الجمعة، 19 يونيو، 2009

أبني حبيبي .... قبل ما تيجي ..+ تحديث




ابني حبيبي ...
قبل ما تيجي ..

أنا بوعدك اختارلك أبوك
وأملا الكون .. ناس بيحبوك
اختك عمك .. خالك أخوك
مين تآمنهم ويأمنوك

ابني حبيبي ...
قبل ماتيجي ..

انا هاختارلك .. أسم يناسبك
تفرح بيه .. كل أما أندهلك
تفخر بيه قداّم أصحابك ..
وتشكر مامي وتشكر أهلك

ابني حبيبي ...
قبل ماتيجي ..

أنا هتوصي بأكلي شوية
علشان تيجي بصحة قوية
وأخلّي حياتك .. عيشة هنية
طيبة أمان .. ود .. وحنية


ابني حبيبي ..
قبل ماتيجي ...

انا بوعدك أسعدلك حالك
ولا يشغل مستقبل بالك
إن تزعل راح أقوللك مالك
وأحمل همك وأبقي بدالك

ابني حبيبي ..
قبل ماتيجي ...


انا بوعدك احفظ حواديت
وأغني وأشخبط شخابيط
علي جدران أودتك والحيط
دي صورك يا بني هتملا البيت

ابني حبيبي ...
قبل ماتيجي ..

انا بوعدك أتعلم أصبر
وأقرا كتب عن سنّك أكتر
وأحلملك أحلام .. تتفسر
وأكتبلك أشعار لو هقدر

ابني حبيبي ..
قبل ماتيجي ...

أنا بوعدك اتحدي الدنيا
وما تغيب عن أحضاني لثانية
انت حبيبي وكل حياتي
وما يهمش في الكون حاجة تانية

ابني حبيبي ..
قبل ماتيجي ...

انا بوعدك انك تفهمني
وتعرف قيمة إثبات إني ..
قبل ما اشوفك .. قبل ما احسك
كنت ضنايا .. وروحك مِنّي

ابني حبيبي ..
قبل ماتيجي ..

.....


. وحشتوني .

.

التحديث

.

شكرااااااااااااااااااا

.

.



هناك 167 تعليقًا:

mimi يقول...

لأول تعليق بعدي جايزة ... وأسألوا قلب أرهقته الأحلام

Hadota ... حدوتة يقول...

أنا اول تعلييييييييق بعدك


ربنا يوعدك بالذرية الصالحة اللى تخالى حياتك كلها سعادة

Hadota ... حدوتة يقول...

عجبنى اوى البوست بتاعك
فكرته جميلة جدا
واحساسك بالامومة عالى اوى
ياريت كلنا نفكر زسك كده بدل ما بنبص تحت رجلينا ونقعد نزعل على حب مفيش منه أمل ولا نتمسك بانسان ماليان عيوب


عجبنى اوى انك باصة لقدام
بتفكرى فى حياتك وعايزاها حلوة وصورتها مشرقة

وبتحاولى من دلوقتى تهيئى نفسك لاستقبال اهم حدث فى حياة الانسان وهو ابنه


جميل اوى تحبيه قبل ما تيجى وتوعديه انك تختاريله اب ويلة يحبهم ويحس بينهم بالامان


جميل اوى تفكرى من قبل ما يجى ابنك ازاى هتحبيه وازاى هتسعديه


بجد البوست عميق جدا ومهما اعلق فيه للصبح من هخلص

انا علقت التعليق الاولانى مختصر وبسرعة عشان بس حيت اقولك انى اول حد علق بعدك


ومستنية الهدية تجيلى بقى
وش مكسوف . بس من جواه فرحان ومأطط يعنى



تحياتى يا جميلة

قلب ارهقته الاحلام يقول...

ههههههههههههههههه

اها أخدت قلب ارهقته الاحلام أكبر جايزة:)


هههههههههه حتي القطط وصلت مدونتي تراقبني ^^

طيب طيب عدتهالك المرة دي بس

قلب ارهقته الاحلام يقول...

بجد البوست تحفة

جميل جدا وماليان مشاعر رائعة

وبجد يابختة هتبقاله احلي ماما ف الدنيا ميماية

مينفعش تتبنيني :)

تعرفي انا كنت كاتبه واحد برضة بس لبنتي عشان نفسي ف بنت اوي :)

جميييييل اوي بجد قريته اكتر من مرة

احساسك فيه عالي ياميمايتي

وبجد وحشتينا اوي اوعاكي يابنتي تغيبي من تاني ^^

adel يقول...

رائع

adel يقول...

انا جيت

adel يقول...

تحفة ياميمي

adel يقول...

ايه الكلام الجامد ده :):):)

واحشني و بكرة خلاص ؟؟؟؟ في الهوا ؟؟؟

احساس طفلة محبة للرومانسية بس واقعية يقول...

وأكتبلك أشعار لو هقدر

الله عليك يا ميمي
اديكى كتبتيلوا اهو
رائعة واحساسك بيه من قبل ما يجى
عالى اوى مشاء الله

هو كدا الاحساس بالامومة والتفكير فيها
بيطلع افضل ما فى جوانا
ربنا يبارك فيك ويرزقك طفل امور يسعدك
وتقدرى تعمليلوا كل حاجة زى ما كتبتى وافضل

تقبلى مرورى

بنجاواتى يقول...

يا سلام

ربنا يسعدك ويرزقك الذرية الصالحة

ويا رب لما ييجى ما تكسليش وما تنسيش الكلام ده

ان شاء الله هيبقوا بيحبوكى وفخورين بيكى

تحياتى

سمكه واحده يقول...

عاوزه اقلك كلامك تحفه وجميل اوي
ان الانسان يفكر كويس في كل حاجه حتي في اختيار الزوج
مش عشان نفسه لا عشان اطفاله
شوفتي هي دي الامومه بجد
يختار اب ليهم يفتخروا بيه ويشكروا مامتهم ان اختارت اب صح يديهم امان وحنان وحب وحنيه وكل حاجه حلوه
بجد بوست تحفه اوي
ان الواحد يفكر في الحجات دي وانه ميبقاش اناني لا يبص لعياله حتي قبل ما يجوا لان عاطفه الامومه اكبر واغلي من اي عاطفه اخري
ربنا يكرمك بزوج صالح يسعد ايامك
انتي وبنات المسلمين
تقبلي مروري

Mo7ammed يقول...

جميل جدااااا
ايه الحلاوة دى ياميماية

ربنا يرزقك ياختى بالذرية الصالحة
وقبل كده زوج محترم ويستحمل مدام ميمى
واكيد هتطلع عينه

نياهاهاهااا

بس مقلتيش عايز تسمى ابنك ايه ؟

أحمد عاطف يقول...

ميمي

ممكن سؤال مهم جدا ويارب ما تفهميني غلط

متأكده ان السن اللي مكتوب في البروفايل بتاعك دا صحيح ؟؟؟

انا بحس بروح طفلة بريئة بتكتب والله العظيم

واول مرة اقرى فكرة ابني حبيبي قبل ما تيجي

وفكرتها روووووعه

تسلم ايدك

ارجوكي رجاء حار ترجعي لقصص الميكروباص ولو حلقة واحده

تحياتي يا اختي العزيزة

thunder يقول...

ههههههههههههههه يابنت الاية يا ميمى اية دا انتى التعب بيخاليكى تبدعى كدا ولا اية
كلماتك جميلة جدا جدا وربنا وحمد لله على سلامتك وبطلى تعب بقى وحشتينى يابنتى ووحشانى كتابتك جدا واية موضوع ابن حبيبى دا مممممممممممم
اختى العزيزة جدا
دمتِ بكل حب و ود وفى رعاية وحفظ الله دائما يارب

ستيته حسب الله الحمش يقول...

الله الله كميلة خالص يا ميمايا
عاوزاك بقى تجتهدي تنقي ابوه ولا كأنك بتنقي الرز فاهمة
وبعد ما تنقيه تغربليه وتخليه ابيض م الصيني بعد غسيله
علشان الواد يجي من راجل عدل وربنا يرزقك الزوج الصالح والذرية الصالحة

تسلم ايدك ونفوخك

salma mohamed يقول...

رائع فعلا كلامك
ربنا يرزقك بابن الحلال وتجيبي منه ابن حلال برضه (:

كاتب مصري يقول...

الله
هتكوني أم هايلة على فكرة
حنية الأم باينة في كلامك جدا
ربنا يخليلك مامتك ويكتبلك زوج صالح ويرزقك أولاد صالحين
على فكرة كلامك فاق اني أعلق عليه
لإنه عيشني في مود حلو قوي
دمتي بخير

عاشقة الأحزان يقول...

وحشتنى قووووووووووووووى

حمدالله على السلامه

بحبك قووووى


جميله قووى ابنى حبيبى


انتى هايله ومبدعه
ربنا يبارك فيكم يارب ويكرمك

انوستك

المعلم محمد صاحب المطعم - طعمية سخنة يقول...

ميمي
عاااااااااااااااااااا !
ايه الكلام الحلو ده :D
المهم تديله مصروف كوييييييييس
ده اهم شئ :D:D:D:D:D:D

كلام جميل اوي اوي يا ميمي و انتي كمان وحشتينا

osama44 يقول...

السلام عليكم استاذه ميمى
بجد بوست اكثر من رائع
ربنا يرزقك بالذريه الصالحه دمتى بخير وسعاده

بدراوى يقول...

:-)

بدراوى يقول...

:-)

بدراوى يقول...

ازيك
نورتى
حمد الله على السلامه

بدراوى يقول...

جميلة اووووى
التدوينة
ديه

تسلم ايديكى
على الكلام الجميل ده

:-)

مامة مازن يقول...

ميمى يارب يرزقك حبيبتى بالذرية الصالحة وتحققى كل اللى بتحلمى بيه لما بتقولى كده وانتى لسه امال يا حبيبتى هتعملى ايه لما ربنا يرزقك بيه وتحسيه بيتحرك فى بطنك واللا لما تشوفيه وهو لسه خارج من بطنك هتبكى من اولا معجزة ربنا وثانيا من جمال الاحساس بالامومة

هندسة وصفية يقول...

الحمد لله
طبعا كدة كدة انا هاخد جايزة التعليق الاول
انا هاختارلك .. أسم يناسبك
تفرح بيه .. كل أما أندهلك
تفخر بيه قداّم أصحابك ..
وتشكر مامي وتشكر أهلككل ده هجص طبعا لانك عارفة انك هتسميه أحمد

و بعدين متدخليش موضوع الاكل و تلزقيه في الولد الغلبان
هنهرج و لا ايه؟؟؟
:))
وحشتينا

Nostor Azzuro يقول...

على فكرة كلامك ده مقتبس

من السيدة الفاضلة

قرينة السيد الرئيس

سوزان مبارك

راعية الطفولة والامومة فى مصر

!!!!!!!!!!!!!!!!!!!!!!!!!!!!

قلب ارهقته الاحلام يقول...

مرسييي ياميمايتي ع البوست :)

مش كنت شوفته اصل الهوت ميل بايظ عندي :(

ووحشاني بجد ياقمرر

فشكووول يقول...

طبعا يا ميمايه
اخيار الاسم له شأن كبير بالنسبه للانسان
واختيار الاب ايضا له شأن كبير
اما الاعمام والخلان فهؤلاء تم اختيارهم مسبقا ولا فضل لك او ملامه فيهم فهم اهله
تحياتى ميمايه

راسبوتين يقول...

جامدة جدا والفكرة جميلة قوى
وإن شاء ربنا يكرمك بطفل تحققى فيه كل أحلامك . وإن شاء أنا متأكد إنك حتكونى أم رائعة .
شكرا ...أرجو قبول مرورى

MaNoOoSh يقول...

عودة قوية يا ميمي

ويارب تختاريله احن واجدع واحسن اب فى الدنيا ويكون من الذرية الصالحة يا رب.

موناليزا يقول...

:) مش عارفة اعلق
لانى كاتبة بوست مشابهه ولسة مانشرتوش
شوفتى توارد افكار غريب:)

المعتصم يقول...

اولا ربنا يرزقك بالزوج الصالح والذريه الصالحه باذن الله تعالى
ثانيا : انتِ اللى جبتيه لنفسك وياريت بقى ماتنسيش الوعود الجميلة دى كلها
ثالثا: لما ييجى معاليه ابقى سلميلى عليه وقوليله عمك مصطفى بيسلم عليك
لأ عمه ايه ؟؟ انا معرفش ابوه لسه
اقولك مشيها خالك مصطفى احسن
ههههههههههههههههه
تحياتى

حياة يقول...

ما اجمل الشعور والحب من الام لابنها شعور لا يوصف ولا يساويه حب اخر

تحياتى

حلـم،، يقول...

ميمي الرائعة..تاخرت عليك معذرة سيدتي ..اهنئك علي البوست الذي يحمل اهم واجمل شعور في الحياة شعور الامومة الرائع اتجاة الفارس القادم لامحالة من عيون الشمس النمرودة.. القادم من رحم الفرح بخيل العرب الاصيل من ام عربية اصيلة كما انتي..مبروك الحمل.. وانشاللة تتحقق امنيتك ويرزقك اللة توم ذكور فارسان..حلم..

ميرام يقول...

الله
(:
(:
جميلة ياميمي
(:
بكرة نشوف
(:(:
تحيـــــــاتي

ايوشة يقول...

الله عليكى ياميمى بجد ماشاء الله عليكى جميلة جدا جدا جدا ولفضلت اقول عجبتنى قد ايه من هنا لصبح بجد عجبتنى جدا
ربنا يكرمك يااااااارب بالزوج الصالح ومن بعد كده الذرية الصالحة وتنفذى كل الكلام ده ياجميل :)

أحمد بسام يقول...

ياه لو كنتي كتبتي ده من كام يوم كنت حاحفظه عشان التعبير بس الحمد لله انك كتبتيه متأخر لان التعبير مجاش عن الام
أنا عارف اني باهبل اصل عندي فيزياء يوم الخميس دعواتكم

عاشقه الرومانسيه يقول...

اسلوبك تحفه ياميمى
باحب اقرا لك جدااااا
والام اللى جواكى جميله
بقولك ايه
تعالى اتبنينى
(:

همس الاحباب يقول...

ربنا يرزقك بالذرية الصالحة
ويحقللك كل احلامك
بقولك ايه ما تكسبى ثواب فيا
وتتبنينى وانا هقولك انتى ماما وانتى بابا هههههههه
ربنا يسعدك بجد
اسلوبك رائع جدا وحسك بالامومة بسم الله ما شاء الله
تحياتى

حلـم،، يقول...

ميمي انتي من اول زواري واتمني ان تقبلي دعوتي الخاصة الي مدونتي الشيطان والمطر في اول بوست هذة الدعة قدمت لسبعة مدونين اعزاء انتي منهم

MǿиY El-Shreef يقول...

ميمىىىىىىىىىىىى وحشتييييييييييييييييييييييييييييييييييييييني ياوحشه

كل دي غيبه يابنتي

بجد وحشتيني ورجعتي نورتينا تااااني

البوست زي العسل بس انا مش بحب الاطفال اساسا مش ناويه ع خلف :D:D:D

ههههههههههه

ربنا يكرمك بيه ويقر عينك كمان

وحشاني يابنتي

مووووووووواه

THE illusionist يقول...

انا التعليق الخمسميه
هيهههههههه
هيييييييييييييه

mohamed ghalia يقول...

بجد كلمات روعة
وجميل إحساسك
ربنا يسعدك دايما

جارة القمر يقول...

الله عليكي ياميماية

احساس الحنان واضح عندك

كلماتك تحفة وجملة جدا


وحشتينا يارب اتكوني بخير على طول

مودتي

جارة القمر يقول...

ماتغيبيش تاني

د. ياسر عمر عبد الفتاح يقول...

كالعادة كلام جميل
ربنا يجعل الغياب ده أخر الغيابات
ويارب يكون المانع خير

عبد من عباد الله يقول...

اجمل حاجه في اشعارك من وجهة نظري بعد كونها رائعها في الفظها يعني بس بتخرج الواحد من الزهق بتاع اشعار الحب و الغرام و الهيام و الكلام ده ...

يعني اهو بجد فيه مواضيع تانيه اهه ممكن يتكتب فيها ... ربنا يكرمك يا بنتي

ديالا يقول...

لا بجد بقي تحفه


وفوق الوصف


ياريت كل ام قبل ماتبقي ام تفكر هتعمل ايه لابنها

ولتاني مره اسمحيلي ارفع القبعه واحييك

اسماء واحلام فى وجدانى يقول...

ميمى ممكن اعرف ابنك هتسميه ايه
شعورك المبكر بالامومة جميل اوى

romansy يقول...

كلامك جميل
يا ميمى
والفكره جديده
تسلم ايديك

حياتى نغم يقول...

السلام عليكم / حمداً لله على وجودك الطيب جمييييييييييييله كلماتك جداً أم صالحه بإذن الله رزقكِ الله الزوج الصالح قريباً قريباً :)
وبالنسبه لسرقة مواضيعك قرأت عند الشاعر " محمد عبد الرحمن " من المدونين إن مواضيعه مسجله بالشهر العقارى .
بفكر أروح أسجل نفسى :) إيه رأيك .
دمتِ مبدعه .

7annen يقول...

جميله اوى يا ميمى وانا بشكر قلب ميمى اللى نزله احمد اللى خلانى ادخل المدونه الرقيقه دى

ومش هتبقى اخر زياره ان شاء الله

حنين

mahasen saber يقول...

حلوه بجد بس يا رب كلنا نعرف نوفى بالوعد

اصل النصيب بيصيب خبط لزئق كده

بس جميله بجد

THE illusionist يقول...

ههههههههه
هو انا قولت انى التعليق الخمسميه
ومعلقتش
هههههههههه
لا
انا صايع برضه
هقول ايه
زى كا ملاه
بوست جميل وانك حساسه والكلام ده
لا انا عايز جديد
بصى البوست
مممممممممم
جميل
واحساسك عالى
وصباح التجديد

kimo يقول...

بجد عند ام
زي العسل
هو هيجي امته
هههههههههه

الفراغ يقول...

الف حمدالله على السلامه
ويارب ماتغبيش عنا تانى
وربنا يحققلك امنيتك
كلنا كان عندنا نفس الاحلام
بس معرفناش نعبر زيك عن احلامنا بالجمال ده

على فكره رجعت لمواضيع اقدم
لقيت انك موهوبه ماشاء الله عليكى

اسماء واحلام فى وجدانى يقول...

من مازنجر

الى افروديت

الامن مستطب والوضع الحالى تمام

منتظرين ابو الغضب زمانه جاى فى السكة

اسماء واحلام فى وجدانى يقول...

تعرفى يا ميمى ان بجد المدونة من غيرك مش دى وبس مدونات كتير وانا طبعا اولهم ما كان ليها طعم خالص
بس الحمد لله انك رجعتى بالسلامة ونورتى بيتك وبيت اخواتك ومبروك على ولى العهد المنتظر

اسماء واحلام فى وجدانى يقول...

الواحد يلعب براحته هنا انا مش شايف حد خالص الواد ثندر بينام بدرى وفكرة مختفية ربنا يرجعها بالسلامة يا رب ويطمنا عليها

Soul.o0o.Whisper يقول...

ميمىىىىىىىىىىىىىىىىىىىى

ميماية

ربنا يكرمك يا قمر يارب


انتى كمان وحشتينى جدا جدا جداااااااا


ايه يا بنتى الاشعار الروعة دى

ربنا يكرمك يارب و يرزقك بابنك حبيبك
و يجعله قرة عين ليكى




تحياتى يا جميلة
و دمتى بكل الود

تامر حسين يقول...

جمده موووووووووووووووووووووووووووووووز
عم هريدي قبل ميجي كان شغال عندنا ميكانيكي
بجد بجد عجبتني موووووووووووز باللبن
تحياتي

بنت اسكندرانية يقول...

بوست جميل اوي اوي اوي اوي اوي بجد
عجبني جدااااااااااااا
دمتي بالف خير

جريدة الصباح العربي يقول...

يفتح باب بيت المدونين ذراعيه لكل الموهبين في :
1/ القصة القصيرة
2/ الشعر بشتى أنواعه
3/ الرواية "رواية سنوية سنقوم بنشرها في الجريدة"
إذا وجدت في نفسك القدرة على المشاركة أرجوا التواصل معي على الميل التالي
arabicsabah@yahoo.com
شروط المسابقة
1/ ..............................
2/ .............................
3/ ..............................
لا يوجد شروط الشرط الوحيد هو العمل الجيد , والعمل المحترم البعيد عن الإسفاف
المقالات أرجوا أن تكون تخص الانسان العربي , تاريخه , عاداته وتقاليده , مقالات إجتماعية وثقافية ....
أرجوا التفاعل معنا في الجروب على العنوان التالي
http://www.facebook.com/groups.php?ref=sb#/group.php?gid=78080770039
انتهينا من مسابقة العدد الاول ونحتاج كميات أكثر من القصص لباقي الاعداد
العدد الاول سيكون في يوليو وقد قمنا بتأجيله نظراً للامتحانات الدراسية وسنكون بالاسواق بعدها ...
المسابقة ستكون دورية نريد أن نظهر أكبر عدد من الأدباء الشباب الى النور
تحياتي للجميع

اسماء واحلام فى وجدانى يقول...

مليون مبروك عليكى يا ميمى
المركز التالت للشهر ده
والله انا فرحان اوى علشان لانك تستحقى اكتر من كده كمان
ربنا يزيدك دايما بكل خير

د.خالدأمين يقول...

يارب يكون بجد ومن قلبك



احنا كلنا بشتكي من قله وعي اهلنا برغم حبهم لنا


ده شيء مؤكد ومش وهم زي اللي بيزغزغ ابنه بسهم


ياريتك تبقي وتكوني ام روعه ويتحقق حلمك باقصي سرعه

يابخته ابنك بوعيك واهتمامك ويارب ييجي ويقري كلامك




والله العظيم من اجمل ما قرات





انا بجد عايش زيك عشان كدا


نفسي اصلح واتجنب كل غلط اهلي عملوه معايا من غير قصد مع ولادي وانمي كل خير زرعوا فيه بقصد مع ولادي



نفسي اخليهم احسن ناس في الدنيا ولا يهمهم اي حد في الدنيا





سلاموووووووووووووز

ঔღঔ نـــوارة ঔღঔ يقول...

ابني حبيبي ..
قبل ماتيجي ...

أنا بوعدك اتحدي الدنيا
وما تغيب عن أحضاني لثانية
انت حبيبي وكل حياتي
وما يهمش في الكون حاجة تانية

الله الله تجنننننن

نفس مشاعيري :( بس هو يجي :(

بس انا بقى عاااااااوزة بنت :)

احساسك راااااائع جدا ويابخته بام عسوولة وقلبها كبير زيك

ربنا يرزقك بالزوج الصالح والذرية الصالحة

بالتوفيق حبيبتي

اسماء واحلام فى وجدانى يقول...

يا ميمى انتى مش ناوية تردى على الناس اللى عندى ولا ايه
انجزى بقى ويلا
الناس فى انتظارك
وانا كمان هاقيم عليكى الحد لو ما جيتى

ghorBty يقول...

ميمي

اسعد الله قلبك عما قريب ورزقك ما تتمني وزياده ..

ومبرووووووك عليك الفوز يا قمرايه ان شاء دايما ...

وان شاء الله من تقدم الي تقدم ..

نفع الله بك وسدد خطاكي ..

ايوشة يقول...

الف مبروووووووووووك ليكى انتى ياقمر وعقبال كل مرة ودايما كده يارب متالقة فى بوستات ياقمر

E73 يقول...

بسم الله الرحمن الرحيم
السلام عليكم ورحمة الله وبركاته

كلام جميل جدا ياميمي بجد حلو
وربنا يرزقك الذرية الطيبة وأبو الذرية الطيبة ويكرمك بحياة سعيدة دائما يا رب آمين

إفتكرت إني رديت أول مرة بس واضح إني نزلت قبل مارد

تحياتي ليكي

yasmeen يقول...

كلام جميل جدا بجد ينفع أغنية للأطفال جميلة ومحترمة

well يقول...

انها الامومة ..حتى الطفلة ان لمست قلبها سوف تجد بداخلها امومة
لم تتعلمها من احد ..ولكنها خلقت لتكون ام
ميمى شكرا على ترجمتك ما بداخلك من امومة الى كلمات
تحياتى

شمس النهار يقول...

بجد قصيده لطيفه جدا جدا

الحقيقه فعلا اليومين دول لازم البنات تتأهل عشان يبقوا امهات مش عشان همه وحشين لاسمح الله لكن عشان التقدم العلمي فرض ده زمان الدنيا كلها كانت قايمه علي الفطره دلوقتي في وجود النت والدش الدنيا اتغيرت

يعني الحامل لازم تعرف انها ماتقعدش فتراتة طويله امام الكمبيوتر او شاشات الال سي دي

وماتتكلمش في الموبيل كتير

وحاجات كتير جدا
انا عجبني موضوع الاكل كمان

وقبل ده كله الاختيار السليم

بجد عجبتيني جدا
تسلم ايدك

صوت من مصر يقول...

مش عارف اقولك ايه بس يا بخت ابنك

gogo!sf يقول...

صباح الورد يا اجمل ميمايا

ربنا يجيبو بالسلامه بس يجيب ابوه الاول

ربنا يرزقك بالذريه الصالحه يارب

ده اجمل احساس فى الدنيا احساس الضنه واحساس الامومه بجد انتى هايله

وربنا يديكى يارب كل اللى بتتمنيه

تحياتى

جوجو

جارة القمر يقول...

وحشتيييييييييييني

زقطـوطـة يقول...

طب والله تجنني : )))))
جميلة مووووووت
إنتي و القصيدة
: )))))
واحشاني

زقطـوطـة يقول...

طب والله تجنني : )))))
جميلة مووووووت
إنتي و القصيدة
: )))))
واحشاني

اسماء واحلام فى وجدانى يقول...

فينك يا ميمى

maioya يقول...

رهيبه بجد

yoyo يقول...

صباحك سكر يا ميمى

حمد لله على سلامتك يا قمر
ربنا يسعدك يارب و يسعد قلبك
ان شاء الله ربنا يرزقك الزوج الصالح و الذرية الصالحة
كل طفلة بيكون جواه احساس الامومة اللى بيكبر معها يوم بيوم
عشان كدا دايما البنوتة الصغيرة مرتبطة بعروستها اللى بتعتبرها بنتها

احساسك حلو اوى ومشاعرك فياضة
ان شاء الله تكونى زوجة وام جميلة
بس ياترى هيكون اسم البيبى ايه ؟؟
ياترى برده احمد
ههههههه

ربنا يسعدك يارب
تحياتى
يويو

فراشة يقول...

حلوة قوى يا ميمى
بجد جنان

ماشاء الله عليكى يا بنتى
افكارك متنوعة وجميلة

معلش اتاخرت عليكى
ربنا يوفقك

mimi يقول...

Hadota ... حدوتة

مهموها ... انتي ليكي جايزة عندي ... هبعتهالك اول ما اخلص ردود علي تعليقاتكم
واكون كمان اخترت صورة للبوست الجديد

نورتي يا حبيبتي ...

والله المفروض ما نزعلش علي حاجة ... بس احنا بشر ،

تقبلي صداقتي ... مش بمزاجك أصلا ...هههههههههه

mimi يقول...

قلب ارهقته الاحلام


ظلمتيني يا ظالمة ... إهئ إهئ إهئ

mimi يقول...

قلب ارهقته الاحلام

مش هغيب عنكم تاني .. ان شاء الله ... وهديتك وصلتك يا ظالمة
اتبناكي ... خلاص موافقة وتبقي زي بنتي ....
هههههههههههههه تشرفيني والله ده انتي عسولةةةةةةةةة خالص
وكمان بنوتة هتيجي معايا في كل مشاويري علي رجليها ... مش هشيل علي قلبي يعني
ههههههههههه والله فكرة ... وهقطع عنك المصروف ... ياااااااااااااااه احساس يجنن
ها بقي قولتي ايه؟؟؟؟؟؟؟

mimi يقول...

adel
تخيلت ان " رائع" هيا التعليق بس كنت رحت جبنتك من عند عم سعيد وفضحتك في القسم كله

mimi يقول...

adel
ايوة كده ... قبل المطرة السما بتندع في الأول وبيقولوا أول الغيث قطرة

mimi يقول...

adel
انا معاك للصبح ... شكلي كده هاجي اوصللك للأمتحان

mimi يقول...

adel
في الهوا يوم الخميس يا جميل ....
تسلملي ... ويسلملي سؤالك عني يا دولا حبيب الملايين

mimi يقول...

احساس طفلة محبة للرومانسية بس واقعية


بس أبوه ييجي ..وهتشوفي ميمي عاملة ازاي ...... وأوعدك أظبط كل المواضيع
ربنا يكرمك سكرتي ... وعندك حق الاحساس بالأمومة أكيد شئ رائع وسامي جداااااا

تحياتي

mimi يقول...

بنجاواتى...

بنجووووووووو ... انت بتغيب عليا أوي جدا خالص ... بس مسامحاك علشان أنا أصلا مقصّرة معاك
بس معلش والله بيبقي غصب عني
شكرا بنجو ونورتني ...

mimi يقول...

سمكه واحده...

طمطم ...
لازم نفكر في الخطوة اللي بنخطيها ... ربنا ادانا عقل نختار ... وبعد كده النصيب عليه
بس تعالي هناااااااااا .... فين بوجي ؟ مااااليش دعوة ... انا كنت بستناهم من رمضان لرمضان
الله يرحمك يا رحمي .....
نورتيني يا سمكمك ... ولا أقول يا طمطم ؟؟

mimi يقول...

Mo7ammed...
حمووووووووووود
وحشتني مووووت
عملت ايه في الامتحانات ؟ يارب كويس يارب
الحمد لله ان البوست عجبك .... انا ناوية أسمي أبني ( مهاب )
مش عارفة عرفت ليه ولا لأ
أنا واثقة في ذكاءك ...

يعني معرفتش
نيااااااااااااااااهااااااااااااااااااااااااا
تحياتي

mimi يقول...

أحمد عاطف...


أحمد ... اولا احب اقوللك انك انسان شفاف وذكي جدااااااا وعندك بصيرة ..
لأنك مش بتقرا الكلام بس أنت بتحسه كمان ... وأكيد بتحس بحاجات كتير بتحصل وتخميناتك في محلها ...
وأتوقع انك تكون برج الميزان او برج الجوزاء ... أو برج من الابراج الهوائية
سيبك انت .... عامل ايه ؟؟؟؟؟؟
سني ده كتبه اونكل بلوجر لما قلتله علي عيد ميلادي ....
بس حاسة اني طفلة ... ولو كملت 60 ... هبقي عجوز بمشاعر طفلة ....
تحياتي يا ذو البصيرة الحادة
نورت
بالنسبة لبوست الميكروباص ... فهو اهداء ليك للمرة القادمة

mimi يقول...

thunder...

أيها الرعد المتزئبق ... وحشتني اوي نفسي أطمن عليك .... انا مش هبعد تاني عنكم .... بس أنا مسافرة وراجعة تاني ... أنت عارف ...
ربنا ميحرمنيش منك يارب
كلمة السر " شر مشاعر كلمات الاحساس "
نياااااااهااااااااااااااااااااااااا

mimi يقول...

ستيته حسب الله الحمش...

هوه فيه حد بينقي اليومين دول ... يا ستيته يا اوختي الصنف شاحح أوي
ههههههههههههههههههههه
أتلايم بس عليه .... وهتشوفي
نياااااهاااااااااا وحشتيني ...
نورتي يا سكرتي

mimi يقول...

salma mohamed...

الاتنين ولاد حلال ؟؟
أنا بس أتلايم علي الأولاني أبن الحلال ههههههههههههه
نورتي يا سكرتي .... مبسوطة جدااااااااا بزياراتك مع اني مقصرة معاكي
معلش سامحيني

mimi يقول...

كاتب مصري...
ابراهيم ... مش عارفة اقوللك ايه غير انك عندك قلب بيحس اوي ...

ربنا يكرمك انت كمان بذرية صالحة وتنفعك في دنيتك واخرتك

نورت ... سامحني علي التقصير بجد غصب عني
تحياتي ......

mimi يقول...

عاشقة الأحزان...

عاشقة الأفراح ..........
أنوستي الجميلة ... انتي كمان وحشتيني موت
عرفت انك جاية القاهرة ياريت كنت قابلتك .... بس انا دلوقتي مش في مصر
خللي بالك من نفسك
بحبك في الله يا قطتي
تحياتي

mimi يقول...

المعلم محمد صاحب المطعم - طعمية سخنة...

" وديني لأقطع عنهم المصروف " فاكر الجملة دي في المسرحية ؟ انت فكرتني بيها

بس منين ؟؟؟
هههههههههههه
كلكم وحشتوني اويييييييييييييييييييييييييييي

تحياتي

mimi يقول...

osama44...

اسامة .... ربنا يكرمك يارب ... ويديلك كل اللي تتمناه
وياريت بلاش استاذة ميمي دي .... خليها ميمي علي طول ...
نورتني .... شكرا لزيارتك ويارب دايمااااااااااااااااااا
تحياتي

mimi يقول...

بدراوى...
أحمد؟؟؟؟؟؟ انت اللي ورا الجورنال ده؟؟؟؟؟؟؟؟؟؟؟

mimi يقول...

بدراوى...

اااااااااه أنت احمد ..........طيب متخفّي ليه ؟؟؟ ادخل برجلك اليمين ...

mimi يقول...

بدراوى...
الله يسلمك .... بس خللي بالك .......و انت ماسك الجورنال بالمقلوب
هههههههههههههه

mimi يقول...

بدراوى...

احتلاااااااااااااااااااااااااااااااااال .... يعني أنت كده نورتني ..... وربنا يكرمك يا احمد
أقوللك حاجة .... وانا بكتب ردي علي تعليقاتك ... كنت حاسة انك بتبص عليا من روا الجورنال ...قوللي بقي ده جنان رسمي ولا جنان طبيعي ؟؟؟؟؟؟؟؟؟؟؟؟؟

mimi يقول...

مامة مازن...


... كلامك فرحني أوي ....
ربنا يخليكي ليا يارب ... وتفضلي صحبتي وحبيبتي علي طول
تحياتي

mimi يقول...

هندسة وصفية...


لأأأأأأأأأ مش هسميه أحمد بالعند فيك ... نيااااااااااهاااااااااا
ميمي الشريرة .........
موضوع الأكل .... أااااااااه بصراحة بحب الأكل مووووت ... وبصراحة أاااااه تماحيك ... أل يعني باكل علشان صحتي ... روح أسأل عني كشري الأمير وهوا يقوللك علي الريجيم الجامد
كلكم وحشتوني جدااااااااااااااا

mimi يقول...

Nostor Azzuro...

وأنا برده أقول الكلام ده قريته فين قبل كده
!!!!!!!!!!!
دايما كده منور ومتفائل
تحياتي

mimi يقول...

قلب ارهقته الاحلام...


ظاااااااالمةةةةةةةةةةةةةة
إهئ إهئ إهئ ... وظلمتي قطط أحمد معاكي
والقطط جولي وأشتكولي ... لازم تجيبيلهم لحمة ..
ماليش دعوة
عاااااااااااااااااااااااااااااا

mimi يقول...

فشكووول...


هملا الكون ناس بيحبوك
عمك خاللك اختك أخوك
انا قصدي هخلي قرايبه دايما جنبه ويقفوا جانبه ....
يارب يكون قصدي وصلك

منور دايما مش هنا بس ... لأ ........ هناك كمان

mimi يقول...

راسبوتين...



.... اسمك حلو أوي مع إني معرفش يعني ايه !!
تحياتي ليك في أول مرة زيارة .... ويارب مش الأخيرة

mimi يقول...

MaNoOoSh...
منوووووووووووشاااااااااااااااااااااااااااا

وحشتيني يا قطتي العسولة .... ربنا يخليكي ليا يارب
اخبار الكونفرنسات ايه .... ولا بخ خلاص ؟
تحياتي .......

mimi يقول...

موناليزا...


أنشريه برده .... ده قلمك ومن حقك ... عاوزة اقرا البوست بتاعك واشوف مدي التوافق ..
نورتيني يا موناليزا .... وبقالك كتر غايبة عني اوييييييييييييييييييييي

تحياتي

mimi يقول...

المعتصم...
اولا : ربنا يكرمك ويديلك أحسن حاجة في الدنيا والأخرة يارب .
ثانيا : دي مش وعود ... دي أحاسيس ... جبته لنفسي جبته لنفسي ... انا موافقة وسعيدة كمان
ثالثا: حاضر يا مصطفي ... أما يبقي ييجي ... ( ان شاء الله لو فيه نصيب ) هبقي أخليه يديلك لينك المدونة بتاعته وكمان الأكونت بتاعه علي الفيس بوك
جيل المستقبل التكنولوجي بقي ............
ههههههههههههههههههههههه
دمت بكل ود .... ألف سلامة علي ابن اخوك .... والف سلامة عليك
وتقوموا بألف سلامة ان شاء الله
تحياتي

mimi يقول...

حياة. ..
الأسم ده حلو أوي " حياة "
دمتي بكل ود وحب وفي رعاية الله يا حياة
نورتي في اول مرة زيارة يا جميلة
ويارب مش الاخيرة
تحياتي ليكي

mimi يقول...

حلـم،،...

حلم ... كلامك حلو جدااااااااااااااا وخلاني اقراه كذا مرة
انا لسة مش متجوزة أصلا ... دي مجرد احاسيس ترجمتها لكلمات ووعود
ارجو ان تكون الفكرة نالت اعجابك .... وتحياتي لقلمك

mimi يقول...

ميرام...
ميرام نورتيني يا عسولةةةةةةةةة
بس مش قولتيلي بكرة الساعة كام؟؟؟؟؟

ههههههههههههههههههههههه

تحياتي

mimi يقول...

ايوشة...
ايوشتي .......... مبسوطة انه عجبك ... ومبروك عليكي جايزة الترشيحات يا قطقوطة
نورتيني

mimi يقول...

أحمد بسام...

عملت ايه في الفيزيا ؟؟؟

....... ربنا معاك يارب
تحياتي ....... يارب تنجح يا احمد يارب

mimi يقول...

عاشقه الرومانسيه...

حبيبتي العسولة .... ده تاني طلب للتبني في بوست واحد .... انا موافقة والله .... يلا تعالي
نورتي ياسكر ...

mimi يقول...

همس الاحباب...

تالت طلب للتبني .... يعني لازم تقف في الطابور ..
. أنت كده ليك اخوات علي فكره بالتبني وهما عاشقة الرومانسية و قلب أرهقته الأحلام .....
ولادي حبايبي ........ بعد ما جيتوا ... ههههههههههههه ...

mimi يقول...

حلـم،،...
أنا لبيت دعوتك ورحت زرتك بالفعل ... كلامك جميل جداااااااااا
ساعات بزورك بس مش بسيب تعليق ... بس اسلوبك بجد راقي جدا
تحياتي

mimi يقول...

MǿиY El-Shreef...
مونييييييييييييييييييييييييييييييييييييييييي
موووووووووووووووووووووااااااااااااااه كتيييييييير
انتي كمان وحشتيني اوي ... عاملة ايه في الأحياء ؟؟؟
والكيمياء ؟ واللي بالي بالك .... هههههههههههههه
ربنا يوفقك يا حبيبتي .... وتنجحي وتحققي كل اللي نفسك فيه
ومتقوليش موضوع الخلف ده تاني ...... ربنا هيكرمك بإذن الله وتجيبي ولاد عسولين أوي كده زيك
تحياتي يا سكرتي

mimi يقول...

THE illusionist...

العد في اللمون ........ هههههههههههههههههه
نورت يا جميل... اخبار الامتحانات ايه والنتايج وكده يعني
طمني عليك انت والحليوة التاني بتاع قسم انجليزي

mimi يقول...

mohamed ghalia...

نورتني في اول زيارة ليك .... ويارب مش الأخيرة
تحياتي ........ وشكرا ليك

mimi يقول...

جارة القمر...


حبيبتي جارتي وجارة القمر وجارة كل الحلوين
يارب تدوم صداقنا للأبد ... ألف سلامة علي ماما ... يارب تكون بخير
وحشتيني اويييييييييي ........ اسفة لأني غبت عنك كتير ...
بس النت عندي مش مخليني عارفة اتواصل
تحياتي ... شكرا يا عسولةةةةةةةةة
احبك في الله

mimi يقول...

جارة القمر...

حاضر حبيبتي ان شاء الله مش هغيب تاني
شكراااااااااااااااااااااااااا

mimi يقول...

د. ياسر عمر عبد الفتاح...

يا دكترة .... انت كنت بتكون في التعليقات الأولي .... غبت عني ليه ؟؟؟؟؟؟؟؟؟
ربنا يسعد أوقاتك .... وميرسي علي الكلام الجميل ده ... والله كلامك بيشجعني أكتب أحسن ما عندي
شكراااااااااااااااااااااااااااااا
تحياتي ..............

mimi يقول...

عبد من عباد الله مدحت...

ربنا يكرمك بكلامك الجميل ده ... ده بيشجعني علي التجديد دايما
ربنا يخليك لينا كلنا
وربنا يسعد أوقاتك .... تحياتي

mimi يقول...

ديالا...
اسمك حلو اوي ....... والصورة اللي انتي مختاراها للبروفايل
في منتهي الجمال ....... بجد هايلة
تحياتي ليكي ............... منوراني علي طول دايما
ربنا يسعد أوقاتك كلها ........ تحياتي

mimi يقول...

اسماء واحلام فى وجدانى...
أحمد .... عامل ايه ازيك .........
ابني اسمه مكتوب عند ربنا يا أحمد
بس أنا بحب أسم ( مهاب)
مش عارف ليه ؟
؟
؟
؟
اسأل شكري

mimi يقول...

romansy...

رومتنسي ربنا يكرمك
ويسعد أوقاتك .... بجد تعليقك عندي مشجع ليا
تقبل من كل التحيات
شكرااااااااااااا

mimi يقول...

حياتى نغم...

وعليكم السلام ورحمة الله وبركاته
حياتي نغم ... ربنا يخليكي ليا يارب
وتحياتي لكل افراد اسرتك الكريمة وربنا يديم عليكي نعمه ... امين
بالنوسبة لموضوع الشهر العقاري ....
. انا بفكر أخليه الأسبوع العقاري .... علشان معلش مش فاضية
هههههههههههههههه
تحياتي ...

mimi يقول...

7annen...

حنين ... نورتي المدونة كلهههها
ويارب مش اخر مرة تزوريني فيها
وبشكر أحمد جدا علي اللي عمله معايا
وجاري التواصل بيننا ان شاء الله
انتي كده دخلتي قلب ميمي
تحياتي

mimi يقول...

mahasen saber...

محاسن ... ربنا عنده الخير كله لينا ... ويارب يفكرنا بوعودنا
اصلي عارفة مشاغل الحياة بتنسي كل حاجة
تحياتي ليكي ... ومنورة دايما يا سكرتي
ربنا يسعد أوقاتك

mimi يقول...

THE illusionist...

أنا قلت برده انت جاي تعد وتمشي !!
ربنا يخليك يا جميل .... وابقي طمني عليك دايما
ربنا يسعد أوقاتك وتحياتي

mimi يقول...

kimo...

لما أتلايم علي ابوه يا كيمو هنفكر هييجي امتي ....
أنا بجد معرفش ده في علم الغيب
هههههههههههههه
وهبقي أقوللـه كيمو سالأ عنك قبل ما تيجي
ههههههههههه
شكراااااااااااا وربنا يحلّي اوقاتك

mimi يقول...

الفراغ...
حبيبتي وحبيبة كل الناس ماما الفراغ
تحياتي يا عسولةةةةةةةةة
والله يسلمك ... وشكرا علي سؤالك عليا في غيبتي
ربنا يخليكي ليا وتسلميلي دايما
الحمد لله ان بوستاتي عجبتك .... وربنا يديم المعروف بيننا
ويسعد اوقاتك كلها ان شاء الله
تحياتي

mimi يقول...

اسماء واحلام فى وجدانى...

من افروديت الي مازنجر ....
جاري عمل " سكان " علي المنطقة مرة أخري

ابا الغضب لم يظهر حتي هذه اللحظة ...
يمكن ركّن في أي كوفي شوب يعمل تشات مع كابتن ماجد

mimi يقول...

اسماء واحلام فى وجدانى...

احمد ... مش عارفة اقولك ايه ... انا عايشة وسطكم وسعيده بيكم ... مش هغيب تاني ان شاء الله

mimi يقول...

اسماء واحلام فى وجدانى...

رباعي الشر رجع تاني ........... نيااااااهااااااااااااااااااااااااااااااااا

mimi يقول...

Soul.o0o.Whisper...

د/ سول واحاشتيني ييييييييييييييييييييييييييييييييييي جدااااااااااااااا والله العظيم
انا عارفة مقصرة معاكي بس معلش ... سامحيني
تسلميلي يا حبيبتي .... وربنا يديم الود بيننا
تحياتي
ربنا يسعد اوقاتك

mimi يقول...

تامر حسين...
موز بالبن .......ممممممممممممممممم
وأنا اقول تامر فين تامي فين؟
هوا المطعم بعيد عن هنا ؟
هههههههههههه
فينك وفين موضوعاتك !!! نورتني ... احنا أصحاب من زمان

mimi يقول...

بنت اسكندرانية...

بنوتة اسكندرانية ......... انا علي فكرة بحب اسكندرية جدااااااااااااااا
واكيد انتي في قلب ميمي علشان اسكندرانية
تحياتي يا سكرة ومنورة

mimi يقول...

اسماء واحلام فى وجدانى...

أحمد ....... أنت بشرة خير ووش السعد
انت اول واحد قاللي
تحياتي ليك .... والله يباركلي فيك ... ويديم الصداقة بيننا
ربنا يسعد أوقاتك

mimi يقول...

د.خالدأمين...

أولا : اهلا بيك نورت مدونتي ... في اول زيارة يارب مش تكون الأخيرة

يعلم ربنا ويشهد عليا اني عاوزة اتعلم ازاي اربي اطفالي ... واديهم احسن شئ في الدنيا ...
علي فكرة يا د / خالد انا مش متجوزة لسة ........
بس أنا لقيت اهتمام غربي بتربية الأبناء لدي الإناث منذ الصغر ... مش عندنا ده ليه مش عارفة !!

والله العظيم بجد تعليقك أحلي تعليق ...... كتير بيخلفوا ولاد من غير حتي ما ينوا هما هيخلفوا ليه ... زي ما يكون الاطفال كماليات ... يعني اللي يتجوز لازم يخلّف .... فلا وعي بأي شئ ... ربنا يستر

ربنا يديك كل اللي تتمناه ......... وينور طريقك .... ويسعد اوقاتك
تحياتي

mimi يقول...

ঔღঔ نـــوارة ঔღঔ...

هوا بس ييجي ... ههههههههههههه
عندك حق حبيبتي ... ويرزقك ربنا ببنوتة جميلة وعسولةةةةةةة يارب
تحياتي ..........
ربنا يسعد أوقاتك

mimi يقول...

اسماء واحلام فى وجدانى...

سامحني يا أحمد علي التأخير في الرد
بس هحاول .... النت من البيت جحيم
سامحني .... وأشوف وشك بخير
هتوحشني

mimi يقول...

ghorBty...
الله يبارك فيكي ........و مبروك عليكي انتي كمان
وربنا يسعد اوقاتك كلها
امين يارب

تحياتي

mimi يقول...

ايوشة...

ايوشتي
الله يبارك فيكي يا قطة ومبروك عليكي انتي كمان
ويارب من تقدم لتقدم والمرة الجاية المركز الأول
تحياتي ياقطتي
الف ألف مبروك ليكي

mimi يقول...

E73...

عليكم السلام ورحمة الله وبركاته
نورتي في أول زيارة ........
وشكرا للتواصل واتمني ان يدوم
تحياتي
ربنا يسعد اوقاتك

mimi يقول...

yasmeen...

ياسمين ... نورتيني يا عسولة
وربنا يديم التواصل ان شاء الله
تحياتي ليكي .... وشكراااااااااااااا

mimi يقول...

well...

شكرا ليك انت علي متابعتك ليا ... رغم اني مقصّرة معاك في زيارتك ...
ان شاء الله هيدوم التواصل قريب جدا ....
تحياتي علي كلامك الجميل في تعليقك ده
ربنا يسعد أيامك

mimi يقول...

شمس النهار...


حبيبتي شموسة ... لاحظت قلة وعي في البنات ... كلهم عاوزين يتجوزا وخلاص ... وبعد كده يخلفوا وخلاص ... مفيش هدف محدد ... في اروبا السيدات بتاخد كورسات فن التعامل مع الأطفال ... احنا هنا .... لأ
تقدري تقولي اني حاولت أدق جرس الوعي عند البنات المقبلات علي الزواج
يارب يكون الجرس اتسمع
وتحياتي ليكي
وربنا يسعد أيامك

mimi يقول...

صوت من مصر...

ياااااااااااه .... ربنا يكرمك يارب
بجد تعليقك جامد يارب استحق اكون أم كويسة لأولادي
ربنا يسعدك ويحللي أيامك كلها
دمت بكل ود

mimi يقول...

gogo!sf...

ايون ....... انا بس أتلايم علي أبوه
هههههههههههههههههه
حبيبتي ربنا يسعد أيامك كلها

ويحقق امنياتك يا جوجو
شفتي نفسك جوا قلب ميمي
سكرة ومنورة
وبالقلب دايماااااا ان شاء الله

mimi يقول...

جارة القمر...
أنتي كمان والله ................. وحشتيييييييييييني
غصب عني يا قطتي والله

mimi يقول...

زقطـوطـة...

زقططة ...... ربنا يسعد ايامك ويخليكي علي طول كده
زقطوطة ومزقططة ........
تحياتي يا عسولةةةةةةة ودمتي بكل ود

mimi يقول...

زقطـوطـة...

طلعوا التعليقين توأم
ههههههههههههههههههههههههه

mimi يقول...

اسماء واحلام فى وجدانى...

في المطار يا حموووووود

mimi يقول...

maioya...

مي حبيبتي .... في أول زيارة اولا بشكرك
ثانيا ... بتمني يدوم التواصل

تحياتي

mimi يقول...

yoyo...

صباحك عسل يا يويو
انا قلت برده مينفعش انشر التعليقات من غير يويو واستنيتك يا سكرتي
انتي كمان كلماتك جميلة وانتي اصلا مبدعة
ربنا يديم عليكي نعمه

اسم البيبي عند ربنا ... معرفش لسة
بس تقريبا ... تقريبا ....

؟
؟
؟
أ
ح
م
د
هههههههههههههههههههههههههههههههه
دمتي بكل ود .... وحشتيني مووووت

mimi يقول...

فراشة...

مش مهم ياروحي اتأخري براحتك ... أحمد حاجزلك مكان قدام
هههههههههههههههههههه
تحياتي يا سكرة
وحشتيني

صوت فيروز يقول...

و الله و الله و الله انا حسيت بكل كلمه قلتيها .....كل كلمه من دول كانها طالعة من قلبي انا
ربنا يرزقك و يرزقنا بالذريه الصالحة

RADWA يقول...

جميلة قووووووووي الكلمات
بجد عجبتني موووووت
تسلم إيدك ياجميل :)