الاثنين، 22 فبراير 2010

حزروا فزروا

إبحث

ستجدني في أمامها لا خلفها ولا بداخلها

تجدني في عالمها ... لا في عالمك

أنا لست البئر ولا المنبع ، أنا العين

...

تجدني في خصامها ولومها ولا تجدني في فرحها

تجدني في المهام الصعبة ولا تجدني في المصاعب

إبحث ..

لاتجدني في الأماني ، ولاتجدني في الأمنيات

ولكن أبحث أكثر تجدني في الأمهات ..

هل عرفتم ما هذا ؟

.

.


الثلاثاء، 16 فبراير 2010

هابي "شبرانتاين" تو يو



شامط ألب السنين ...

ومعلقه في الجاكتة
لونه علي كل لون ..

مأنتخ في الكارتة
سرحان والموج بياخده ...

في دماغه بسكلتة
واصل ليله نهاره ..

متشعبط في البافتة
رايح علي فين تأزأز؟ ...

غاير في أي حتة..

شعور نغاشيشه واقفة ..

بيطأطأ ف الموكيته

مش عارف ليه ده حاله !!

وبيضرب في الباكيته

وعجبي ......


الاثنين، 1 فبراير 2010

الكاس دلوقتي معانا

إحنا طبعا بالبطولة فرحانين
حاسة بإيدينا .. يد واحدة مش إيدين
مصري عربي مش بنسأل دول منين
المهم الكاس بتاعنا
ويارب دايما منصورين
*************
شفتوا الشوارع والبيوت؟
ساكتة وملهاش أي صوت؟
كل الكلام كان كلمتين
يا إما " سدد" يا إما "شوط"
بس بعد الكاس ما جانا
وودع الملعب وغانا
يعني المهم إنه معانا
في شارعنا ميييييييين يعرف يفوت !!!

**********
شفت البنات ويا البنين ؟
راسمين علمنا ع الجبين
رافعين رايات النصر ماشيين مبسوطين ؟
ست ـ راجل ـ طفل ـ شب
كله شجع
كله حس وكله حب
كلنا في آخر دقايق
قلبنا من خوفنا .. طب
بس ميييييييييين !!!!!
دول فراعنة ملثمين
لعبوا ... آه
تعبوا لكن .. في النهاية ..... لّعبين
والفرحة دي بترقص في عينهم
كات فرحة منتظرينها سنين
**************
الحقيقة مش حكاية كاس وبس
الحقيقة الغايبة فعلا ...
إننا بنحب مصر
بندعي من قلوبنا ليها
تتنقل بين ألف نصر
ولو بإيدنا تبقي جنة ...
أو عروسة بإيدها حنة
وكل ده لحبك يا مصر
*****************
وإحنا واقفين ضد غانا
كان دعانا
ناخد الكاس ده معانا
وجيبناه معانا ، أهه وكسبنا البطولة
في مطارنا رافعين الرايات
هيا دي يا ناس الرجولة
.
.
.ألف مبروك لمصر
.
.معلش أسفة علي التقصير معاكم كلكم
بس أصل أنجولا بعييييييييد
ههههههههههههه
.
.