الأحد، 13 ديسمبر، 2009

مين قال إن القمر بنوتة ؟




مين اللي قال يا بشر


إن القمر .. بنوتة

سرحانة بخيالها ..حاضنة في إيدها الورد


وساندة علي التوتة ؟

مين اللي قال يا بشر


إن القمر .. بنوتة !!



ربطوا زمان القمر


برسوم .. لقط وفار


واتخيلوه شرير .... وعنيه تطأ شرار


أو بنت ماسكة الهون .. بتدق فتفوتة



مين اللي قال يا بشر

إن القمر .. بنوتة !!



أنا قمري ليا ولد


مليان أمان ورجولة .. بعتبره ضهر وسند .

يصنعلي ... قلبه وتد ... ومن عنيه برجولا

يحكيلي من غير حروف


أحلي كلام حدوتة



مين اللي قال يا بشر

إن القمر .. بنوتة !!

قالوا عليك يا قمر ... إنك بعيد عالي

أنا .. ..

مستغربة جدا !!!

أصلك ما بين إيدي .. لو جيت علي بالي

بتجيبلي أحلي هدية

بفيونكة مربوطة

مين اللي قال يا بشر


إن القمر .. بنوتة !!

أنا قمري دا راجل


بدقن وبشنبات

وضحكته الهادية


أجمل ما فيه بالذات


رقيق في إحساسه


ومشاعره فيها ثبات

وكإنه بسكوتة


مين اللي قال يا بشر


إن القمر .. بنوتة !!


.

.

هناك 91 تعليقًا:

adel يقول...

الاول ؟؟

adel يقول...

ياااااااااااه من زمان مخدتش التعليق الاول ده نوهائيا

mimi يقول...

دولا .. منور
قوللي إيه رأيك في البوست يا أيها المحتل الجديد

نياهاااااااا

adel يقول...

هو ده ياميمايا ...انتي عارفة بحب كتاباتك دي قد ايه

وبعدين بتتكلمي عليا كده قدام الناس :$:$:$:$
مصرة تكسفيني يعني
ههههههههههه

-----------
يصنعلي ... قلبه وتد ... ومن عنيه برجولا

يحكيلي من غير حروف
أحلي كلام حدوتة
-----------
لا في الجون يا ميميايا ولا بوو تريكة

adel يقول...

بوست حلو جدا ياميمي
مش هاقول جديد يعني
انتي عارفة بحب اللون ده من الكتابة اشاسا

mimi يقول...

دولا .. مش جديد ليه ؟
حد قال كلامي قبل كده
عاااااااااااا

سجود يقول...

انا التااااااااااني

mimi يقول...

سجود
****

سارة منورة التعليق التاني يا سكر

adel يقول...

يابت قصدي مش جديد رأي في اللون ده
انتي عارفة انه بيعاجبني :):)

سجود يقول...

مين قال ان القمر بنوته
ههههههههههههه
موضوع جميل تسلم ايدك
وبعدين المدونه منوره بمواضيعها واصحابها من زمان
هههههههههههه

mimi يقول...

دولا
ههههههه والله أنا مخي بطاطس مقلية فهمت غلط
ههههههههههههههه

mimi يقول...

سجود
****

ربنا يخليكي يا سارة وترفعي معدنياتي أكتر وأكتر يا سكر

سجود يقول...

ههههههههههههههههههههه
ماشي ان شاء الله
دعواتك بس

mimi يقول...

سجود
****
ربنا يحقق أمنياتك يا سارة إن شاء الله

سجود يقول...

س سؤال
مين قالك ع اسمي ياباشا ؟؟؟؟؟؟؟؟
اعترفي
ههههههههههههههههه

سجود يقول...

احم احم
شكلك مش هنا
بس بقولك انا من هنا ابلغك تحياتي انا كمان عشان تحياتك وصلتني من علي مدونه الهامي
بس انا محتله من زمااااااااان
بس للاسف انقطعت 6 شهور كده ع النت ورجعت لاحتلال تاني
وبنا ييسر وافضل احتل طووووول عمري مش انقطع تاني

mimi يقول...

سجود
***
هنا ورديت عليكي في مدونتك يا ساسو

سجود يقول...

ههههههههههههههههههههههه
بجد
ههههههههههههه
اه افتكرت بس اعذريني الكليه عامله عمايلها باين كده
ههههههههههههههه
بجد هموت من الضحك
تحياتي

mimi يقول...

سجود
***
سماح المرة دي

7annen يقول...

ايه العسل دا يا ميمايه

جامده موووووووووووووووووووت
تسلم ايدك ياقمر

أحمد شريف يقول...

هذا مرور ع السريع فقط لأقول أني سعيد للغاية بهذه الكلمات واضح أنك زجالة متميزة

اعتبريني ضيف شرف دائم على صفحاتك إن شاء الله

أبو أمك يقول...

مين صحيح للي قال كده
مش أنا والله

ستيته حسب الله الحمش يقول...

يارب يا مودموازيل ميمايا يخلي قمرك
اللي بشنب ودقن
حلوة قوي الكلمات
ومفيش بينا مجاملات
يعني لو مش عجباني
ها أقول دي بلح امهات :)

عاشقه الرومانسيه يقول...

مين اللى قال القمر راجل صاحب شنبات
القمر ده ميمى وهى بتوصفه بكلمات
القمر قلب ميمى الحى ولا عمره ابدا مات
القمر ده يبقى ميمى بكلمها والهمسات
القمر ده ميمى بقلبهاوبروحها دى بالذات
دى ميمى دى اصلها اميره الاميرات
مهما يكون بُعدها بتقرب المسافات




كلمات مستوحاه من البوست
يارب تعجبك زى بوستك ما عجبنى
وحشتينى يابنوته

mimi يقول...

حنين
*****

منورة هنا وفي الفيسبوك وكل مكان يا حنين .. أنتي اللي عسولة

mimi يقول...

أحمد شريف
**********

يشرفني زيارتك يا أحمد ، وياارب تعجبك المدونة إن شاء الله

mimi يقول...

أبو أمك
********
جدو العزير نياااهاااااااا

رجعت تاني تتابع ، أنا فرحانة جداااا والله العظيم

يعني مش أنت اللي قلت كده ؟ إخبارية غلط معلش حقك علينا
ههههههههه

المعتصم يقول...

انا اللى قلت ان القمر بنوته
بنوته حلوة كلها رقه وحنان
احساس وجمال وامل
بنوته معها ابنى المستقبل واشاركها كل حياتى
يبقى اكيد هيا القمر
******
مش رفيق اتقفش ومابقاش فيه نت
هههههههههههههه
بوست جميل خالص
تحياتى ياميمى

mimi يقول...

ستيتة حسب الله الحمش
*********************
ردك تعليق جميل علي بوستي
يعني تستاهلي علي خدك بوستي
ويا منورة كل المدونات
إلهي تفرحي وتنبسطي

mimi يقول...

عاشقة الرومانسية
*****************
دودو يا عاشقة الرومانسية
كلامك حبيبتي .. دا كتير عليا
عاجبني طبعا تعليقك
وأثر كتير جدا فيا
ربنا ما يحرمني منك أبدا
ويخليكي دايما صاحبة وفية

mimi يقول...

المعتصم
********
يارب يكرمك ربنا يا مصطفي ببنت الحلال اللي تسعدك وتكون في عنيك أحلي من القمر

ما أنا جاتلي إخبارية إنك قلت علي القمر بنوتة ، فحسيت بالغيرة ، وكتبت ان القمر مش بنوتة

هههههههههههههه

أونكل رفيق إتقفش ،، وا خساراتاااااه

طيب معلش .. دور علي أونكل تاني وخليك علي إتصال

وعانا إتصال ،، نقول ألوووو
ههههههههه

قلب فارس يقول...

السلام عليكم كلام جميل جدا والحمد لله ان فيه ناس بتشكر فى الرجال.......... بس القمر مش حلو اوى لانة يروى موقف ان يوجد رجل قال لمراتة عليا الطلاق ان انتى احسن من القمر فقالت المراءة لا ياراجل انت كدة هتطلقنى القمر احسن منى بكتير فقال اليه اصدقى تعالى نسال الشيخ (وعلى مااظن ان هو كان الامام الشافعى ) فذهبوا اليه فوجدوة بيصلى فجلسوا مليا وقال لهم تلميذه ما بكم فحكى الرجل للتلميذ الحكاية فقال له اذهب وطلقها لان القمر احسن شى فذهبوا فبعدما تم الامام الصلاة فسال التلميذ ماذا بهم فقال له التلميذ الحكايه فقال الامام اذهب لتاتى بالرجل وزوجتة فذهب لياتى بهم فعندما رجعو وجدوا الامام بيصلى فقرا الامام فى الصلاة سورة التين وقال بدل الاية (لقد خلقنا الانسان فى احسن تقويم )...فقال لقد خلقنا القمر فى احسن تقويم فقال له التلميذ لا ياامام لقد خلقنا الانسان فقال هل رايئت ان الانسان احسن من القمر
ههههههه
تحياتى اليك

بدراوى يقول...

حلوة اوووووووووى
اووووووووى
بجد
ربنا يحميكى
بس معلش هو النايل سات
و لا ايه ظروفه
بيجيب كام قناة
هههههه

أحمد بسام يقول...

ياه بقالى كتير مجتش هنا
غبت و عدت و ما زلت متالقة ده مش نق والله ده حسد
نياها
دمت متالقة

P A S H A يقول...

- لأ بجد حلوة
تسلم إيدك
تحياتي وسلامي

روح طفلة يقول...

جميله اوى اوى اوى يا ميمى
وعجبتنى اوى الحته دى

أنا قمري ليا ولد

مليان أمان ورجولة .. بعتبره ضهر وسند .
يصنعلي ... قلبه وتد ... ومن عنيه برجولا

يحكيلي من غير حروف

أحلي كلام حدوتة

جمهورية شومبونجو العربية يقول...

سلامو عليكو

ايه الجمال دة

بجد تسلم ايدك

يابخت خطيبك عثليه بيكى

ديما يارب فى تألق

فى رعايه الله

رئيس الجمهوريه

مسدس صغير يقول...

لالالالالالالا
ايه الجمال ده
هو حد قال؟؟
انتى اللى بتقولى
انا مقلتش
ههههههه



أنا قمري دا راجل

بدقن وبشنبات

وضحكته الهادية

أجمل ما فيه بالذات

رقيق في إحساسه

ومشاعره فيها ثبات

وكإنه بسكوتة


جمييلة

جمييلة

احييكى على الكلمات والقصيدة

مستخلص افندى يقول...

جامد :D

مستخلص افندى

mohamed ghalia يقول...

تحف ياميمايا
معاكى حق فى كل كلمة
احساسك راقى أوى
ربنا يسعدك دايما

حلم بيعافر يقول...

الله الله الله
جميلة جدا وبسيطة جدا

الشعب لابد له من حكومه تشكمه يقول...

مليان أمان ورجولة .. بعتبره ضهر وسند .

يصنعلي ... قلبه وتد ... ومن عنيه برجولا

يحكيلي من غير حروف

أحلي كلام حدوتة,,,


ايون هو بعينه ..تعرفيه طب شوفتيه:))
ياسلااام على راى دكتوره ستيته ديناصور:))..

حلوه بجد بس انا قمرى من غير شنبات لو سمحتى بلاها شنبات مش بحبها:))

ساره يقول...

وانا طول الوقت لما حد يقول لي يا قمر اكون مبسوطه .. ما كنت اعرف انهم يقصدوا اني زي الرجل :(::::::

اشكرك انك فتحتي عيوني :)

ميمي ... تجنن والله العظيم احلى كلام من احلى بنت :)

سمسم/سما يقول...

السلام عليكم
ميمـــــــــــــــــي
اول زيارة
واول تعليق
عادي يعني معلش
المهم
نيجي للبوست
تحفة حكاية القمر راجل
بقرا فالبوست
وبقول هي تقصد ايه
لما جيت للاخر لقيتها حلو اوي
بجد كتابة هايلة
تحياتي يا قمر

جارة القمر يقول...

جميلة الكلمات ياقمرنا

يابخت القمر اللي بشنبات

تسلم ايدك ياحلوة تصدقي عايزة اخلع وماجاوبش على التاج

ههههههههههههههههههههه

شكلي تورطت

انت وحشتيني

جارة القمر يقول...

صباحك سكر

المعلم محمد صاحب المطعم - طعمية سخنة يقول...

ميمي ميمي ميمي ميمي ميمي ميمي ميمي
ازيك ؟ اخبارك ايه
طبعا القمر مش بنوتة
عندك انا مثلا قمر ( وش مكسوف $: ) :D:D:D

هههههه بس ده طبعا لا ينطبق علي بنات رومانيا هههههههههههههه و تركيا برضه فيها حاجات حلوة هههههه

جامدة اوي القصيدة يا ميمايا
يا فارساهم بكلامك اللي بيقولوا مفيش رجالة
ههههههههه

تسلم ايديكي يا ميمي و متنسنيش برضه في موضوع تركيا ههههههههه بس رومانيا از ذا بيست ههههههههه

تحياتي

لولا وزهراء يقول...

ايه الجمال ده كله هو صحيح مين اللى قال ان البنوته قمر
احنا لاقينا كل الناس بتقول كده علشان كده قولنا زيهم
تسلم الايادى اسلوب اكتر من رائع
على طوووول متألقه يا ميمى يا قمر
والله انتى اللى قمر بجد

thunder يقول...

ااااااااااااااااااحتل الالالالالالالالالالالالالالالالالاول
وبعدين ارررروح اقرررررررررررررررررررراء

اسماء واحلام فى وجدانى يقول...

مين اللى قال يا بشر
ان ميمى دى بنوتة
دى حتة سكر فى قلوبنا محطوطة
حتة سكر بس ايه حدوتة
حتة سكر تدخل حياتك
ترجع حياتك تانى مظبوطة
ميمى حبيبها بسكوتة
طب هى ايه
غير اناناس وفراورلة
على اغصان الورد محطوطة
حتة سكر
لكل كئيب وجبة مشروطة
مين اللى قال يا بشر
ان ميمى دى بنوتة
دى اجمل نجمة تبان
من بعيد صغنتوتة
تقرب منها
تشوف الدنيا حاجة تانية
تشوف الامانى فيها مخطوطة

thunder يقول...

والتااااااااااااانى قبل النت ما يفصل

thunder يقول...

بما ان احمد جه نغص عليا عيشتى عاااااااااااا مش هكمل احتلال
واشوف البوست افضل نياهاااااااااااا

thunder يقول...

جميلة اوى اوى يا ميمى التبوك دا
والتشبية اللى فيه تحياتى
اختى العزيزة دمتِ يارب بكل حب و ود وفى رعاية وحفظ الله دائما يارب

مصطفى أبوزيد يقول...

رائع يا ميمي

تسلم ايدك دايما

Tamer Nabil يقول...

كلام جميل ومنسق

بس اللى قال القمر بنوتة اكيد شاعر وفنان بس اشمعنا قال انة بنت اكيد لية اسبابة ممكن عشان البنت الواحد فينا لما يحبها بتطلع عينة على ما تكون لية ومن بعد بعد قرب زى القمر ابيض وحلو وبعيد

تحياتى

أحمد عاطف يقول...

ربما تتوه الحروف

ولكنها تجتمع دوما لتقديرك

ولكي تشيد بما تكتبين

تحياتي

شباك موارب/منار يقول...

ياسيدي ياسيدي
على احلى وارق كلام

بجد كلام جميل كلام معقول مااقدرشي اقول حاجه عنه


بوست خفيف وظريييييييف

blue-wave يقول...

ياااااااااااااة
والله كلام روعه
عجبانى الفكرة اوىىىىىىىىىىىى

HAPPY يقول...

ميمايه
فكره حلوه اوى ..بس معنى كده ان ذى ما القمر راجل بشنبات اكيد هو برضه بنوته..

Heba Faruq يقول...

يا جمال تدويناتك يا ميمي
كلمات جميلة دائما واحساس متميز

دمتي في كل خير

عبد من عباد الله يقول...

صحيح مين ده اللي قال ؟؟؟

اشوفه بس .

ليكي وجهة نظرك و لمكتك في الشعر بتساعدك في اثباتها و اقناع الاخرين بيها ، لكن برغم جمال الشعر ده و حلاوته إلا ان القمر يفضل للبنات يمكن لانه منور ؟ او لانه صعب اننا نحس فيه بشئ من القوه و الصرامه ؟ يمكن لان طلته ديماً خفيفه ؟!!

على عكس صفات الرجل لابد ان يكون كالشمس الساطعه في بعض الاوقات ، و اللهب الحارق في اوقات اخرى ، ربما يتشابه مع القمر انه في اوقات يكون كالصخر كما ان القمر في حقيقته مجرد صخور .

و لكن برغم ده كله ، إلا انك بارعه في شرح رأيك من خلال الشعر ، و برده معاكي في إن " مين اللي قال يا بشر ان القمر .... بنوته "

اللى موش عارف يتغير يقول...

والله ات اللى زى القمر
ايه الجمال ده ؟
..

إبتسامة ملاك يقول...

وحشتينى ياقمرى اوووووووووووووووووى

عارفه انى مقصرة معاكى

جامد
دعواتك يا قلبى
مووووووووووووووووواة

إبتسامة ملاك يقول...

سبحــــــــــــان الله قالو على الجمال قمر رغم ان القمر جسم معتم يستمد نوره من الشمس حــــــــــلو اوى
يبقى البنوته الشمس والقمر زى ماشبهتيه انتى حبيبها يستمد نوره منها

صراحة حلو اختيارك وتشبيهك جديد
وبعدين هقولك انتى بنوته وقمر ولا يهم دامت رقتك وقلمك احلى بنوته

صوت من مصر يقول...

مصير الرجال المنفوخين فى السترة والبنطلون
الكلمه دى تقولك ان القمر بجد بنوته

جارة القمر يقول...

انا بقولك القمر بنوتة

والرجل برضو القمر بتاع البنوتة اللي هي القمر الأصلي

هع



مستنية جديدك

z!zOoOo يقول...

جميله

لكن القمر بنوته

والراجل بيرسم عليه ليها الحدوته

تحياتي

سلمى يقول...

حلوه اوى ورقيقه اوى يا ميمى
وشكلك انتى اللى بسكوته

وصلك النسكافيه بللبن ولا لاء

كيكى عوووووو يقول...

الله
دة وصف جديد اوى للقمر اول مرة اشوفه
**حلو اوى الى مش متوقع دة

خواطر شابة يقول...

لكل منا قمره وفي حياة كل منا قمره الخاص وأحيانا أقماره الخاصة مش شرط مؤنث ولا مذكر المهم انه قمر
تحياتي لك

أحمد شريف يقول...

هل من جديد لديك ؟

sookra يقول...

مين قال يابشر
ان القمر موش ميمايا
انتى القمر ياميمايا
كلامك سهل اوى وحلو كمان حسيت فيه حلاوه جميله
زى الشيكولاته
وبعدين تعالى هنا انتى ياوحشه ليه موش حكيتى على اللى حصل فى الرحله زى فكره ماقالتلك
وحشه انتى
ههههههههههههه
مساكى شيكولاته

lostlove يقول...

كلام جميل
بوست رائع
اتمني التوفيق

م/ الحسيني لزومي يقول...

نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن 45 يوم

فكرة من الزمن ده يقول...

مين اللي قال ان ميمايتي تنزل بوست وانا معرفش كل ده

فكرة من الزمن ده يقول...

ميمايتي الجميلة
جوهرة اصلية
موجة بحرية
تهفهف بحنية
قلبي بيزأطط
لما تخبط تخبط
وتسال عليا

فكرة من الزمن ده يقول...

كل الناس حبوكي
وجوة قلوبهم رسموكي
وفرحوا لامة شافوكي
عشان بالظبط لاقوكي
زي ما تخيلوكي

الطائر الجريح يقول...

مين قال ان القمر راجل طبعا القمر بنوته بس دة بعد ازنك انا شايفة في القمر هدوء الفتاة وجمال الفتاة لم ارفيه خشونه الرجل قط

الفراغ يقول...

اسفه يا ميمى على تاخير الرد
ولو انى فعلا قرأت الموضوع من اول نزوله
ولكنى كنت مشغوله جدا وفضل فى دماغى انى ارد
وبجد كلامك روعه
وربنا يخليلك هذا القمر الذى لايعلم عنه احد
فكل انسان له قمره المنير فى حياته
برجوله او حنيه او طيبه مستخبيه

هنيئا لك قمرك يا قمر

amirelhob يقول...

القمر حالجه من الاتنين يا انا ياما اى ولد انما بنوته اى بس دا ظلم بجد وبعدين القمر دا يتقال على ولد مش يتقال على بنت عشان الولد معروف طول عمره انوا اجمل (:
بعد الهزار بقى نقول الحقيقه البوست تحفه وبجد كلامك جميل اوى وفكره مختلفه والله وجديده واكيد الولد بس هو اللى قمر مش البنت x(:
ومن قلبى بتمنلك كل خير وسعاده و صحه وتوفيق وفرح وابتسامه تدوم يا رب طو لالعمر

saragebaly يقول...

جمييييلة اوي

وفكرتها جديدة وجميلة

تحياتي لقلبك

دمتـِ في حب

سارة

إبتسامة ملاك يقول...

أزيكم أزيكم

ياللى أنا جايا أعلق عندكم


هع هع هع

^_^

^_^

^_^

وحشتينى أووووووووووى

سجود يقول...

السلام عليكم
كل سنه وانتي طيبه
قوليلي بقي انتي حاجزه في مدونه الهامي ل 3 ساره
انا منهم ولا لا

اسماء واحلام فى وجدانى يقول...

عابرة سبيل سايبلك تعليق عندى ممكن تيجىء تستلميه وتعرفى فحواه

سجود يقول...

بصي ياميمي يا حبي
انتي تناديني بأي اسم انتي عايزاها
انتي بلا قيوووود
ههههههههههههه
تحياتي

سمكه واحده يقول...

ده بقي ده القمر رااااااادل وسيد الرداله كمان

ال بنوته ال
بس القمر ده قمرررررررر

كتاباتك ليها مذاق خاص

تسلم ايدك يا جميل
وانتي طيبه ياقمر

soly88 يقول...

أيه يا ميمى الكلام الحلو ...الجميل .... الطعم ده
أوعى تقولى انه من بنات افكارك

اقصوصه يقول...

حلوه وايد :)

فراشة يقول...

جميلة يا ميمى جدا
تحفه والله
تصدقى صح ممكن يكون القمر راجل مش شرط يبقى بنوته
كل واحد زى ماقلبه وعينه بتشوف
جميلة بجد
دومتى مبدعة

شاي الضحى يقول...

موضوع جميل :)


شكرا :>

الجواز و سنينه يقول...

طيب عادل احتل المدونه و خلى اى حد هايرد يببقى فى التسعينات
بس بجد و مناعماق قلبى
هايله
تسلم اديكى
علشان انا اولا بحب القمر
و ليه معاه عشق قديم

بس عمرى ما فكرت فيه كده
علشان كده عجبتنى اوى
و من هنا و رايح هافكر فيه على انه مش بنوته
تحياتى