الثلاثاء، 20 أكتوبر 2009

قلبي البرئ ... أنا هكسره









قلبي البرئ أنا هكسره


وهحطمه وهدمره


مادام .. مش فارق معاك


تصونه أو .... تستحقره




قلبي البرئ .. أنا هكسره



غلط وآل !!.. حب بضمير


واستغني عن أحلام كتير


وحبه ليك ... ذنبه الكبير


دلوقتي راح يستغفره





قلبي البرئ .. أنا هكسره







ضحيت أنا وصبرت ليه؟


عمري معاك بندم عليه


فستان فرح .. كانلي كفن


بإديك بديت .. بتفصلّه




قلبي البرئ .. أنا هكسره





أنا واحدة راعت قلبها


واستثمرت فيه حبها


كان حبها دا ابنها


دلوقتي مات ...


وعزاه .....أهه بتحضّره




قلبي البرئ .. أنا هكسره




جوايا ساكن كرهي ليه


واتمني لو إنه ..... يموت
أو يتخنق جوة التابوت


أو يتحضن برصاصة من غير أي صوت


حتي الصدي ما يعبرّه




قلبي البرئ .. أنا هكسره






عملت إيه بقلبك غلط ؟


عرفته إيه معني السعادة..و الهنا ؟


بنيتله قصر من المُني!!

ولملمت فيه أملي الوحيد اللي إنفرط؟

وياريت عرفت تقدرّه







قلبي البرئ أنا هكسره




.




.







هناك 111 تعليقًا:

The illusionist يقول...

اواااااااااااااااااااااااااااااااااال

The illusionist يقول...

مش انا الاول
عليا النعمه حرام

The illusionist يقول...

كمان
ده استقصاد بقى

The illusionist يقول...

انا الاول

The illusionist يقول...

لا انا الاول

The illusionist يقول...

سوال بس
هو مش انا الاول لييييييييييييييييييه

أحمد عاطف يقول...

ميمي

احكمي انتي

مين الاول

The illusionist يقول...

هههههههههههه

لا
ملياش دعوه
انى اعترض

أحمد عاطف يقول...

الاجابة بسيطة

انت مش الاول

لأن انا الأولـــــــــــــــ

كده السؤال اتجاوب عليه

The illusionist يقول...

انا طبعا
ميمى مين
انا الاول
ملياش دعوىىىىىىىىى

The illusionist يقول...

الاجتبه ابسط
انا الاول
لانى لازم ابقى الاول
عاااااااااااااااااااا

The illusionist يقول...

وانا بحذرك
انا لو مبقتش الاول

The illusionist يقول...

هبقى التانى
وكده مش حلو

The illusionist يقول...

و
اوااااااااااااااااااااااااااااااااااال

The illusionist يقول...

سؤالى التانى
انا الاول لسه صح

The illusionist يقول...

وبقول فى الاخر
لكل المعجبين
بحبكم
لانى انا الاول

The illusionist يقول...

ميمى
اياكى تكسرى حاجه
فاهمه
انا مش كل يوم هلم وراكى قلوب والحركات دى
وبعدين يعنى
مين اللى كسرهولك
وانا اقطعه تلاتين حته

The illusionist يقول...

وبعدين ايه ده
واحد وعشرين بس
هزولت
هيبقوا كتييييييييييييييير

The illusionist يقول...

وانتى كده
مفيش قلب خالص
انتى شكلك طلتيه باين
وهتشويه
ايه اللى البت عاملاه فى الصوره ده

The illusionist يقول...

طبعا بلا منازع
كلماتك روعه


بجد انا عجبتنى جدا
تحسى انها كلمات اغنيه
ومشهوره كمان
شكلك سارقاها من حد
اعترفى
من مييييييييييييين

The illusionist يقول...

وياريت عرفت تقدرّه



ماشى يا عم
ماشى
بتجيبوا الكلام الحو ده منين بس

The illusionist يقول...

كده فل

The illusionist يقول...

بس مش قوى لانى مضايق لانى لازم اكون الاول بس يلا

The illusionist يقول...

انا من جوايا الاول
وبقول
شيبساوى علطول

The illusionist يقول...

هو ده كده احتلال
ولا كده انا شطور لسه

The illusionist يقول...

طيب ليا انا سؤال يببقى بتاع اخر الحلقه

ليه احمد مظهر كان بيقول

ابن الجناينى بقى ضابط يا انجى
عاوز اعرف ليه
مضايق من ايه يعنى

The illusionist يقول...

بس
كده فل عليا قوى
الف شكر ليكى يا ميما
منجيش فى اى احتلالات قادمه

البروفيسير يقول...

السلام عليكم
اخبارك ايه
بلاش تكسرى قلب برئ احنا بجد محتاجين للقلوب الصافيه البريئه فى الزمن ده
تحياتى

اسماء واحلام فى وجدانى يقول...

انا محتار فى امرك يا ميمى كلامك صعب اوى وبيوجع اوى وفى معانى صعبة اوى ومعانى كلها تشائم عارفة انا ممكن اتوقع الكلام ده من اى حد غيرك انتى لان اعرف ان التشائم مش من طبعك باى شكل ،، عمر الحب ما كان فى استحقار او دمار بالشكل ده ،، انتى انسانة طيبة بس انتى انسانة يعنى مش معصومة من الغلط واكيد اللى انتى فيه ده له اكتر من سبب ،، فى حاجات بتتكسر وصعب ترجع تانى ،، فى ناس لامة بتحب بتحب بكل ما تملك بس لو انجرحت مرة يتتهزم وبتضيع ومش بتلاقى نفسها تانى لانها حبت بجد ،، الحب الحقيقى لو بنلاقيه لازم نمسك فيه مش لسبب بسيط ممكن نضيع ونظلم قبل ما نفهم او نسمع اى مبرر للطرف التانى ،، انا قريت كلامك مرة واحدة ولاقيتنى باقول كده مش عارف ليه ،، بس اللى عايز اقوله ان القلب البرىء ده لسة بيحب لانه استحالة يكره وحتى لو كان جواه كره مش ممكن يكون لشخص وهبه كل حياته لان القلبين للاسف لسة مرتبطين ببعض وده اللى فهمته من كلامك ،،

Remas يقول...

ميمى وحشانى اوى

ازيك

ليه يا بنتى بس تكسريه

اوعى تفكر مره تكسري قلبك بالعكس حافظى عليه اوى

كلامك مش ممكن حسيت ان قلبك يقطر دما بجد

بس اسمعى نصيحة اختك اللى اكبر منك قلبك دا غالى اوى وعامليه على الاساس دا لا تكسريه ولا تلوميه

اسماء واحلام فى وجدانى يقول...

قلبك برىء ليه تضيعيه
وتعوديه
على كره يسكن جوه عنيه
وتحمليه
هم يناديه
كل ما ينسى جرحه اللى فيه
ما تقربيه
وتعوضيه
بكلمة حلوة
مش تحرميه
ما هو لسة مشتاق اليه

adel يقول...

من علي فراض المرض
و منع القراية و الاجهاد
لكن ميمي

الله ياميمي

وجوووووووووووون

يابنتي وربنا انتي عارفة بيعجباني كلامك و شعرك قد ايه

بس حتي مع الادوية لسه مستمتع بيه :):)
10/10

ومتكسريش قلبك ..اكسري وراه قلة هو :):)

Unknown يقول...

جميل اووووى الشعر ده
مسيره يعنى حد يلطشه
انا قولتلك قبل كدة
الغى التظليل و مش كفاية الرايت كليك
بس انتى مردتيش عليا
خلاص انا قولتلك و لو حصل بعد الشر اى لطشة متبقيش تزعلى

انا عارف ان تعليقى رخم اوووى
و بايخ
بس اصل كل بوستات قادر اعملها كوبى باست بكل سهولة

هههههههههههههه

Cute Kitty **sookra يقول...

بعيدا عن الاحتلالات انا التعليق التامن ولن اتنازل عنه مهما اديتونى شيكولاته
سامعين انا بعلنها اهو والجانى على روحه يعترض
ميمايا ياقمر انتى انتى البوست بتاعك دا فى الجون حالا
انا بحاول اكسر فى قلبى بقالى كام يوم
ممكن مساعده يارئيس جمهوريه كسر القلوب

Unknown يقول...

ميماية
ازيك يا ميمي
عاملة ايه ؟

اولا اتمني ان دا ميكونش حالة واقعية
ثانيا الكلمات جميلة جدا جدا جدا

بس الحل مش في الكسر الحل في النسيان و الشخص المناسب

كلمات جميلة اوي يا ميمي

اقصوصه يقول...

اممم

هذه هي الحياه

لحظات جميله

واخرى قاسبه

بالنهايه

لازم نتعلم من اغلاطنا

ونستفيد من قسوة الحياه علينا

بان احنا نكون اقوى واصلب

كلماتك حزينه ومعبره

ابعد الله عنك الالم

فكرة من الزمن ده يقول...

ميمايتي

فكرة من الزمن ده يقول...

كلام بيوجع اوي ياميمايتي
بس قلبك ده مش بتاعك لوحدك
ده بتاعنا كلنا
واللي مش عارف قيمته يبقى مايستاهلش يقعد معانا فيه

فكرة من الزمن ده يقول...

اوعي تكسريه او تعملي اي حاجة فيه
يعني احنا نروح فين
فكرتك حبيبتك تسكن فين يرضيكي اتشرد

فكرة من الزمن ده يقول...

انا عايزة اتخانق مع الاستاذ احمد عاطف
وزناتي
ايه يا مستر منك ليه
اجي الصبح بدري الاقي نفسي التعليق 42
حرام عليكو
جايين تتخانقو هنا
ومفيش اي حد حجزلي
ولا عبرني
وبعدين لوس محت ايه حكاية عيشان قصة حب بيقول للناس هكسره واللي مش عايش حب يقول للناس عيشو الحب

انتو مخبيين عني حاجة ولا ايه

Cute Kitty **sookra يقول...

ايه ياختى يافكره انتى عاوزه تحتلى قلب الميمايا ولاايه .
عموما ياست ميمايا احنا كلنا وراك ومحدش هيقدر يكسر قلبك حتى لو كانت انتى هنقفلك بالمرصاد
تحياتى

فكرة من الزمن ده يقول...

ميمايتي طمنيني ارجوكي

فكرة من الزمن ده يقول...

ساسو عندك مانع انا محتلاه بقوة الحب

فكرة من الزمن ده يقول...

مش عاجبك احتليه انتي كمان وحايساع متخافيش
ايه نتخانق هنا كده قدام الناس؟
عاجبك كده ياميمايتي
خناقة فوق وخناقة تحت
يخرب بيت بتاع الكحك

------ يقول...

حلو اوى كلامك

بس ليه القسوة دى كلها

يوميات الحارة يقول...

ممممممممممممممممممم
هو لية الجميع ربط الحزن او الشعر بمشاعر حاصلة او بتحصل انا مش شايف دا وحاسس انه تعبير لحظى ومش مرتبط بشئ
بس بجد كلام جميل جدا ويلمس اوى المشاعر وخصوصا لو حد مصاب بداء مشابة هيحسه انه اصدق تعبير عن مشاعره الشخصية
بس عارفة انا اللى عاجبنى اكتر التناقض اللى فى المدونة من مشاعر من بوست لبوست ودا هو طبيعية الانسان ومشاعره

Cute Kitty **sookra يقول...

فكره بلاش نتخانق هنا قدام الناس لنا مدونه تلمنا
عموما احنا هنسيب الحكم الاخير لميمايا وهى تختار مين يحتل قلبها ومين لا
بس لو قالت انا لا انا هازعل وارمى نفسى من ع البلاط

romansy يقول...

يا جمال كلاماتك

Tamer Nabil Moussa يقول...

السلام عليكم


كلمات جميلة.

وسرد رائع


مع خالص تحياتى

romansy يقول...

وليه بس تكسريه دا قلب حب بضمير
مدام مش فارق معاه هيجى اللى يقدرره
وبلاش تجرحي القلب اللى حب
اصل الحب دا مش عيب
حبى وعيشى كده طول عمرك
حبى وعيشى معاكى قلبك
دا اجمل قلب اتعرف
واعترف يوم بحبه

ستيتة يقول...

تكسريه؟
ليه ان شاء الله
لا يوجد رجل لا يمكن تعويضه
ولا توجد أمرأة فريدة بقانون الزمان

خلي قلبك
فيه ليه فارس مخصوص
مكتوب عليه اسمه وانت جنين في بطن امك
لما يجي الفارس ده
ها تنبسطي انك مكسرتيش الهارت
يا حليب هارتي انتي

عبد من عباد الله يقول...

حتى الصدى ما يعبره !!!!!

ايه الكلام الجامد ده

لا لا لا ده انتي جباره

عموماً لو قلبك ده اصيل و استحمل معاكي يبقى حافظي عليه احسن .

المعتصم يقول...

للاسف على قد مابنحس بحلاوة الحب واحنا عايشين فيه
على قد مابنحس بالالم لما قصة الحب دى تنتهى لأى سبب
كلماتك حلوة قوى ياميمى
بس مش معنى اننا ممكن نفشل مرة فى قصة حب اننا نكسر قلوبنا ونبطل نحب
ده معناه يأس وده مش مطلوب
صحيح الكلمات حلوة وعجبتنى انما الفكرة عموما ليا اعتراض عليها
ســــلام

مي يقول...

غلط وآل !!.. حب بضمير


واستغني عن أحلام كتير


وحبه ليك ... ذنبه الكبير


دلوقتي راح يستغفره




ايييييييييييييييه ده ده كلام فى الجون بجد شديد اوىىىىىىىىى
لالالالا ميستاهلش تكسرى قلبك عشان اللى ميستاهلش تتضحى بالماس عشان تراب طب ازاى
قلبك ده بتاعنا مش بتاعك
واحنا محتاجين قلب زيك قلب طيب اوى
كلماتك وجعتنى بجد

على فكرة انا اول تعليق
ههههههههههههههههههههه
تسلم ايديكى

Heba Faruq يقول...

تدوينة رائعة

وكلمات جميلة كالعادة

لكن قلبك البريء اوعي تكسريه
ده كنز ثمين حافظي عليه
في الزمن الصعب ده اللي احنا عايشين فيه

مع تحياتي

mohamed ghalia يقول...

تحفة بجد ياميمايا
مع انى فيها كر بس جامدة
ربنا يكرمك ويسعدك دايما

الحــ ــزين يقول...

الحــ ــزين
انا اللى جيتلك اهو
بيعجبنى كلاماتك جدا لان بحسها كلها
وكانك بتتكلمى عنى بجد انتى مبدعة
وبسم الله ما شاء الله عليكى
دومتى بكلماتك واحساسك المنفرد

Arsenal Way يقول...

مش عارف اقولك ايه

الكلمات لا جدال انها رائعه ومميزه ومتناسقه وخلابه

اما المعنى يدل على مشكله كبيره .. ليه تكسري قلبك ..؟

ليه تعملي 100 مشكله .. ده الحب حاجه مقدره

تقبلي مروري يا ميمي ربنا يسعدك دايما

خواطر شابة يقول...

يالهوي صدقيني والله مفيش حد يستاهل يتعمل كل ده عشانه
سيبي القلب البرئ في حاله بكره يلاقي اللي يقدره واللي غدر بيه اكيد هو الخسران وبكره يعرف قيمة اللي ضيعه

Meme يقول...

تعرفي اني بقيت بقرا الكلام ده كثير؟
ليه دايما بيحصل كده هو الغلط عندنا و لا عندهم؟

ساره يقول...

تكسريه لو كان هو اللي خان
بس قلبك برئ لا تعذبيه
شويه الم وبتروح
والوقت هو الدواء
راح يتنسى زي وجبه العشاء

د/عرفه يقول...

ليه بس كده مكان
قلب برىء وفى حاله

غير معرف يقول...

حلووه اوى ياميمى جميله زيك كدا

تسلم ايدك

حنين

Ahmed يقول...

ممكن اختلف معاكي؟
اه طبعا ممكن اختلف معاكي

قلبي البرئ انا مش هكسره
قلبي البرئ في حرير هلفه واحفظه
قلبي البرئ هشيله واستنى اللي يصونه ويحفظه
قلبي البرئ مش هضيعه عشان في حد معرفش يقدره
مش هعيش بقلبي مكسور
هعيش بيه برئ محفوظ من كل ايد تحاول تدمره

انا مش بكتب شعر ولا يحزنون, انا بس عندي كلمتين قلتهم وخلاااااااااااص

Bent Men ElZman Da !! يقول...

"
غلط وآل !!.. حب بضمير

واستغني عن أحلام كتير

وحبه ليك ... ذنبه الكبير

دلوقتي راح يستغفره"
اكتر حته حسستنى ان الحب ذنب اكتر منه متعه
مش قلبك البرئ اللى يتكسر
اللى يتكسر القلب اللى يزعل قلبك البرئ ده ;)

عاشقه الرومانسيه يقول...

قلبك البرئ مالوش ذنب

osama44 اسامه 44 يقول...

بجد مش عارف اقولك ايه
بجد رائعه تدوينه جميله
ماشاء الله عليكى
دمتى رائعه ميمى

جمهورية شومبونجو العربية يقول...

السلام عليكم

اية الكلام الجامد دة

بس لية تكسرية

خليكى متفألة وعندك امل
يمكن هو معرفش قيمت الحب دة
بس اكيد هيجى الى يقدر ويحس ويحافظ على قلبك وحبك لية

ديماّ فى تألق
..............
تحياتى


رئيس الجمهورية

الشعب لابد له من حكومه تشكمه يقول...

ليه نكسره؟؟؟
ذمبه ايه:(

إسكندرانية يقول...

اول ماقريت البوست دة افتكرت منير

برىء لكن غريب مع احلامى الى جاية برىءبرىء ومين مالهوش خطيا
برىءياقلبى برىء ايوة انا عارف اسمى لكن ومين سمانى
مين الى اختارة امى ولا ابويا وجيرانى
انا اسمى الحقيقة فى دنيتى الحقيقة وانا الضحكة البريئة فى رحلة الامانى
برىء وازى هاتكرة مادمت شايف بكرة مادمت دار وزهرة وحنين ملهش تانى


ربنا يفرح قلبك
دمتي بخير

حياتى نغم يقول...

السلام عليكم ورحمة الله وبركاته

تنظيم جميل بس ياريت ما يكون لها وجود فى واقعكِ ..
حفظ الله قلبك برىء وحفظك من أى غدر ..

فكرة من الزمن ده يقول...

ميمايتي تعالي
عايزينك في شات فكرة

فكرة من الزمن ده يقول...

ميمايتي

فكرة من الزمن ده يقول...

ميمي

فكرة من الزمن ده يقول...

يالا تعالي

اســ الغربه ـــير يقول...

الحياه دى صعبه اوى ياميمى فجاه يكون الواحد فرحان وسعيد وفجاه تحسى ان الحياه دى مش مستهله اننا نعيش بجد حرام الحزن وهوه ليه سموه حزن

Nostor Azzuro يقول...

بلاش تكسريه

وفين كلام الحب بتاع البوست اللى فات

هو شوية حلوة وبعدين تقلبى عليه

!!!!!!!!!!!!!!!!!!!!!!!!!!!!!!

شفـقــة و إحســــان يقول...

ليه بس يا ميمى الحزن والكأبة دول
والله الدنيا ما تستاهل ان الواحد قلبه ينكسر
محدش يستاهل وارمى الدنيا وراء ضهرك
بس بجد بالرغم من الحزن والالم اللى فى كلماتك الا انها جميلة جدا
شفقة

وحي القلم يقول...

السلام عليكم
مفيش حد يستاهل انك تكسري قلبك علشانه

رضوى يقول...

هاي ازيك علي فكرة تعليقاتك اللي بتكتبها لليوميات الحارة بتوصل عندي انا هايزة افهم برجاء الرد

إسكندرانية يقول...

انتي نمتي يا ميمي ولا اية

بقوللك البوست دة في حاجة؟؟
عايزة اعرف اية هي بقا مليش دعوةةةة

صوت من مصر يقول...

للاسف قلبك مش عيبه انه برىء عيب الناس انها مش بريئه

غير معرف يقول...

لا ما تكسريهوش

هيجي اللي يستاهلة

وساعتها هتعرفي قيمتة

بس شوية صبر

وبهذة المناسبة يوجد عندنا صبر وارد الصين بسعر التكلفة الكيلو بربع جنية
ما تفرحيش اوي كدا

بربع جنية دهب

اللى موش عارف يتغير يقول...

هتظلمى قلبك ليه
دايما نقول القلب
والله مظلوم
هو يعنى اللى كان مسئول عن سوء افكارنا

فشكووول يقول...

ازيك يا ميمايه

ماهو الواحد متعود منك الكلام غير اللى تقصديقه

مش عارف اطاوعك ولا ورا كلامك كلام تانى

قلبك البريئ ..ز بريئ .. خايف لا يكون قصدك كلام تانى

وبعدين مين يقدر يكسر قلبه

دا بيبقى منقوش عليه ومسجون فيه .. طب لو جدعه كدا كسريه وورينى شطارتك .. دا يا بنتى الحب دا زى عضة الكلب ما فيش شفا منه ابدا

خلاص

ليس فقيرا من يحب يقول...

صباح الفل

يا كثوووووووووووووووووووووووووفى

كل ده تأخير

ليس فقيرا من يحب يقول...

وحشااانى يا ميمى كتييييييييييييير

يارب تكونى بخير

ليس فقيرا من يحب يقول...

هههههههههههههههههههههههههههه

بس انا باضم صوتى لصوت الاستاذ احمد

حيرتينا معاكى

هههههههههههههههههههه

ليس فقيرا من يحب يقول...

على فكرة الكلمات حلوة والايقاع

بتاعها جميل قوووووووووووى

تسلم ايديكى

ليس فقيرا من يحب يقول...

وبعدين قلب البطله ملوش اى ذنب علشان تكسره هيا بس تحاول تتعافى من اثار التجربه واكيد فى يوم هيلاقى
اللى يقدره ويعرف قيمته

تامر حسين يقول...

الوحيده الي سألت فيا متحرمش منك يارب
ودايما سباقه في رفع المعنويات

ليس فقيرا من يحب يقول...

ربنا يسعد قلبك يارب يا حبيبتى

اقعدى بالعافيه

Pink Dreams يقول...

قلبي البرئ أنا هكسره

وهحطمه وهدمره

مادام .. مش فارق معاك

تصونه أو .... تستحقره

اللى ميقدرش قلبنا يبقى ما يستاهلش ان احنا نعمل كدا فى قلبنا عشانو

بوست جميل ميمى

تسلم ايدك

اسماء واحلام فى وجدانى يقول...

يا ترا ايه اخر اخبار الاستيطان

اسماء واحلام فى وجدانى يقول...

طيب يا ترا ايه اخبار قلبك لسة بردوا عايزة تكسريه
واللا انتى خلاص كسرتيه طيب مش حرام تكسريه والناس اللى فيه تتشرد هيروحه فين بس الناس دى انا متهايلى ان ده مش قلب ده مجمع التحرير الساعة عشرة الصبح زحمة جدا

اسماء واحلام فى وجدانى يقول...

طيب فاكرة البوست ده




قلب واحد جمعنا كلنا
ده قلب غير قلوبنا كلنا
قلب صافى طيب حنون
وساعات شعنون وساعات مجنون
قلب استولى على كل حبنا
قلب واهب نفسه لغيره
من غير ما يفكر ايه مصيره
قلب ابيض فى الشمس ضلنا
قلب عارف فين طريقه
فين حبيبه فين صديقه فين رفيقه
قلب بلسم فى عز جرحنا
قلب مسامح ولا عمره فكر يبقا جارح
قلب واضح صافى الملامح
واللى ما يحبه يبعد عننا

اسماء واحلام فى وجدانى يقول...

ده قلبك يا ميمى

donya يقول...

اول زياره للمدونة الجميله خفيفة الظل

لكن ليه الحيره نقفل الشباك والا نفتح الشباك

نكسر قلبنا والا نعيش له وبيه قصة حب

عن نفسي بقول بلاش لاده ولا ده
الباب اللي يجيلك منه الحب قصدي الريح سده واستريح

وابعد عن الحب قصدي الشر وغني له

*تحياتي

أبو أمك يقول...

قلبها الجرئ...هتلمعه وتصنفره

مدام غالي عليّ
بمسمارين هتثبته وتمسمره

قلبها الجرئ...هتلمعه وتصنفره

صايع يا ناس...مجرم خطير
وطمعان في حاجات كتير
وحبي ليه...خازوق كبير
اللي يلبسه هيمسخره

قلبها الجرئ...هتلمعه وتصنفره

جريت قوام..مستعجلة ليه
عمري اللي راح ضحكت عليه
وبنطلوني اللي حيلتي اتسرق
قال إيه خدته للترزي يقصره

قلبها الجرئ...هتلمعه وتصنفره

دي واحدة جامد قلبها
وراس مالها حبها
لو يوم جاعت وطلبت بطنها
هتسلقه وتحمره

قلبها الجرئ...هتلمعه وتصنفره

ده قلبها بيحب نفسه منه فيه
يتمنى لو عمره يفوت
ما يسمعش صوت
غير صوته..حتى السكوت
بيزعجه ويكدره

قلبها الجرئ...هتلمعه وتصنفره

جرح مشاعري بالغلط
عاتبته قال لي إيه جابك هنا
ده اللي يقع في طريق حبنا
يا أصلاً أهبل..يا اتعبط

قلبها الجرئ...هتلمعه وتصنفره

مدحت محمد يقول...

طول ماهو برىء

يبقى ميستاهلش التكسير

جارة القمر يقول...

أووووووووووووووووووووه


كم كنتي قاسية على قلب لا يحتمل جرح كان هو سببه

ابتسمي وعيشي لغد جميل مزين بالاحلام


وكوني دوما بخير


وحشتيييييييييييييييييني

الفراغ يقول...

ياه على الجمال والقوه اللى فى الكلام
بوست تحفه وروعه
عجبنى الكلام جدا جدا
وهو كدا البنى ادم
لما يتجرح يقسى على نفسه ان مقدرش على اللى جرحه
بس مصير القلب البريءانه مع الايام يلاقى اللى يقدره
انا عن نفسى عشت المشاعر دى مره مع قلب خان العشره...بس يابنتى اول ماعتذر نسيت كل اللى فات ونسيت الاهات
احنا كدا بنعيش بقلبنا الابيض البريء
تحياتى

الحــ ــزين يقول...

الحــ ــزين
انا جيت اسألك وعلشان اقولك من وجهة نظرى ان البوست دا اكتساح
مستنيكى

جارة القمر يقول...

وحشتيني يا أحلى ميماية جيت أسلم عليكي

يارب تكوني بخير حبيبتي

تايه في وسط البلد يقول...

لا والله خسارة

خليه لحد يستاهله ويعرف يصونه

تحياتي

TWEETY يقول...

ازيك ياطانت

يارب تكونى كويسة

بس شكل الصورة بتقول لا

اسماء واحلام فى وجدانى يقول...

انا شايف حد بيقولك يا طنط
اعترفى اخدتى اللقب ده امتى
ياااااااااااااااااااااا
مــــــــــيــــــــمى

كيكى عوووووو يقول...

كدة برضة اجئ اقتبس حاجة يطلع مينفعش!!!
دة لو غريب هتديلوه البوست هديه!!
المقطع بتاع فستان الفرح الى بقى كفن المقطع دة حسيت فى بملامح كل ست مصرية عايشة بينا!!!!

Yusuf يقول...

جميل الكلام

ليه لحن جميل ... وحزين

ليت بامكاننا السيطرة علي قلوبنا

لربما تبدلت أحوالنا

تحياتي

♥نبع الغرام♥♪≈ يقول...

السلام عليكم

ازيك يا ميمايا
اخبارك ايه

وحشتينى قووى
ربنا يطمنا عليكى يارب ويكرمك خير

بجد كلماتك قويه قووى
تسلمى

ايناس

Unknown يقول...

ان شاء الله هيقدره لو مش انهارده يبقى بكره او فى يوم من الايام لا تفقدى الامل