كان صيف وسنة تمانين
ماما كان هيجيلها جنين
تعبت والدكتور جالها
قاللها هتجيبي اتنين
في تسعة سنة تمانين
******
في تسعة سنة تمانين
شرّف للدنيا أتنين
ميمي وأحمد توأمها
بقوا أجمل توأمين
في تسعة سنة تمانين
******
بابا جاله الولد أخيرا
عيلتي سعادتها أتضاعفت
فرحتها بقت فرحين
في تسعة سنة تمانين
******
في تسعة سنة تمانين
شبرا نورت النور
والبيت بقي ريحته بخور
وسعادة وهنا وسرور
وحسود مخبوط في العين
في تسعة سنة تمانين
******
لو بابا شايله أحمد
طب ميمي هتروح فين؟
أكيد ماما هتشيلها
وهتجيب الراحة منين؟؟؟
مش إحنا بس ولادها
دا أكبر مننا أختين
مواليد سبعة وسبعين
وإحنا مواليد تمانين
أو تسعة سنة تمانين
******
الناس في بيوتها ميزان
وإحنا عندنا ميزانين ..
وهدية واحدة لاتكفي
يلزمنا .. هديتين
ما إحنا مواليد يوم واحد
في تسعة سنة تمانين
******
من تسعة سنة تمانين
جريت أيامنا بينا
سابت شقاوتنا فينا
لسة عايشين طفولتنا
أجمل لعبنا في الطين
ما أحنا مواليد تمانين
******
قلوبنا دي بيضا زيادة
أتعس لحظاتنا .. سعادة
وعاملين لزعلنا كمين
ما إحنا مواليد يوم واحد
سبتمبر عام تمانين
هناك 407 تعليقات:
«الأقدم ‹أقدم 401 – 407 من 407والنبى كمان تعليق
عشان يبقوا خمسة فى وش اسرائيل
مش بيقولوا فى وش العدو
ودى بقى العن عدو
كده امشى وانا مستريح
وضميرى مبسوط
يلا
سلام يا ميمى
السلام عليكم
بصي يا ميمي المدونة لاي حد يعلق بس انا برد علي البنات بس وده علي اقتناع مني ومش عايز حد يزعل وكتير اتوا وعلقوا مرة ولما مش بيلاقوا رد مش بيجوا تاني مش مهم التعلقات علي قد ما هو مهم ان الانسان يستفيد سواء شباب او فتيات ويارت الانسان يقدر والاجر والثواب من عند الله مش من التعلقات
وجزانا الله واياكم الخير
تحياتي
كل سنة وانتى طيبة ميمى
يا ذات الدم الخفيف
حاجة كده شبه ذات الرداء الاحمر
ههههههههههه
وعقبال مليون سنة
عيد سعيد
تهانينا الحارة
كل سنة وانتي
العيد السعيد
مودتي
ميمي .. صداقتك وسام .. أعتز به
عام سعيد وعمر مديد
أتمني من الله لكي توأم روح كما من عليكي بتوأم جسد
انا البرنس
انا خاتم الموضوع ده
عييييييييييييييييييييييييييب
انا البرنس فى الموضوع هنا
إرسال تعليق