عيد أضحي سعيد ..

من غير الزهايمر

عيد سعيد ، يارب أجازة سعيدة

نتقابل بعد العيد

هنا طبعا علي صفحات المدونة

سامحوني لقلة تعليقاتي

وعدم الرد عندكم

بس اعذروني

مشغولة جدا

كل سنة وأنتم كلكم طيبين يارب

.

.

خيرها في غيرها

دموعكم غالية ، المهم ترجعوا مصر بالسلامة

.

يارب .. مصر تتأهل للمونديال

يــــــــــــــــــــــارب

.

ببلاش و خللي الغلابة تاكل

للي عايز يضحي

***

بمناسبة عيد الأضحي المبارك

يعلن المعلم حسن شحاتة

عن توفير

11

خروف جزائري

مدبوح

( بدون لية )

باستاد القاهرة

علي أن يكون

النفخ والسلخ

بساحة إستاد أم درمان بالسودان

وخللي الغلابة تاكل

.

.

حريق القاهرة 2009

ميمي أبو العافية ... ستاد القاهرة ..

حصريا

مدينة نصر

.

مبروك لمصر

.

حب الرسول باتباع سنته

المدونة في استراحة

والتعليقات معطلة ...

يمكنك أن تقرأ هنا

.

.

.

يا حبيب حياتي يا عسلية

يا حبيب حياتي يا عسلية

عايشة في هواك عيشة هنية

لابدة ..في قلبك ليل ونهار

عجباني ريحة الحنية

يا حبيب حياتي يا عسلية

عايشة معاك أجمل عيشة

مش بالريموت ولا بالفيشة

مشاكلنا وبكل بساطة

وزناها كده .. خُف الريشة

يا حبيب حياتي يا عسلية

إنت الغرام 100 الـ 100

لو يسألوا ..عن علاقتنا

هقول حياتنا .. مثالية

يا حبيب حياتي يا عسلية

ده أنا نفسي أحكي وأغنيلك

لو كنت فين .. لازم أجيلك

ده انت حبيب روحي وعقلي

علّمت حبي الأنانية

يا حبيب حياتي يا عسلية

شايلاك أنا جوة عنية

لو تقسي يوم إنت عليا

أنا .. هردهولك حنية

ما أنا في الأساس .. مش عنادية

يا حبيب حياتي يا عسلية

يابو العيون العسلية
.

الصورة دي صورة حرنكش خطيبي ...

هيشاركني بطولة موضوعاتي اللي الجاية

.

.

.

قلبي البرئ ... أنا هكسره

قلبي البرئ أنا هكسره

وهحطمه وهدمره

مادام .. مش فارق معاك

تصونه أو .... تستحقره

قلبي البرئ .. أنا هكسره

غلط وآل !!.. حب بضمير

واستغني عن أحلام كتير

وحبه ليك ... ذنبه الكبير

دلوقتي راح يستغفره

قلبي البرئ .. أنا هكسره

ضحيت أنا وصبرت ليه؟

عمري معاك بندم عليه

فستان فرح .. كانلي كفن

بإديك بديت .. بتفصلّه

قلبي البرئ .. أنا هكسره

أنا واحدة راعت قلبها

واستثمرت فيه حبها

كان حبها دا ابنها

دلوقتي مات ...

وعزاه .....أهه بتحضّره

قلبي البرئ .. أنا هكسره

جوايا ساكن كرهي ليه

واتمني لو إنه ..... يموت
أو يتخنق جوة التابوت

أو يتحضن برصاصة من غير أي صوت

حتي الصدي ما يعبرّه

قلبي البرئ .. أنا هكسره

عملت إيه بقلبك غلط ؟

عرفته إيه معني السعادة..و الهنا ؟

بنيتله قصر من المُني!!

ولملمت فيه أملي الوحيد اللي إنفرط؟

وياريت عرفت تقدرّه

قلبي البرئ أنا هكسره

.

.

إلي واحد نحنوح ....

أنا خايفة تكون القصة بجد

وف قلبك غيري وساكن حد

دا أنا مرعوبة ...

وخايفة بجد

" أيوة بحبِــِِِِِِِِِِِِِِِك"

ياما قضّيت أيام وليالي

بحلم بيها

كإنك جايلي وبتقولهالي ..

ومستنيها

إسمع قلبي ..

نبضه بينطق ..ردي عليها

أنا خايفة تكون القصة بجد

وف قلبك غيري وساكن حد

دا انا مرعوبة ....

وخايفة بجد

ياااه لو تعرف إحساسي بيك

وللاّ تقدر خوفي عليك

كنت تشيلني في حضن عنيك

وجوة كيانك أكبر أد

ما أنا مرعوبة ... وخايفة بجد

هستناك بإشارة تعبر

وللاّ بكلمة يا دوب ... مش أكتر

أنا مش محتاجة لوقت أفكر

فحبك عدّي..و فاق الحد

ما أنا خايفة تكون القصة بجد

وف قلبك غيري وساكن حد

أنا مرعوبة ...

وخايفة بجد

تعرف حاجة !!

نفسي أقوللك إيه في القلب

غيرتي عليك يا حبيبي دي حب

وذنبي في عشقك ... أطهر ذنب

عشق بيبني ومش بيهد

أنا خايفة تكون القصة بجد

وف قلبك غيري وساكن حد

أنا مرعوبة ...

وخايفة بجد

نفسي ياروحي أعرف مالك؟

ما تقوللي .. إيه اللي جرالك

إإيه يا حياتي شاغللك بالك

أنا حيرتي يوم ورا يوم .. تتمد

انا خايفة تكون القصة بجد

وف قلبك غيري وساكن حد

أنا مرعوبة ...

وخايفة بجد

خايفة تغيب فجأة وتنساني

ويسكن حبك عالم تاني

ويصبح قلبي المجني عليه

ومش حاسس إن أنت الجاني

أنا مرعوبة ... وخايفة بجد

أنا خايفة أقابلك ,, تحكيلي

عن غيري وتشغل تفكيري

تقوللي " حبيبتي" .. وتزيد حيرتي..

ويشتاق لغموضك تفكيري

أناخايفة تكون القصة بجد

وفي قلبك غيري وساكن حد

انا مرعوبة ...

وخايفة بجد

*

*

*

في تسعة سنة تمانيين

كان صيف وسنة تمانين

ماما كان هيجيلها جنين

تعبت والدكتور جالها

قاللها هتجيبي اتنين

في تسعة سنة تمانين

******

في تسعة سنة تمانين

شرّف للدنيا أتنين

ميمي وأحمد توأمها

بقوا أجمل توأمين

في تسعة سنة تمانين

******

بابا جاله الولد أخيرا

عيلتي سعادتها أتضاعفت

فرحتها بقت فرحين

في تسعة سنة تمانين

******

في تسعة سنة تمانين

شبرا نورت النور

والبيت بقي ريحته بخور

وسعادة وهنا وسرور

وحسود مخبوط في العين

في تسعة سنة تمانين

******

لو بابا شايله أحمد

طب ميمي هتروح فين؟

أكيد ماما هتشيلها

وهتجيب الراحة منين؟؟؟

مش إحنا بس ولادها

دا أكبر مننا أختين

مواليد سبعة وسبعين

وإحنا مواليد تمانين

أو تسعة سنة تمانين

******

الناس في بيوتها ميزان

وإحنا عندنا ميزانين ..

وهدية واحدة لاتكفي

يلزمنا .. هديتين

ما إحنا مواليد يوم واحد

في تسعة سنة تمانين

******

من تسعة سنة تمانين

جريت أيامنا بينا

سابت شقاوتنا فينا

لسة عايشين طفولتنا

أجمل لعبنا في الطين

ما أحنا مواليد تمانين

******

قلوبنا دي بيضا زيادة

أتعس لحظاتنا .. سعادة

وعاملين لزعلنا كمين

ما إحنا مواليد يوم واحد

سبتمبر عام تمانين

إيه رأيكم ؟..

.

الأحتفال بيوم ميلادي عند محمد صاحب المطعم.

وفي مدونة إيد واحدة

كل يوم وانتوا مسبتمبرين

.

.