم اجدكم
امضاء
\
آآن ايديا
يعني فكرة علشان تعرفونا بس التعليم مش اي كلام

الكلمة نور يقول...

دا كان بيشتغلها

mimi يقول...

الكلمة نور
===============
محدش عارف ...

المدونة نورت ... عاوزة اقرا مدونتك... طب إزاي

مهرة سالم يقول...

السلام عليكم...
هو طبعا وحده من الإختيارات ...
بس فعلا تستاهل عاااااااا
....
دمتِ بخير

مامة مازن يقول...

هههههههههههههه
لا مخدنهاش دى
اسلوبك جميل جدا

تامر حسين يقول...

تصدقي ان دخلت قريت البوست تاني عشان اضحك
وخصوصا لما السواق طلع مبيعفش يقرا دي
عااااااااااااااااااااااااااااااا

تحياتي يا جميل

mimi يقول...

نهار
=======

نورتيني يا حبيبتي ..

الأختيارات كانوا اكتر من كده
بس قلت أختصر علشان وقت البرنامج

ههههههههه
نورتيني
عاااااااااااااااا

mimi يقول...

مامة مازن
==============
تسلملي تعليقاتم يا " زوجة أحمد"
ومامة مازن

نورتي المدونة كلها
انا كمان عملت عندك لفة في المدونة وما شاء الله أسلوبك حلو اوي وعجبني

mimi يقول...

تامر حسين
============

هوا لسه البرنامج اللي بيقدم شاي للقراء موجود؟

لو كده ... انا عندك يوماتي

تحياتي ..

فراشة يقول...

ايوه يا ميمى والله انا صعقت لقيت مدونة ليه كاملة بالصورة بالعنوان بنفس طريقة وتوزيع الكتابة
واللينك اهو
http://love-radwan.blogspot.com/2009/05/blog-post_23.html
ده بالنسبة ليا معرفش اذا كان ده نفسه اخذ من حد منكم ولا لا

واللينك ده لينك منتدى واحدة اخدت من وردة http://www.fremuzic.com/vb/t1159.html

اتفرجى يا ميمى على الاستفزاز
اعملى سيرش باول كلمات من اى مدونة ليكى على جوجل وشوفى لو حيطلعلك حاجه غيرك
ولازم نعمل اى حاجه

غير معرف يقول...

ههههههههههههههه
لا بجد روعة
أنا بحب النوع ده من الكوميديا
اللي كل ما يبقي فيها عااااااا تضحك برضه
لا ولا الراجل السواق اللي مع نفسه كمان مشكلة
بجد في مواهب كتيرة علي المدونات دي يا جدعان
شكراً