الخميس، 7 مايو 2009

أنا بحب أحمد








لحسن الحظ أنا عندي أخ توأم





أيوة إحنا أتنين توأم .. ولد وبنت .. مولودين بيننا خمس دقايق بس ...





توأمي أسمه ( أحمد ) ...





بابا سماه (أحمد) عشان أخوه اللي استشهد في حرب أكتوبر 73 ... واللي بعد استشهاده قرر أهل الحي اللي ساكنين فيه إنهم يطلقوا أسمه علي الشارع اللي كان ساكن فيه ... وبالفعل تم إطلاق أسمه علي الشارع وكمان علي أسم مدرسة بالإضافة الي النادي الإجتماعي





وبالتالي أصبح عنوان الشارع : -





#شارع الشهيد أحمد بجوار مدرسة الشهيد أحمد أمام نادي الشهيد أحمد الإجتماعي#





ماما بقي .. كانت تعبانه أوي في تربيتنا ... علشان إحنا اتنين ..





بنصحي مع بعض و بننام في نفس التوقيت تقريبا ..










مامتي استعانت بأخوها اللي هوا خالي يقعد معاها شوية ويساعدها ..





خاصة أنه كان طالب في الجامعة وقتها وعنده وقت فاضي في الأجازة ..





خالي كان أسمه ( أحمد) ...





أنا طبعا بحب توأمي .. ( أحمد )





وبحب عمي ( أحمد ) اللي ما شفتهوش ،





بحبه علشان كلام الناس عليه وعلي شجاعته وأخلاقه ..





وبحب خالي ( أحمد ) علشان هوا اللي مربيني ...





وعلشان كده كل عمامي أطلقو أسم ( أحمد ) علي ابنائهم





فأصبح لي 4 أبناء عموم أسمهم ( أحمد) تخليدا لذكري عمي الشهيد





وتوفي خالي ... فالبقاء لله





فأطلقت عائلة والدتي أسم ( أحمد ) علي أبنائهم تخليدا لذكري خالي





لذلك أصبح لديّ 4 أبناء خالات أسمهم ( أحمد)





كبرت .. وكبرت .. وكبرت..





دخلت الجامعة ... وكان أول صديق وأخ أسمه ( أحمد ) .. وقف جنبي وساعدني في الدراسة والشغل وكل حاجة ...





أتخرجت من الجامعة ... وبدأ أسم ( أحمد ) معايا يشكل حاجة حلوة بمجرد سماعه





واشتغلت... قابلت مديري في الشغل لأول مرة ..





واكتشفت بالصدفة البحته إنه ساكن في الحي بتاعي .. قلتله " كويس إنك مش أحمد"





وحكيتله باختصار قصة أسم أحمد في حياتي ... لقيته ضحك ..




قلتله " ايه يا مستر هما بيندهوللك بأحمد" ؟





قاللي لأ ... أصل رئيس مجلس الإدارة أسمه ( أحمد ).... وعامل اجتماع وعاوزك ...





في الاجتماع طلب مني رئيس مجلس الأدارة ( أحمد ) إني أكون ضمن المرشحين للحصول علي منح دراسية





" تنمية بشرية"





أخترت أدرس ترجمة بالجامعة الامريكية ... ووافق المجلس ...





في أول محاضرة ليا قابلت مدرس دكتور يستاهل لقب بروفيسور بجد .. شخصية قوية





حزم .. قدرة علي الإقناع رائعة ... تفاهم ... شخصية جبااارة ... ومع كل ده ..




متواضع وذكي ومتفاني ومحترم ..





واصبح لي منذ اليوم الأول قدوة حسنة في السلوك وطريقة التفكير





وكان أسمه ( أحمد ) .....





أحمـد الأخ





أحمـد العم





أحمـد الخال





أحمد ابـن العم





أحمد ابـن الخال





أحمد الصديق





أحمد الرئيس





أحمد القدوة






الأسم ده لما بسمعه .. بحس بالأمان والإطمئنان

بحس براحة ...



بحس إن مجرد الأسم ده ... يعني لي الثقة ..




بحس بسعادة ..





أنا بجد ...





بحب الأسم ده




أنا بجد ....





أنا بحب ( أحمد )



.


.


.

هناك 138 تعليقًا:

اسماء واحلام فى وجدانى يقول...

اول تعليق

لبنى ادم

اسمه

احمد

اسماء واحلام فى وجدانى يقول...

ايه كمية الاحمدات دى كلها

قلبك ده اد ايه

ربنا يخليهم ليكى

Mo7ammed يقول...

ايه ياجدعان
انتو قاعدين على باب المدونة ولا ايه

Mo7ammed يقول...

ايه يا اسماء ؟
ايه ياحلام ؟
ايه ياعم وفى ؟اسايب ولادك كده ؟
ايه ياعم وجدانى ؟ سايب احفادك انت كمان ؟

^_^

Mo7ammed يقول...

اروح اقرا واجى بقى

Mo7ammed يقول...

يالهوى

ياريتنى كنت احمد ^_*

هههههههههه

لا بجد مفارقة جامدة وعايزة تتعمل فيلم
واسمه احمد

بوست جميل ياميماية

زقطـوطـة يقول...

: )))

عندي أنا "محمد" مش أحمد
: )))

ربنا يخليلك أخوكي و يديم نعمه عليكم إن شاء الله : )

koketa يقول...

الله والله شئ حلو ان يبقى فى حاجة موحدة كدا وبالصدفة فى حياتك


ربنا يخليك كل احمد انتى بتحبيه

حقى اهرتل يقول...

احسن حاجه فى البوست ده هوه عمك الشهيد

thunder يقول...

طب عليا النعمة عليا النعمة ما انا لاعب ال احمد ال هو لو تيمن بى الرسول احمد فى الارض ومحمود فى السماء ماشى انما
تاتا انما انما انما اية يخرب بيت رهبة احمد قصدى الامتحانات
انا جيتتتتتتتتتتتتتت
ااا
اا
ا
ية
يا بنتى كميات الاحمدات اللى فى حياتك دا دول حقن انا اخاف ان بعد شوية تبقوا عدواة زى انفلونزا الطيور ونتحصن من العيالة دى نياهااااااااااااااااا






ال احمد ال
وماله ثاندر اسم موز موز موز ووبقرودة كماااااان

thunder يقول...

ال احمد ال
ااا
اا
ا
نا
يا بنتى اخاف انام يطلع احمد طب سمعتى اخر نكتة واحد ماشى فى الضلمة طلعه احمد شعر رجله وقف
نياهاااااا
لا طبعا كامل الاحترام لكل احمدات الكون انا بهرج مع اختى علشان محدش يزعل
اوكية وبرضوا يابنتى انا هتحصن
من كمية الاحمدات دى المكشلة انك وعلى حين غرة اللى هى غافلة تقومى الصبح اللى هو بى النهار دا وتلاقى نفسك بقيتى احمد ياخرشى تبقة فضحية اهلى وزمالك صعايدة ويترجمونى فيها ال من ثاندر ابقة احمد ودا من اية دا يا ميمى

thunder يقول...

شوفى بقة يابنتى شوفى شوفتى خلاص















ال احمد ال











انتكم فاضلكم مدرب وتكملوا فرقة الكورة وهنلعب بيكم بدل المنتخب اية داا
وبدل ما هنقول مصر مصر
هنقول احمد احمد او او



اتارى وكمبيوتر الافلام زمان كانت بتقول
احمد منى




يالهوى يالهوى
بعيد عن فسافيس مخك هو فى احمد عضل واحمد وريد وبلاش التالتة فاهمنى فى فتيمانات بقة نزلت السوق ولا لا


دولة احمد كلينك تاتا
والاعلانات كمان الشاشة تبقة سودة كدا وفجاة تيجى على حبل ورجل هيعدموه وضواء ضعيف وفجاة حد يدخل يخبط طاولة الاعدام ويايد النور ويقول وقف الاعدااااااااااااااااااااااااااام
وتيجى الكاميرا على اللى بيقول وتلاقية يقول احمد المحامى عمرك مهتتعدم قصدى ما هتغمض عنيك
يالهوووى بلد احمدات بجد
نياهاااااااااااااا

thunder يقول...

لا بقة والغريبة الغريبة اول بشرى بنى ادم يعنى كائن حى يعيش ويتعايش وموطنه الاصلى الاسكندرية ويجى على حظة التعليق يكو ن احمد




لعبة الاقدار وتلاقيه احمد زعيم الكلمات
هربان من العائلة

ال احمد ال
يالهوى يابنتى انا زززززززز سنان زقزقت من كميات الاحمدات المسيطرة دى
قشعريرة هربانه من فيلم احمدات قصدى رعب
نياهااااااااااااااااا
احتلاللللللللللللللللللللللللللللللللللللللللللللللللللللللللل
تعلن اذاعة الدولة الاحمدية من مقرها بيت ام محمد جاريتنا عن احتلال تدونية ميمى لكثرة الاحمدات
نياهااااااااااااا

thunder يقول...

تانى كامل الاحترام لعمك اكيد الله يرحمه ويرحم والدى يارب كانوا زماله لان والدى شارك فى الحرب وكان فى الثغرة لان والدى توفه الله عادى هنا معنا انما والله بهرج معاكى علشان متزعليش



























اوكية دا تهريج من منطلق اضحك النهاردا لان الاحمدات انتشرواااااااااااااااااااااااااا





انسخبوااااااااااااااااااااااا

نياهااا
ال فكرانى هخاف هخاف شوفى التضخيم واقولك انى حد ممكن يفهم تهريج غلط مايفهوا ال انا بخااااااااف بخااااااف يعنى
المشكلة انى بترعب بس
بيت يا ميمى حصانى العايلة الاحمداية دى وركزى مع اخوات انه مافيش بيبى يجى يكون اسمه احمد كفاية الدولة مش هتلاقى علاوة لكل دول





نياهااااااااااا

thunder يقول...

كفاية كدا اروح انااااااام بقة
سلاموز للصبحوووووز

عبد من عباد الله يقول...

بس انا عرفتك ......

يبقى انتي منـى

و اكيد حتتجوزي واحد اسمه احمد و تبقى

احمااااااااااااااااد
مناااااااااااااااا

و بعدين يعني المفروض اني ما اعلقش و لا ايه دلوقتي ؟! انا مليش علاقه احمد خالص ولا افتكر ان عيلتي فيها حد اسمه احمد غير اتنين :

الاول : جد ابويا يبقى اسمى احمد و بالطبع توفى إلى رحمة الله .

الثاني : يحكى في الاثر ان كان ليا اخ اكبر مني اتولد و توفى إلى رحمة الله برده قبل ما انا اشرف إلى هذه الدنيا .

يعني ملناش علاقه خالص ببعض ... ابقي شوفي اسماء تانيه كده يمكن تطلع عندنا

adel يقول...

انا هاغير اسمي لاحمد بعد كده
بس اللع هيفضل دولة برضه

هههههههههه

عمك ياض يقول...

هههههههههههههههههههههههههههههههههههه

بحب اوي اسم احمد ده

yoyo يقول...

صباحك سكر يا ميمى


مش هاختلف معاكى كتير فى حب احمد
لان أنا عندى كم هائل من أحمد
اولهم طبعا أخويا وحبيبى د/ أحمد
ربنا يخليهم لكى يارب

ربنا يخليكوا لبعض انت واحمد يارب ومش يحرمكم من بعض ابدا ابدا يارب

تحياتى
يويو

yoyo يقول...

اممممممم

قولت الاخ
الصديق و مش عارف ايه وايه
بس مش قولت الحبيب ؟؟؟

اها اكيد بقى اسمه احمد
اعترفى اعترفى

yoyo يقول...

مش تخافى يا ميمى سرك فى بير

اقرى واعترفى لطنط يويو
وانا اجيب لك مصاصة
ههههههههههههه

يويو

صوت من مصر يقول...

الحمد لله انهم احمد
انا معرفش فى حرب اكتوبر غير فيلم الرصاصه لا تزال فى جيبى
وصور حسنى وهو طالع بالطياره الورق بتاعته
لكنى احيتى لنا ذكرى عمك الشهيد
اللهم اجعل مسواه الجنه
واخوك التؤم احمد يارب بالنجاح والتوفيق فى حياته
وكل احمد
وليس حسنى

تأثير الفراشة يقول...

D: D: D: D: D:
و الله انت عسل ، و على فكرة ، انا زى حالاتك كده برضه، تلات اربع الرجال فى عائلتى اسمهم أحمد، ربنا يخلى لك كل أحمد و يبارك لك فيهم، و حقيقى بوست لذيذ جداااااو فكرته جميلة

(قلبتى علىّ الأحمدات)
:))))

تحياتى ليكى

مواطن مصري يقول...

هو احمد ورايا ورايا ان كل صحابي اسمهعم احمد احمد احمد


ربنا يوفق و نحضر الفرح و ناخد الحطتين جاتو و السندوتش البسطرمة

:D

فكرة من الزمن ده يقول...

ايه ده حصل امتى ده
لا اعترض
بالعند هاكتب التعليق واحشو فوق خالص ثبل احمد كمان
مش كفاية اسمه مكتوب خمناشر مرة في البوست كمان يكون اول واحد ده ظلمممممممممممممممممممممممم

فكرة من الزمن ده يقول...

ميمايتي
ايه الجمال ده كله
جميل اوي فكرة البوست
وقدرت اجمع عنوانك بالظبط وقريب هتلاقيني جاية ادور عليكي جنب سور المدرسة وعمالة اشخبط واقول اندهولي ميمايتي

انا بقى تلاتة ارباع عيلتي اسمهم محمد
والربع الباقي اسمه احمد ولو فيه غلط في الحساب يبقى الحبة الباقيين اسمهم محمود
وشوفي بقى لما تنادي على اي اسم من دول في اي مكان
كل الناس تبص لك
ومستنية تقولي اسم الشهرة وراه
هههههه

فكرة من الزمن ده يقول...

ميمايتي لسة باقي احمد من الاحمدات دي
^_*
ههههههههههههه اختراع محمد ده طلع موفيد
قولي بقى اللي باقي
انا صاحبتك

فكرة من الزمن ده يقول...

ميمايتي الجميلة
ياتليني اسئلة وجيت اجاوب
ــــــــــــــــــــــــ
سؤال
====
====
ممكن حد مش بيحب ويكتب عن الحب؟


اه ممكن لكن مش هايدخل الكلام لقلبنا لانه مش هايكون طالع من القلب هايكون طالع من العقل حنفكر فيه بعقلنا ونقول لا مش حلو



او ممكن حد يكون بيحب ويكتب عن الخيانة مثلا ...


لو تقصدي في العموم
اه ممكن يكتب عنها كحالة اكيد مش لازم يعرفها الا اللي عاش تجربه فيها


لكن لو تقصدي ان لو شخص فجاة قرر يكتب حاجة بدون مقدمات ولا ده كان خطه او لونه وفجاة كتب
وبالتحديد في عالم التدوين
اكيد هاتلاقيه بيطلع مرار تجربة مرت بيه





يعني اللي بيكتب ... بيكتب من خلال الواقع ولا ممكن يعيش في الخيال ويتخيل؟؟؟



لو كان كاتب محترف ممكن يعيش الخيال ويتخيل

اما لو طلعت منه الكلمات بدون دراسة او حرفية اكيد يبقى عايش الحالة اللي بيوصفها

او نفسه يوصلها لحد معين
وبتبقى الكلمات من اجمل ما يكون رغم بساطتها

جميلة اسئلتك يا ميمايتي

thunder يقول...

عفونا عنننننننننك يا بينتى
ارحمننننننننننننننننننننننى
انا طيب والله ماشى ماشى بكاء
شديد وموسيقة حزينة من فيلم
جن ويز ذا ويند الترجمة ((عبود
على الحدود))




هو الواد احمد فين وبعدين عاوز
اعمل حفلة النهاردا فى مدونه ايوش
لو خلصت على بليلل نتجمع هناك





سلاموز
ارحمنى ارحمنى
واحمد يالهوى الفراخة اتعشت بكتاكتيها
نياهااااااااااا

mimi يقول...

أسماء وأحلام في وجداني
======================
كنت بقول هتبقي حلوة لو أسم أحمد أول تعليق ...
هههههههههههه

علشان بس أقول (يا أحمد) كله يجمع
تحياتي ...

mimi يقول...

محمد
========

أنت عارف إن مدونتي بالطابور عليها فكان لازم تبات علي الباب ...

كويس إن البوست عجبك

يارب دايما أصحاب

mimi يقول...

زقطوطة..
===========
كانت هتبقي المفارقة جامدة بقي لو كان الأسم ( شريف مثلا) ...
الوضع كان هيبقي معقد أكتر

تحياتي ..
ونورتيني في أول زيارة يا سكرة

mimi يقول...

كوكيتا
========

الحمد لله ... وربنا يخليكي وتسلملي دعوتك يا عسولة

ااامين

نورتيني ... اتمني دوام التواصل

mimi يقول...

حقي أهرتل
===============

كلنا حقنا نهرتل
المهم بس من غير تجريح

نورت مدينتي الجميلة

شكرا للمرور

mimi يقول...

ايها الرعد الزئبقي
======================

الحفلة فين وامتي وعند مين والساعة كام؟

mimi يقول...

الرعد الزئبقي
================
المدونة فيها ثقب من هجومك

شكرا انك رحمتني من افتراساتك الشريرة

mimi يقول...

الرعد الزئبقي
===================
فريق الكورة بتاعي ده لو سمعك ... هيودوك مانشستر

mimi يقول...

الرعد الزئبقي
====================

احتليت المدونة يا شرير...........
عاااااااااااااا

mimi يقول...

عبد من عباد الله
===================
مدحت ... هيا دي الحقيقة اللي كنت مخبياها عنكم ... أيوة أنا مني بتاعة أحماااااااااد
أيوة أنا شادية

والله يرحم جدك ... ايوة عارفاه كان صديق قديم

mimi يقول...

عادل دولا
==========

لأ دولا أحلي ... خليك كده أحسن القسم يفتقد أحسن دولا فيه

تحياتي
دولا ... مفيش تشريد ولا حاجة .. أنا رحت لعم سعيد وأخدت البوستين ... بس يادولا لقيتهم علي ورقتين بردي عاوزين يترجموا ... رحت رجعتهملك ...
ترجمهم بقي وابعتهم
علشان الرحلة هتطلع خلاص

عامل أيه في المذاكرة؟؟؟

شد حيلك ... بالتوفيق
شكراااااااا للتواصل

mimi يقول...

عمك ياض
=============

عمنا طبعا طبعا ،،

شريكي يعني في حب الأسم ... تبقي كده زميل وكفاءة

تحياتي
دام التواصل بخير

mimi يقول...

يويو
========

ربنا يخليلك د/ أحمد يارب ويسعدك ..

وصباحك فراولة يا فراولة

mimi يقول...

صوت من مصر
================
تعليقك عجبني أوي وحسسني إني كاتبه سيناريو لفيلم سياسي

" ميمي بو حريد"

ربنا يخلي لينا كل اللي بنحبهم ...

اللي بنحبهم بس ... مش حسني

نورتني

mimi يقول...

تأثير فراشة
===============
"" قلبتي عليا الأحمدات""!!!
إيه هاه إيه ؟؟؟؟

أيوة أيوة ... الأخ والخال والعم ...
ايوة ايوة فاهمة

اللي بنعمله في الناس هيطلع علينا ولا إييييييييييه؟؟؟؟؟؟؟؟

نورتيني يا أحلي فراشة

mimi يقول...

مواطن مصري
============
عمرو ... أمين يارب ...
من بقك لباب السما
بس وانت سهران ... أدعي من قلبك
بابا يجيب جاتوة...
أصل الجاتوة وحشني أوي

mimi يقول...

فكرتي
============
أنتي كمان بقيتي زئبقية زيهم ..
عاااااااااااااااا

فينك ... كده ملكيش مكان في التعلقات الأولانية... عااااااااااااااا

مستنياكي جنب سور المدرسة .. والنادي الأجتماعي ( مركز شباب يعني)...
ههههههههه

لو حد عاكسك قوليله " أنا أم الشهيد"
تيته يعني .......

mimi يقول...

فكرتي
========
باقي واحد صح
سوسة علي رأي أحمد

mimi يقول...

فكرتي
==========

انا قريت عند حد بوست هايل يجنن عن الفراق ... وبعدها علي طول نزل بوست هايل عن الحب ...

جه في بالي أسألك ... ونفسي أسأل كل اللي بكتبوا خواطر عن الموضوع ده ..

مبسوطة ان فكرة البوست عجبتك...

وللحديث بقية يا صاحبتي اللذيذة

شكرا للإجابة يا سكرتي

mimi يقول...

الرعد الزئبقي
====================
الفرخة اتعشت بكتاكيتها ...
ايوة فهمت ...
مكان التجمع : العشة اللي فوق السطوح

التوقيت : في المساء الباكر بعد العشا يعني

جاري اخبار باقي أفراد العصابة عن الموعد المحدد للإحتلال ...
عَلم ويَنفذ

سلام سلاح

MǿиY El-Shreef يقول...

جميل اوي البوست دي يا ميمي

ربنا يرحم عمك وخالك

ويعوضكوا خير ان شاء الله

بجد بوست زي العسل

انا بحب احمد اوي بردوا

عشان اخويا حبيبي

سلام ياقطه :)

مامة مازن يقول...

ربنا يخليلك تؤامك يارب ويا بختك بالشهيد
وربنا يديم عليكى السعادة
على فكرة انا كمان بحب احمد قوى علشان هو حبيبى وزوجى ابو العيال
سلامى

همس الاحباب يقول...

ههههههه من حقك
بصراحة اسم احمد منتشر فى كل العائلات
انا عمى وابن عمى وخالى وابن خالى
وابن الجيران وصديق عمرى اسمهم احمد
ده فيرس ومنتشر حب احمد ولا ايه يا جدعان
وخايف اجيب ولد اسميه احمد
ههههههههه
تحياتى وتقبلى مرورى

عاشقة الأحزان يقول...

السلام عليكم
يابنتى خدى رحتك
أكتبى برحتك كل اللى نفسك فيه
ربنا يروق بالك
ويارب يخلى كل اللى اسمهم أحمد
تحياتى لكى
إيناس

اسماء واحلام فى وجدانى يقول...

يا جماعة اللى اسمه مخالى شيل

يرد عليها

دى ميمى شرانية اوى

اسماء واحلام فى وجدانى يقول...

المفروض بقى يا ميمى

كل اللى يعلق هنا واسمه احمد

تصرفى له جايزة

وطبعا الجايزة الاولى هتكون ليا

لانى صاحب الفكرة

وربنا يبعد عنك الاشرار امثال ......

ولا بلاش ربنا يجعل كلامنا خفيف عليه

بدل ما ينطلنا تانى

تامر حسين يقول...

انا احمد ربنا بقي ان اسمي تامر هههههههه

المعلم محمد صاحب المطعم - طعمية سخنة يقول...

مساء الخير
انا بقي بكره اسرائيل و احمد
اصل احمد ده بالنسبة ليا عيل اي كلام !

يالا تحطيم لشكل احمد !

MaNoOoSh يقول...

ربنا يكتر الاحمدات الكويسين فى حياتك
بس انا عرفت بقى دلوقتى هم ليه بيقولوا عود احمد
هههههههههههههههههههههههه

قلب ارهقته الاحلام يقول...

ههههههههههه

جمييييل اوي ياميمي

وربنا يارب يخليلك كل الاحمدات ال بتحبيهم ف ححياتك

أسفة للتأخير يا قمرر

تيحاتي ,,,

mimi يقول...

موني الشريف
=================
منمونة ... ربنا يخلي كل الأحمدات بس لو طيبين وحنينين
يعني الشريرين لأ...
ربنا يكرمك ويسعدك ويخلي أخوكي أحمد برده

نورتيني يا جميلة

mimi يقول...

مامة مازن
=============

في أول زيارة ليكي بشكرك علي ردك الجميل ده ..

ربنا يخليلك حبيب قلبك ... وكل حبايب قلبك

نورتيني

mimi يقول...

همس الأحباب
==============

يارب يكتر من أحمداتك الطيبين والكويسين

ويارب تجيب ولدين توأم وتسميهم أحمد

دمت بخير

وبرجاء تابع موضوعاتي فرأيك يهمني

شكرا ليك في أول زيارة يا همس

mimi يقول...

عاشقة الأحزان
===================
ايناس
في أول زيارة لكي للمدونة بشكرك علي تشجيعك ليا ... ولو أن ناس كتير مش شايفة كده ..
حبيبتي في الله ربنا يسعدك انتي كمان ويهدي بالك ويكرمك

نورتيني يا أنوسة

mimi يقول...

أسماء وأحلام في وجداني
===========================

أنا شرانية ... ده أنا طيوبة خالص ... كده برده
عاااااااااااااااااااا

mimi يقول...

أسماء وأحلام في وجداني
========================
ربنا يجعل كلامنا خفيف عليه ... طبعا قصدك الرعد الزئبقي ... وأنا من هنا بعلّي صوتي وبنادي عليه وبقوله أيها الرعد ....
تعالي شوف صاحبك وحبيبك وأنتيمك الكفاءة بيقول عليك إييييييه

أنا بس أحب أهدي النفوس

mimi يقول...

تامر حسين
=================
الحمد لله ... وفرت عليا جايزة التعليقات للي أسمهم أحمد

ههههههههه

نورت ... تابع موضوعاتي ، عاوزة رأيك فيها صديق مدونتي السابقة

تحياتي

mimi يقول...

المعلم محمد صاحب المطعم طعمية سخنة
=================================
أكيد أكيد أحمد كان بيسرق منك إيراد المحل كل يوم ...
أصل الكره ده بالطبع ليه جذور دفينة ...

وأديني سندوتش بالسلطة

نورت ... وحطمت الصورة
عاااااااااااااا

mimi يقول...

منوش
=============

مبروك .. أخدتي جايزة أحلي تعليق جالي علي البوست ده

دمك سكر وشربات ... والله ضحكتيني من قلبي ...

أتأخرتي ليه عليا ؟؟

عود أحمد ....

mimi يقول...

قلب ارهقته الأحلام
=======================

دودو دي

وحشتيني ... معلش أنا مش ببعتلك سامحيني ...

لا حبيبتي ولا يهمك ... ربنا يخليكي ليا

نورتيني يا سكرتي

thunder يقول...

نياهااااااااااااااااااااااااااااا

thunder يقول...

ال بتهدى النفوس ال
طب ما انا عارف من امبارح ساعة ما شوفت تعليقة ورحت احتل مدونته النت رخم عليا وفاصل
بس لما جه روحت انا جاى العب هنا نياهااااااااااااااااااااا

thunder يقول...

واذا اللى هى هااااو دى المفاجاة متجيش لغايط لدوقتى مش دلوقتى








احتلالالالالالالالالالالالالالالالالالالالالالالالال











ال بهدى النفوس ال












بس بقة يا ميمتى بيقولك
وزراة الصحة اعلنت مكافاة عما يدلى بمعلومات عن المسبب لفيروس احمد المنتشر فى البلد دا قولت اقولك تشاورى عقلك وتبلغى عن نفسك وكل بثوابة
نياهااااااااااااااا









وبعدين اية كمية التعليقات دى كلها 72 تعليق اية دا دا حس ونق عالى التردد اوووووووووووى

المعتصم يقول...

طب ماانا كمان بحب احمد
وايه يعنى
هما بيقفشوا اللى بيحبوا اسم احمد اليومين دول ولا ايه ؟؟
الحق بقى اقول ل احمد اخويا واحمد ابن عمى واحمد ابن خالى واحمد ابن عمتى واحمد جيراننا ...............
ايه ده ؟؟
هو انا اتعديت منك ولا ايه ؟؟
وبعدين ايه ده كمان ؟؟
ايه كمية الاحمدات اللى ماليه البلددى؟
تصدقى مكنتش واخد بالى من الموضوع ده
هههههههههههههههههههه
تحياتى

Nostor Azzuro يقول...

احمد
احمد
احمد
احمد
احمد
احمد
احمد
احمد
احمد
احمد
احمد
احمد
احمد
احمد

ياريت تكونى مبسوطة كده
!!!!!!!!!!!!!!!!!!!!!!
الجديد بتاعى لسه شوية
أول ما اكتبه حتلاقينى باقولك انتى اول واحدة

وسلامى لكل احمد فى الدنيا عشان خاطر كل الاحمدات اللى انتى بتحبيهم

اسماء واحلام فى وجدانى يقول...

تعلن جميع السجلات المدنية بالجمهورية

عن القبض على اى ( أب ) يحاول ان يسمى

مولوده احمد

وذلك لانتشار فيرس احمد بين المدونات

وتحاول جميع الجهات المختصة بالمدونات

احتواء هذا الفيرس

فعلى كل مدون اسمه احمد الاختفاء هذه

الايام وطبعا انا اولكم

وعلى المدونة ميمى العمل بهذه اللوائح

والا سيتم الحجر عليها من جانبى

ولتعلم ايضا ان القطط محاصرة المكان

كله

kimo يقول...

لو لم اولد كيمو
لودت ان اكون احمد
ههههههههههههههه
الف شكر علي مرورك
تقبلي مروري

kimo يقول...

لو لم اولد كيمو
لودت ان اكون احمد
ههههههههههههههه
الف شكر علي مرورك
تقبلي مروري

احساس طفلة محبة للرومانسية بس واقعية يقول...

الله على احساسك بالاسم دا

ربنا يخليلك كل احمد اللى فى حياتك

ويرزقك طفل جميل وتسمية احمد

ان شاء الله

تقبلى مرورى

Mo7ammed يقول...

بقولك ايه
انا دبستك فى تاج ها

الحقى خديه بقى

اى خدمة

كيكى يقول...

وانا بحب عبد الرحمن!!!
انتى من شبرا ؟؟
بجد مممممممممممممممم
منين بقى الدوران ولا خلوصى ولا الترعه ولا الشيخ رمضان
ولا تختارى من بين الاقواس احسن!!
ربنا يخليكم لبعض انتى واخوكى
عوووووووووووو

عاشقه الرومانسيه يقول...

ربنا يخلى احمد واسم احمد

انا كمان اخويا اسمه احمد
وعمى اسمه احمد
وزميلى فى الشغل اسمه احمد
وان شاء الله فى مشروع خطوبه و هيكون اسمه احمد
(:

حارة سد يقول...

لا أستطيع أن أقول الا أن هذا الربط جميل ورائع

أنتي تستحقين بان تُرزقي بكل ما تحبين

أكثر الله ف يحياتك لفظ الأحمد

دمتي بخير

الحار ة سد

أحمد عاطف يقول...

على فكرة

انا اسمي احمد

وجدي اسمه احمد

واصدقائي في الشركة اسمهم احمد 4 احمد

وثاني أكثر الاسماء تداولا في العالم بعد محمد هو أحمد

اللي فوق حلاوة الاسم

حلاوة تتبعك لربط الاسم في كل حياتك

بجد روعة الفكرة

تحياتي ليكي

كلام على بلاطة يقول...

البشر من اجل راحتها بتضع القوانين والقواعد
لتسهيل الحياة واللى عايشينها وتيسر وتساعــد
لكن احنا مزاجنا تضييــق ما اتسع وتباعــــــد
بينا وبين الراحة ومع التعب والعقد نتواعـــــد
وتصير حياتنا جحيم من كام لئيم على قلبنا قاعد
ونتبادل المكر واللؤم والخبث بكل قوة السواعد
فيا قوم بلاش العوم فى عتمة وسكة المكائـــــد
زى ما هو حاصل لنا وواصل بنا ومنتشر وسائد
===============
ناجح يوسف فهمى

كلام على بلاطة يقول...

البشر من اجل راحتها بتضع القوانين والقواعد
لتسهيل الحياة واللى عايشينها وتيسر وتساعــد
لكن احنا مزاجنا تضييــق ما اتسع وتباعــــــد
بينا وبين الراحة ومع التعب والعقد نتواعـــــد
وتصير حياتنا جحيم من كام لئيم على قلبنا قاعد
ونتبادل المكر واللؤم والخبث بكل قوة السواعد
فيا قوم بلاش العوم فى عتمة وسكة المكائـــــد
زى ما هو حاصل لنا وواصل بنا ومنتشر وسائد
===============
ناجح يوسف فهمى

د.آيه يقول...

سبحان الله ..
القدر معكِ في هذا الاسم ..

بوست جميل ..
تقبلي مروري

المعلم محمد صاحب المطعم - طعمية سخنة يقول...

لأ مكنش بيسرق
بس بيستندل .........
و انا قفلت المحل و قريبا اسم المدونة هيتغير !!!!!!!!! عشان كله عاوز طعمية ببلاش !!!!!!!!!!

اما عااااااااا دي بتاعتي انا ! زهقت اني اقول بتاعتييييييييي

adel يقول...

ميمي انا جيت اهو :)
ازيك يا عسل ؟

koketa يقول...

ميمى الشريرة انا هسيبلك المدونة امانة خدى بالك عليها

koketa يقول...

فييييييييييييييين التاج يا ميمى الشريرة

thunder يقول...

فينكوا بقة ياجدعان انا هروح دلوقتى اصلى العشاء وارجع ياريت اشوفكم بقة اظاهرى يا ميمى
وفين احمد واية
وفكرة
جمعيهم
اوكية
لو انتى هنااااااااا
انا هصلى بس وراجع
ان شاء الله

أبو أمك يقول...

عدنا...والعود أحمد
وأحمد زي الحاج أحمد
وعلمني العوم
عشان خاطري يا أحمد

thunder يقول...

ميمىىىىىىىىىىىى
انت هنا ولالالالالالالالالا

thunder يقول...

الوووووووو
يا ميمىىىىىىى
وبعدين فين الناس بقة كمان

mimi يقول...

أيوة يا رعدي
انا هنا

اسماء واحلام فى وجدانى يقول...

التعليقات وصلت 94 معنى كده ان الفيرس

انتشر

استر يا رب

thunder يقول...

معااااااااااكى اية الناس فين وبعدين انتوا مستخبين ليه الايام اللى فاتت دى

thunder يقول...

احمددددددددد ازايك يااااااض وفينكيا (( الكلمة الرقابة هتحزفها ))
وفين فكرة واية كمان

mimi يقول...

أحمد موجود ومش عاوز يظهر يا رعدي

thunder يقول...

لية المدام رفعه عليه قضية خلع ولا اية نياها اظاهر يا منيل انته

mimi يقول...

رعدي
++++++
انا هنا واحمد واقف علي الباب مش راضي يدخل
روح هاته

اسماء واحلام فى وجدانى يقول...

فى ايه يا عم

انا جتلك بس مش بصحتى

انت مامن نفسك من الفيرس

احذر منى ومن ميمى

احنا اطعمنا خلاص

واحشنى يا ياض

thunder يقول...

هو فى المدونه بتاعته ولا اية ؟؟

mimi يقول...

طيب سيب البوست ده وأدخل علي أول بوست اسمه من جديد

سيب البوست ده ... يا زئبقي
اوك

=======================

أحمد
من جديد اول بوست في المدونة

thunder يقول...

انتوا اكتر وحياة ربنا بص يا احمد النت مرخم شوية الصفحات هنا تقيلة حاول تدخل على الاميل وميمى بقة ربنا يتولاها
نياهاااا شرير بزحلقها براحة اهوة

اسماء واحلام فى وجدانى يقول...

شكلك اتفيرست يا معلم وكمان مش شايفنى

انا مامن نفسى انا وميمى كويس قوى

وحظك فكرة مش هنا

اصلها اتصابت وكل اللى بيدخل هنا انصاب انتى لسة فيك نفس

يلا يا ميمايا اعملى حاجة

koketa يقول...

اييييييييييييييييه ده

ايه الى بيحصل هنا

فى اييييييييييييييييييييييه

اسماء واحلام فى وجدانى يقول...

لو فى حد مش مطعم ضد فيرس احمد يخلع بسرعةيا عم ثندر انت فين

طيب اطعمت ولا لسة

انت فين ياض

شكلك خلعت يا وزة

arsenalwy يقول...

هههه

بوستك لذيذ وعنوانه الذ

فعلا فى حاجات بتعلق معانا ونتفائل بيها

بالتوفيق فى حياتك وسعدت بمرورى بمدونتك

mimi يقول...

الرعد الزئبقي
=====================
هوا تعليق واحد هرد بيه علي كل اللي عملته فيااااااااا

عاااااااااااااااااااااااا

mimi يقول...

اسماء وأحلام في وجداني
=========================
المفروض أنت صاحب مدونة يبقي أنت اللي ترد علي التعليقات

يلا ... صلاحية أهه من غير أي مبلغ مدفوع مقدما

mimi يقول...

المعتصم
===========
كلنا بنحب أحمد
ههههههههههه

والله لو كل واحد فينا دور علي أسم احمد في حياته ... هيلاقي كلهم أحمد
ده غير أحمد شوبير
وأحمد عز
وأحمد السقا
واحمد أبو تريكة ...
( بعد ما قرا البوست ده غير أسمه)


تحياتي ليك
نورت ....

mimi يقول...

نوستور أزورر
==================
ماتريكس .. ماتريكس .. ماتريكس

كده أنت مبسوط؟

أنا الحمد لله مبسوطة ...

منتظره الجديد عندك يا ( ريس )

تحياتي

mimi يقول...

كيمو
============
مبروك عليك مدونتك الجميلة
ومبروك عليك أصحابك كمان

تحياتي
وبعدين عادي ... ممكن أقوللك يا أبو حميد .. لو وددت يعني

mimi يقول...

أحساس طفلة محبة للرومانسية بس واقعية
===================================

شكرا جزيلا علي تعليقاتك الجميلة عندي ويارب يكرمك ... ويخليكي لكل اللي بتحبيهم ويخليلك كل حبايبك ياااارب

أمين

mimi يقول...

محمد
=======

انا خلاص قبلت التاج ... وهينزل يا جميل

انا زبطت الياهووو

إيه رأيك في الحفلة ...؟؟؟

mimi يقول...

كيكي
========
إيه ؟؟؟؟؟؟؟؟؟ القطة شبراوية ؟؟

ربنا يخليلك عبد الرحمن

بسم الله الرحمن الرحيم .. الإجابة

سانت تريزا

تحياتي يا سكر ...

mimi يقول...

عاشقة الرومانسية
========================
ألف ألف مبروووووك وربنا يارب يتمم بخير ...

ويخليلك عالم الأحمدات بصحة وسعادة

نورتيني .. وأسعدتيني وربنا يسعدك يا جميلة يارب

أمين

mimi يقول...

حارة سد
=========

رغم إن حارتك سد

مفيهاش أمل في الغد

بس أنا شايفة بجد

طموح يفوق الحد

ربنا يكرمك .... وزي ما قلتلك .. يمكن في الحارة السد نلاقي اللي مش في شارع عمومي

نحياتي

حتي لو الحارة سد

سلملي علي أخوك العبقري

mimi يقول...

أحمد عاطف
==============

ربنا يكرمك رفعت معنوياتي ... وحسيت إنك فاهمني ... ماكنش الغرض شخصي إني أقول للناس إن عيلتي فيها أحمدات كتير ... بس إن ربنا ممكن يبعتلنا حاجات صغيرة أوي في حياتنا لو فكرنا فيها وحسبناها صح هنلاقيها كبيرة أوي وكلها سعادة وراحة بال وحماية

شكرا يا أحمد

ويخليلك كل الأحمدات ...

أنا متابعة كتاباتك وربنا يكرمك ويحميك في الغربة

mimi يقول...

كلام علي بلاطة

=============
شكرا لمرورك

تحياتي ... كنت أتمني تعليق مختلف عن باقي التعليقات الموجوده لحضرتك في باقي المدونات

mimi يقول...

د. أيه
=========
منورة لأول مرة ويارب مش الأخيرة

سبحان الله .. شفتي لعل الحكمة من الله أن نفكر بروية في شئوننا
والله أعلم ..


شكرا لمرورك ... نورتيني

mimi يقول...

المعلم محمد صاحب المطعم ـ طعمية سخنة
===================================

عاااااااا بتاعتي ... موجودة من أول بوست ليا ... انت مش عندك ولا عاااااااا خالص أنا زرت المطعم وأنا باكل قريتلي كام بوست كده مافيهومش ولا عاااااااااااا

ارجوك ارجوك مش تغير أسم المطعم

أصلي بحب الطعمية جداااااااا
ولو غيرتع هعملك بوست أسمع " عااااااا"
مليش دعوة

mimi يقول...

عادل

========
أنت علي طول منور ... وحملت الفيلم وتحففففففة

بجد رائع ... شكرااااااا

mimi يقول...

كوكيتا
==========
طيب بالله عليكي لو ميمي شريرة يبقي الرعد الزئبقي إيه؟

لو ميمي شريرة يبقي مين طيوب ؟؟؟

عااااااااااااااااااااا

mimi يقول...
أزال المؤلف هذا التعليق.
mimi يقول...

أبو أمك
============
جدي العزيز أين أنت ؟؟؟

انت فين ؟؟؟

شكرا علي المرور يا جدي العزيز وفين موضوعاتك من التراث ؟؟؟

يلا انزل بالبوست الجديد يا جدووووووو

mimi يقول...

arsenalwy
============
ايوة حاجات كتير بنتفاءل بيها ... وبتكون وش السعد علينا .. دي هدية ربنا ليا ...

شكرا علي التعليق السكر ده

وسعيدة بمرورك
يارب مش الأخير ...

تحياتي

Soul.o0o.Whisper يقول...

السلام عليكم و رحمة الله و بركاته

هلا يا ميمى
أول زيارة لمدونتك

و بإذن الله مش الاخيرة يا قمر


بس ايه كمية الاحمدات دى؟؟؟؟
هههههههههههههه

ربنا يبارك لك فى كل الاحمدات يا ستى

أنا نفس الموضوع
بس محمد

الناس فى حياتى محمدات
و ان لم يمنع وجود بعض الاحمدات بردوا

انا فعلا اكتر اسمين باحبهم

محمد

و

أحمد



دمتى بود

عمك ياض يقول...

عايزين بوست جديد :)

المعلم محمد صاحب المطعم - طعمية سخنة يقول...

شوفي
و انا حاطط صفحات التعليقات في الفافورتس
و باجيلك تاني برضه تريقة !

عاااااااااااااااااااااااااااااااا

انا استوييييييييييت محدش ولا مرة عداها

كفايـة طيبـة يقول...

D:

ربنا يخلي كل أحمد :)
وباقي الناس يبقوا زي احمد

بدراوى يقول...

أ/ ميمى
انا عديت على مدونتك امبارح برده
و عجبنى الموضوع ده و كنت حعلق عليه
موضوع حلو
و انا اسمى أحمد برده
:-)
ههههههههههههههههههههه
تحياتى
و شكراً لتعليقك عندى
انا ضفت مدونتك فى رول المدوتات

almasry يقول...

بجد ربنا يكون فى عونك




بس جميل قوى انتى تقولى أحمد كله يقف صف وتختارى انتى بقى ....... علشان يعنى وجع القلب وده يقول انا وده يقول انا





بس من قلبى ربنا يخليهم ويبارك فى عمرهم





للعلم


انا مش اسمى احمد الحمد لله



تحيــــــــاتى
المصرى

Bent Men ElZaman Da !! يقول...

فكرتينى بيا والله
عيلتنا معظمها اسمها فريده :D
بس ايه كميه الاحمدات اللى فى حياتك دى
هو يمكن الاسم بيحسسك بالامان لانه اسم ناس كتير قريبه منك ومن عيلتك او اصدقاء ليكى
تخيلى لو اتجوزتى واحد اسمه احمد هتعملى ايه :D

تأثير الفراشة يقول...

؟؟؟؟؟؟

كده برضه يا ميمى!!!!!!!!!!!

اللى أقصده، إن كلامك خلانى أتأمل فى مدى تواجد الاسم فى عائلتى

لاسع افندى يقول...

عرفنا اسم حبيبك

soly88 يقول...

بصى انا ابنى اسمه احمد ما لكيش دعوه بيه نوهائى
انا مش مستغنى عنه