الثلاثاء، 26 مايو 2009

فارس أحلامي .... + تحديث




فارس أحلامي هُمام


كِرشه .. لمترين قدام


يتغدي لحوم وفراخ


والعشا يتعشي حمام





فارس احلامي هُمام





فارس احلامي بطئ


وكلامه رغي خنيئ


وأول ما يحس بضيق


بيشد لحاف وينام





فارس احلامي هُمام





فارس أحلامي بخيل


ومع أنه عريض وطويل


بيصرف قرشه بعويل


ويلبس لبس الاقزام





فارس احلامي هُمام





فارس احلامي حويط


وبيمشي في جنب الحيط


دا في مره قابله عبيط ...


راح ساءله ساعتك كام؟





فارس أحلامي هُمام





فارس احلامي لغات


لهجته لهجة بشوات


عضلات جسمه .. مصدات


علشان يعجب ستات ..


يترمّوا عليه .. وأوام





فارس احلامي هُمام





فارس احلامي دا ديب ..


بيطفش أي غريب ،،


عدو كان أو حتي حبيب


ويحط في بقه لِجام





فارس احلامي هُمام





فارس احلامي عنيد


سلاماته مش بالإيد

وفي كفه خُف حديد

حركاته بالتـاكيد


محتاجة بنط لحام





فارس أحلامي هُمام





فارس احلامي رومانسي


بيحب أصالة ونانسي


أجمل افلامه .. المنسي


طموحاته كلها .. أحلام





فارس احلامي هُمام





فارس احلامي طبيعي

زي الأُس التربيعي

في شتاه .. انا بلقي ربيعي

وياه العيشة تجــــنن


ومعاه الدنيا سلاااااااام



عااااااااااااااااااااااااااا





فارس احلامي هُمام


.
التحديث
ــــــــــــــــــــــــــ
http://advsarab.blogspot.com/2009/05/blog-post_30.html?showComment=1243640467064#c1185598463335206973

.

شكراااااااااااااا
.


الأحد، 24 مايو 2009

الأهلي عمهم ... وحابس دمهم + تحديث







طبعا ... طبعا .... بدون تعليق

.

.

نتقابل الساعة 9.00 بعد الاحتفالات بقي

.
الساعة دلوقتي 8.11 والنتيجة (1 /0 )
هاه ايه رايكم؟؟؟؟؟؟؟؟
نيااااهااااااااااااااااااا
.
يا شماتة أبلة طازة فيكو .....
.
هاهاهاهاهاهاهاهاهاهاهاهاهاها
أهلي أهلي .... هوه هوه

أهلي أهلي ........ هوه هوه

.

.

HARD LUCK ISMA3ILI

أهلي أهلي

هووه ... هوووه

قولولو الحقيقة........

قولولو بحبه ... ومدوبني حبه ...

ولأخر دقيقااااااااااااااااا

للمرة 34 في تاريخه ... بطل الأبطال ...

المرة ال5 علي التوالي ....

ابعد يا شر ... كفايانا أر

تنافسوا أه ... تاخدوا الدوري لاااااااااااااااااااااااااااااااااااه

مانويل جوزيه ... شكرا ......... 19 نصر للأهلي ...

والأهلي عمهم ... وحابس دمهم..

حامل اللقب ...

.

.

..




الجمعة، 22 مايو 2009

زغروطة كبيرة




أحمد رجع
وساب رسالة لكل واحد فيكم
كتعليق في البوست اللي فات

عقبال إيناس ووردة ياااااارب
.
.
أرجعي يا إيناس
أرجعي يا وردة
.
.

الأحد، 17 مايو 2009

أنا أحب محمد




لو واحد صاحبك أتصل بيك .. قالك ألحقني ...

هتروحله جري طبعا ..

حتي ولو كان في إيدك 100 حاجة مهمة جدا...

لو مامتك أتصلت وقالتلك تعالي بسرعة ...

أكيد هتروحلها .. دي ماما برده ..

طيب لو حد أهان مامتك؟

ولو حد أهان باباك ؟

ولو حد اتعرض لأختك ؟

ولا حد شتم أخوكي ...؟

هيكون الرد إيه ؟

انا بقي حبيبي أهانوه ... شتموه

مش بس كده ...

دول كمان كدّبوه .... وافتروا عليه ...

حبيبي محمد

سيد الخلق أجمعين ...

محمد رسول الله صلي الله عليه وسلم


لأخر نفس في حياتي هقول

لا إاله إلا الله .. محمد رسول الله
جمال الحياة لا يكمن فى الحياة بل يكمن فى شخص واحد هو من اشرف خلق الله
هو البداية رضى الله عنه وارضاه ..هو الصدق والامانة ..ومن يهواه بصدق الجنة تكون مثواه ..قراءنا يمشى على الارض .. والارض انفردت بتقبيل قدماه
صلى الله عليه وسلم
"كتب أسماء وأحلام في وجداني "
شكرا أحمد

الثلاثاء، 12 مايو 2009

تاااااااااااج




========================

اولا أنا جالي تاج

وده واضح طبعا ..

التاج ده جالي من mo7ammed وأنا بشكره ..

وبسأله ... لايق عليا ؟؟؟

=========================

أستعنا علي التاج باللــه

من أنت ؟
أنا الهوا هوايا
قصدي أنا ميمي ميمايا


وما الذى تفعله هنا ؟

بحاول ألبس التاج
عاااااااااااااا


إسرائيل تقصف كل جنوب ممكن بحثا عنك ، أى شمال ستقصد؟

شمال القاهرة
بيتنا يعني ... و كله أمان .. زي ما قال السادات

أنت مكلف بحذف حرف من حروف اللغة العربية .. أيها ستختار ولماذا ؟
أي حرف ممكن أحذفه إلا حرف ال " م "
علشان من غيره اسمي هيكون "يي"
ودلعي ساعتها هيكون " يييييييييييييي"


لو قدر لك أن تدخل السجن فما هي القضية التي تتمنى ان تدخل بها إليه؟
أكيد قضية الهروب من السجن .


بالمناسبة.. منذ متى اكتشفت نفسك؟
امبارح الصبح .. بس كان بدري عن كده شوية .


على مفترق طريق لافتتان ، اليمنى تقول ( إلى حلمك ) واليسرى تقول : ( إلى مالم يحلم به البشر ) ، أي الطرق ستسلك؟
إلي حلمي طبعا .. هوا حد يعرف أصلا يحلم احلامي


نحن لا نعيش حياتنا بل نتعلم فيها كيف نعيش ما تعليقك؟
طيب ماهو ممكن نعيش وإحنا بتعلم ... ومفيش مشاكل ...



بجملة واحدة فقط أكتب تعريفاً لكل كلمة من الكلمات التالية:

الوطن
أرض ميلادي ، والمكان الذي يأويني ويحميني وأحن له دايما

الأم

عطاء ملوش أول ولا أخر ومجانا
الليل
استراحة بين شوطين .... قصدي نهارين
الحب
أحلي حاجة في الدنيااااااا وأجمل شعور




أمريكا
شعب ولا حكومة ... هتفرق كتير ...!!!


المرأة
الأم والبنت والأخت والزوجة والحبيبة والصديقة والزميلة .. فاضل حاجة تاني؟


الصمت
حالة بتيجي للواحد لما يكون الكلام ما منوش فايدة


الانترنت
سلاح ذو حدين ... وساعات تلاتة أو أربعة

أخترمنصباً واتخذ قرارا ؟

رئيس مجلس الوزراء
من مكرة الصمح ... من مكرة الصمح يا بشر
الحكم ذاتي ...


يعني الحكم لذاتي أناااااااااا

قيس، عنترة، جميل، هم الذين يقولون شعرا، وليلى وعبلة وعزة «صموت» لماذا هذا التغييب للمرأة؟

لأن صمت المرأة أحيانا بيكون أبلغ من 100 قصيدة أو مليون بيت شعر


أن تكون مطلوبا لارتكابك جريمة ، خير لك من ألا تكون مطلوباً مطلقاً " ، هل تتفق مع هذه العبارة ؟علل

فكره برده ...أتفق .... وما اتفقش ليه ..
وساعتها هبقي WANTED


إلى أين تمضي كلمات الحب .. بعد أن نقولها؟

تمضي في خط مستقيم
لا شمال ولا يمين ... إلي الهدف مباشرة


هل تجد علاقة بشكل أو بآخر بين المرأة وقطاع الطرق ؟
ايوة ... الأتنين ممكن نقابلهم في مترو الأنفاق
هذا فراق بيني وبينك .. متى ولمن تقولها ؟
أي جزمة كعب عالي .. لما يكون المشوار طويل

كيف هو غداً ؟
في علم الغيب ولا يعلمه إلا الله


لمن تمرر التاج ؟ ؟؟؟
امرر التاج الى .......

دورت كتير أوي ولقيت اللي يستاهلو التاج ده عقابا ليهم

هم..............


( ثندر الرعد الزئبقي )
و

( أسماء وأحلام في وجداني )
و
( nostor azzuro )
وبالهنا والشفا ....

الخميس، 7 مايو 2009

أنا بحب أحمد








لحسن الحظ أنا عندي أخ توأم





أيوة إحنا أتنين توأم .. ولد وبنت .. مولودين بيننا خمس دقايق بس ...





توأمي أسمه ( أحمد ) ...





بابا سماه (أحمد) عشان أخوه اللي استشهد في حرب أكتوبر 73 ... واللي بعد استشهاده قرر أهل الحي اللي ساكنين فيه إنهم يطلقوا أسمه علي الشارع اللي كان ساكن فيه ... وبالفعل تم إطلاق أسمه علي الشارع وكمان علي أسم مدرسة بالإضافة الي النادي الإجتماعي





وبالتالي أصبح عنوان الشارع : -





#شارع الشهيد أحمد بجوار مدرسة الشهيد أحمد أمام نادي الشهيد أحمد الإجتماعي#





ماما بقي .. كانت تعبانه أوي في تربيتنا ... علشان إحنا اتنين ..





بنصحي مع بعض و بننام في نفس التوقيت تقريبا ..










مامتي استعانت بأخوها اللي هوا خالي يقعد معاها شوية ويساعدها ..





خاصة أنه كان طالب في الجامعة وقتها وعنده وقت فاضي في الأجازة ..





خالي كان أسمه ( أحمد) ...





أنا طبعا بحب توأمي .. ( أحمد )





وبحب عمي ( أحمد ) اللي ما شفتهوش ،





بحبه علشان كلام الناس عليه وعلي شجاعته وأخلاقه ..





وبحب خالي ( أحمد ) علشان هوا اللي مربيني ...





وعلشان كده كل عمامي أطلقو أسم ( أحمد ) علي ابنائهم





فأصبح لي 4 أبناء عموم أسمهم ( أحمد) تخليدا لذكري عمي الشهيد





وتوفي خالي ... فالبقاء لله





فأطلقت عائلة والدتي أسم ( أحمد ) علي أبنائهم تخليدا لذكري خالي





لذلك أصبح لديّ 4 أبناء خالات أسمهم ( أحمد)





كبرت .. وكبرت .. وكبرت..





دخلت الجامعة ... وكان أول صديق وأخ أسمه ( أحمد ) .. وقف جنبي وساعدني في الدراسة والشغل وكل حاجة ...





أتخرجت من الجامعة ... وبدأ أسم ( أحمد ) معايا يشكل حاجة حلوة بمجرد سماعه





واشتغلت... قابلت مديري في الشغل لأول مرة ..





واكتشفت بالصدفة البحته إنه ساكن في الحي بتاعي .. قلتله " كويس إنك مش أحمد"





وحكيتله باختصار قصة أسم أحمد في حياتي ... لقيته ضحك ..




قلتله " ايه يا مستر هما بيندهوللك بأحمد" ؟





قاللي لأ ... أصل رئيس مجلس الإدارة أسمه ( أحمد ).... وعامل اجتماع وعاوزك ...





في الاجتماع طلب مني رئيس مجلس الأدارة ( أحمد ) إني أكون ضمن المرشحين للحصول علي منح دراسية





" تنمية بشرية"





أخترت أدرس ترجمة بالجامعة الامريكية ... ووافق المجلس ...





في أول محاضرة ليا قابلت مدرس دكتور يستاهل لقب بروفيسور بجد .. شخصية قوية





حزم .. قدرة علي الإقناع رائعة ... تفاهم ... شخصية جبااارة ... ومع كل ده ..




متواضع وذكي ومتفاني ومحترم ..





واصبح لي منذ اليوم الأول قدوة حسنة في السلوك وطريقة التفكير





وكان أسمه ( أحمد ) .....





أحمـد الأخ





أحمـد العم





أحمـد الخال





أحمد ابـن العم





أحمد ابـن الخال





أحمد الصديق





أحمد الرئيس





أحمد القدوة






الأسم ده لما بسمعه .. بحس بالأمان والإطمئنان

بحس براحة ...



بحس إن مجرد الأسم ده ... يعني لي الثقة ..




بحس بسعادة ..





أنا بجد ...





بحب الأسم ده




أنا بجد ....





أنا بحب ( أحمد )



.


.


.

الأربعاء، 6 مايو 2009

بوستين





إعــلان هاااااااام

ـــــــــــــــــــــــــــــــــــــــــــــــ


تعلن أسرة المدونين الجدد



عن قيام رحلتها الأولي


لإحدي المدونات الصديقة


علي أن تسدد رسوم الإشتراكات فورا


علما بأن قيمة الإشتراك بالرحلة

.



.
.


بوستيــن
.
.
.
.