الثلاثاء، 16 فبراير 2010

هابي "شبرانتاين" تو يو



شامط ألب السنين ...

ومعلقه في الجاكتة
لونه علي كل لون ..

مأنتخ في الكارتة
سرحان والموج بياخده ...

في دماغه بسكلتة
واصل ليله نهاره ..

متشعبط في البافتة
رايح علي فين تأزأز؟ ...

غاير في أي حتة..

شعور نغاشيشه واقفة ..

بيطأطأ ف الموكيته

مش عارف ليه ده حاله !!

وبيضرب في الباكيته

وعجبي ......


هناك 36 تعليقًا:

Cute Kitty **sookra يقول...

ميمايا
فينك من زمان
فيه اغنيه على اوزان رباعياتك دى لكن موش قادره افتكرها دلوقتى

Cute Kitty **sookra يقول...

انا برده سكره

Mano يقول...

اكيد دا مش صلاح جاهين
علشان ايامه مكنوش اخترعوا الباكيته
هههههههه
تحياتي

صوت من مصر يقول...

ده فالنتين من عند بيت الحاج بو سمعيل

غير معرف يقول...

القصيدة مبتورة

خلت من أهم مظاهر الحب

اة

التوك توك

لــــ زهــــــراء ــــولا يقول...

ميمى
-***---
انتى فين يا قمرايه وحشانى ووحشنى كلامك بجد
حلوه الرباعيه دى جدا جدا

هابى فالنتين داى تو يو
ومش تحرمينا من كلامك
مش تتاخرى تانى علينا

غير معرف يقول...

السلام عليكم
الفاضلة : مي
سأصدمك إن قُلت لكِ أني لا أحب تلك السليقة اللغوية .. لم أفهم شيء
كلمات لا أصل لها في اللغة .. أراها تدمر هٌويتنا العربية

أعلم : كلماتي قاسية .. لكن أنا أشعر بأمانة ومسؤولية تجاه لغة وطني التي تُدمر مع هذا التهاون في اللفظ والكلمة

حاولي أن تستغلي موهبتك في صياغة جمل وكلمات عربية صحيحة

دمتِ بكل ود

Unknown يقول...

مش توضح الباكيته دى من اى نوع

خواطر شابة يقول...

هو شبرانتاين معناها ايه

كيكى عوووووو يقول...

دة انجيلزى دة يامرسى!!!

Remas يقول...

ميمايا

انتى فين ياتوتة من زمان وحشانى اوى

هابي فالنتين تو يو ياقمر

قوليلى بئا هو شبرانتاين دا يعنى الفالنتين في شبرا ولا انا مش فهمت ؟

وكل عيد حب وانتى سعيدة يارب

adel يقول...

مفيش تعليق

غضبان يابو ميمي

Tarkieb يقول...

بصراحة بايخة جدا ...اول مرة اشوفلك حاجة هايفة كدة ...كل سنة وانت طيبة

أبو أمك يقول...

في شبرا الكيف ده غير..مش زي أي حتة
لا حكومة ببراشوت تنزل...ولا حد بيرمي جتة
تطلب قرش الحشيش...ييجيلك منه ستة
مش تشرب بس لكن...ممكن تعمل بيه فتة
في شبرا الكيف ده موز...وفي غيرها خيار وأتة
وعجبي

Tamer Nabil Moussa يقول...

كلمات جميلة

تسلمى عليها

مع خالص تحياتى

حروف يقول...

مين طفي النور مين طفي النور

في حد يكتب كدة يا لينا اقصد يا ميمي هههههههههه

انا جيتت


خلتيني اضحك والله

دمتي بخير

thunder يقول...

هههههههههههههههههههههههههههههه
جامدةاوى اوى التركيبة الغير مفهوم وهى غير مفهوم لانه يصعب على امثالى من النوع البشرى فهمة نظرا لان تعليمى اقتصر على كتاب وزنة الله يعمره هههههههههههههههههه
لكن ممكن افيديك فى الموضوع دا عن طريق التجارب فى مجال علاقة الجاكتة بى الشامط وتكون بما ان العلاقة قائمة على محور اذن دريم ومودرن مغلقة وتكون الاجابة عبد الرحمن ابو زهرة هذا والعلم عند الله ههههههههههههههه

كل سنة وانتِ طيبة وهابى فلانتين

ليس فقيرا من يحب يقول...

هههههههههههههههههههههههههههههه

ايه ده يابت يا ميمى

هو الكلام اللى صعب ولا انا اللى غبيه يا مستر

هههههههههههههههه

وحشاااااااااانى اوى جدا خالث

غير معرف يقول...

دا ظلانتين خالص

ههههههههههههههههههه

Bent Men ElZman Da !! يقول...

ده مش شبرانتاين بس
ده بقى شبرانتاين وجميع العشوائياتاين هههههههههههههههه
وكل شبرانتاين وانتى بخير :)

EMMY BABY يقول...

هههههههههههههههههه ايه التهييس ده يا ميمايا

كل ده علشان الشبرانتاين

نلغيه خالص لو عايزة

عاملة ايه يا ميمى

تحياتى

ايمى

z!zOoOo يقول...

صباحو تهييس

إبقي عدي علي المدونه عندي

وانا اكتبلك الحل ف روشته

D:

تحياتي

أحمد زاهر يقول...

المعنى غير مكتمل

شفـقــة و إحســــان يقول...

وعجبى
حلوة ودمها خفيف جدااااااااااا
هابى زلانطين داى

The illusionist يقول...

وهابى زلانطين عليكى يا ميمو
كلام جميل وكلام معقول
انضرب بالجزمه ل قولت حاجه عنو

mohamed ghalia يقول...

ميمايا
منوره برباعياتك

MaNoOoSh يقول...

فينك من زمان يا بطسطاية
وحشتيييييييييييييني جدا

Tamer Moghazy يقول...

يااااااااااااه يا ميمايا..
فكرتيني بزمن الفن الجميل..
بس ايه الكلام الجامد قوي اللي كله رومانتيكية ده...هه..؟؟

عارفة مش عارف ليه فكرتيني بكلمة بقولها انا وواحد صاحبي بقالنا يومين كل ما نشوف حاجة وعاوزين نتكلم فيها وفي الاخر نسكت اقوم اقوله (انطق يا اخرس) ويا ريته ما نطق ...
فاهمة حاجة :)

(وش بيضحك ضحكة خبييييثة موووت)

Tamer Moghazy يقول...

لأ..بس بجد يا ميمايا قدرت تضحكيني ومن قلبي ..
كل سنة وانت بكل الحب :)

حلم بيعافر يقول...

هههههههههههه
ده انجليزى يامرسى؟؟

S H A H يقول...

و على كدة الشبرانتاين ده الواحد ياخد في ايده قرطاس لب و ترمس و لا ايه :))))

البروفيسير يقول...

السلام عليكم
ايه الرباعيات الجامده دى
تحياتى

فكرة من الزمن ده يقول...

ميمايتي
وحشانييييي

اوي جدا موت

انتي عايزة ايه
ههههههههههه
ايه اللخبطيشن ده يابنوتة انتي ياحدوتة
وحشتيني وبحبك بقى

لــــ زهــــــراء ــــولا يقول...

فيييييينك ميماية ياقمراية ؟؟؟؟؟؟؟؟؟؟

لــــ زهــــــراء ــــولا يقول...

فيييييينك ميماية ياقمراية ؟؟؟؟؟؟؟؟؟؟
لـــولا

غير معرف يقول...

شكرى ابن عمك مش فاهم حاجة
ومتنح للكلام
وبيظن انه مصدره الباطنية
خلى بالك بقى
من اى كابسة محتملة