الثلاثاء، 26 مايو 2009

فارس أحلامي .... + تحديث




فارس أحلامي هُمام


كِرشه .. لمترين قدام


يتغدي لحوم وفراخ


والعشا يتعشي حمام





فارس احلامي هُمام





فارس احلامي بطئ


وكلامه رغي خنيئ


وأول ما يحس بضيق


بيشد لحاف وينام





فارس احلامي هُمام





فارس أحلامي بخيل


ومع أنه عريض وطويل


بيصرف قرشه بعويل


ويلبس لبس الاقزام





فارس احلامي هُمام





فارس احلامي حويط


وبيمشي في جنب الحيط


دا في مره قابله عبيط ...


راح ساءله ساعتك كام؟





فارس أحلامي هُمام





فارس احلامي لغات


لهجته لهجة بشوات


عضلات جسمه .. مصدات


علشان يعجب ستات ..


يترمّوا عليه .. وأوام





فارس احلامي هُمام





فارس احلامي دا ديب ..


بيطفش أي غريب ،،


عدو كان أو حتي حبيب


ويحط في بقه لِجام





فارس احلامي هُمام





فارس احلامي عنيد


سلاماته مش بالإيد

وفي كفه خُف حديد

حركاته بالتـاكيد


محتاجة بنط لحام





فارس أحلامي هُمام





فارس احلامي رومانسي


بيحب أصالة ونانسي


أجمل افلامه .. المنسي


طموحاته كلها .. أحلام





فارس احلامي هُمام





فارس احلامي طبيعي

زي الأُس التربيعي

في شتاه .. انا بلقي ربيعي

وياه العيشة تجــــنن


ومعاه الدنيا سلاااااااام



عااااااااااااااااااااااااااا





فارس احلامي هُمام


.
التحديث
ــــــــــــــــــــــــــ
http://advsarab.blogspot.com/2009/05/blog-post_30.html?showComment=1243640467064#c1185598463335206973

.

شكراااااااااااااا
.


هناك 197 تعليقًا:

mimi يقول...

اول تعليق محجزز للرعد الزئبقي زعيم الأشرار

أي خدمة يا زعيم

عبد من عباد الله يقول...

يا سلام على الواقعيه .... ايوة يا بنتي انا كده اتأكدت انك اتعلمتي درس القناعه ههههههههههه اينعم مش اوي كده بس كويس يعني اهو نوع برده من التأهيل النفسي ...

بس صحيح بالمواصفات دي !! جيبقى فــارس ازاي ؟! ده ممكن الحصان يموت تحته ، يلا مش مهم عادي نعتبره فارس متقاعد و لا يهمك ليها حل برده .

شديده اوي يا ميمي القصيده ، انتي اللي كتباها ؟!

وحي القلم يقول...

السلام عليكم
دا فارس أحلامك ، دا شكله يخض
عموما اللحمة موجودة بس ابعتي الطبق عشان تاخدي نصيبك

thunder يقول...

هههههههههههههههههههه البوست تحفة وربنا اوووووووووى واللى بقا زاد جمله اكتر الصورة الرجل دا فعلا امير احلام وشوفى البراءة اللى بتشع من عنيه يااااااااااااه الله يرحم يا منقرع
وههههههههه والكلام دا بالذات هو اللى عاجبنى اوى
فارس احلامي طبيعي

زي الأُس التربيعي

في شتاه .. انا بلقي ربيعي

وياه العيشة تجــــنن


ومعاه الدنيا سلاااااااام



عااااااااااااااااااااااااااا

ههههههههههههههههه اهل منطق على البشرية واسلوب الحياة المصرى دمتِ مبدعة على طووووووووووووووووووووول
وبجد وربنا روعة البوست ولذيذ جدا جدااااااااا

thunder يقول...

لا والله الرجل دا عاجبنى اوى اووووى دمت بجد يا زعيمة الروح ودا قلمك

mimi يقول...

عبد من عباد الله مدحت
=========================
انا اتعلمت منك ان السعادة في الرضا
والراجل ده قمة الرضا

اعتقد اني ضامنة الجنة بكده

ايوة يا مدحت انت ليه مش واثق في قدراتي الرومانسانية؟

المعتصم يقول...

بجد بجد الواد يهبل
(الصورة مالهاش حل)
ايه المواصفات الرهيبه دى
لالالالالالالا
انتِ كده طماعه على فكرة
بس على فكرة
انا متهيألى بما انك طموحه قوووى كده
ممكن تتخطبى على الساعه 7 بالليل
يادوب على مايقرا البوست وينزل ياخد الاتوبيس (لازم يوفر اجرة التاكسى)وييجى على طول عشان يخاف احسن حد غيره يخطفك منه
ههههههههههههههههههههههههه
بس بجد
بوست فظييييييييييييييييع
ســــــــــــــلام

mimi يقول...

مصعب صلاح
=============
كده بتتريق علي فارس أحلامي؟
حرام عليك ده قطة خالص ...

الطبق جايلك ... في الطريق... وبالمرة اعمل حساب فارس أحلامي ده متهيألي هيخلص اللحمة اللي في البلد كلهااا

مبروك جني القطة الصغيرة العسولة يا خالو

موناليزا يقول...

متوفر منه كتير فى الاسواق ماتقلقيش:)

عبد من عباد الله يقول...

لا عادي بس كنت عايز اتأكد الرومانسيه دي يا ترى نابعه من جواكي و لا بس عجبتك فأستعرتيها ... لكن مدام هى نابعه من جواكي يبقى يبقى بالهنا و الشفا ... قصدي بالخير و السعاده ان شاء الله ، و اخيراً لقيت معاني اخرى للرومانسيه ..... انا قولت موضوع الاهلي ده اكيد حيأثر في العقل الباطن لا حول و لا قوة إلا بالله .

و بعدين ما هو انتي يا تقولي مدحت يا تقولي عبد من عباد الله .... لكن "عبد من عباد الله مدحت" ده بقى واحد تالت انتي تعرفيه .

mimi يقول...

الرعد الزئبقي
===================
كنت عارفة انه هيعجبك ... انا حجزتلك اول تعليق ....

معلش سؤال... انت شايف البراءة ازاي من الزعافة اللي فوق دي ...

ظعافة .... مش زعافة


ربنا يخليك لينا يا زعيم الشررررر

mimi يقول...

الرعد الزئبقي
=================
الراجل ده عجبك ... خده أعمل عليه ملوخية ...

وبالشفا يا جميل

mimi يقول...

المعتصم
============

علي من تتوافر به هذه المواصفات ... يروح يكلم بابا علي طول

اصلي قنوعة وعندي حالة رضا ....

هوا ده الطوح الأصلي ..

نورت ربنا يكرمك

arsenalwy يقول...

ههههههههههه

حلوة ياميمى

بس انتى متاكده ان ده فارس احلامك

مبروك للأهلى العميد والزعيم

ستيتة يقول...

كنت فاكرة ان الصورة اخطر ما في الموضوع
اتاري الموضوع اخطر كتير

دي صفات سهلة خالص
خالص مالص
مالص بالص

يانجاتي انفخ البلالين

mimi يقول...

موناليزا
=============
معقولة .... متوافر بالأسواق ؟

طيب ابعتيه فورا ......

تحياتي يا سكر ....

نورتيني

Unknown يقول...

يا بختك بيه يا بنتي
بس خلاص معدش من النوع ده
هدعيلك تلاقيه :P:P:P:P

كلامك اخر مسخرة و قولت مليون مرة بلاش عا

mimi يقول...

عبد من عباد الله مدحت
=========================
بكتب اسمك التساعي فيها ايه يعني؟؟؟ الله بقي ..
ماتواتواروناش يا جماعة

وبعدين الراجل فارس أحلامي ده موناليزا بتقول عليه متوفر بالاسواق ...

يعني شافته قبل كده

موجود بالفعل... كائن عايش ويتعايش ..

ده نوع من الرومانصية الحلزونية اللولبية المكوكية الفضائية الذاتية التعبير....

فهمت حاجة؟ ولا انا

mimi يقول...

ارسينالوي
==============

الاهلي حديد

وفارس أحلامي بكف حديد

ايوة ومش هتنازل عنه ابدا مهما يكون

مش هتنازل عنه ابدا مهما يكون

mimi يقول...

ستيته حسب الله الحمش
=======================...

ده فارس أحلامي .. حبيب قلبي وحبيب ايامي ... الله يمسيكي بالخير يا شادية ...

يا نجاتي استني متنفخش البلالين ... لما عريسي ييجي ....

mimi يقول...

المعلم محمد صاحب المطعم طعمية سخنة
================================

بص يا معلم ... انا والعياز بالله من كلمة أنا دورت في ارشيف مدونتك كلها عن عاااااااا واحدة ومالقيت

انا بقي مدونتي مليانة 500 عااااااا

يعني بتاعتي وفيه شهود عيانين شاهدين بكده من غير ما يشوفوا حاجة

وبعدين فيه ناس شافوه ...
يعني متداول في الاسواق

عااااااااا

Nostor Azzuro يقول...

ايه ده انتى عايزة كل الحاجات دى فى فارس احلامك
يخرب بيت طمع الستات

وعايزاه اس 2 !!!!!!!!!!!!

ربنا ينولهولك

قولى ( امين )

Unknown يقول...

هههههههههههههههههه
جميل اووووى
لو انتى اللى كاتباه الكلام ده
يبقى بجد ميمايا موهوباية
بجد
ما شاء الله عليكى

بس بقول ايه خللى فارس احلامك يبقى يحط كالونيا
و يحلق ذقنه
شكله يقطع البيت من الخميرة
---
ممكن طلب صغير
ممكن تكتبى بقى فارسة احلامى
يعنى النص التانى
عشان اتخيل انا فارسة احلامى
مش من الفروسية طبعاً
قصدى من الفرسة
هههههههههههههههههه
ههههههههههههههههههه

جميل اوووى الشعر ده

Unknown يقول...

تعليق ثانى
و ثالث
و رابع
و خامس
و سادس
و سابع
و ثامن
و تاسع
و عاشر

Unknown يقول...

و 11
و 12
و 13
و 14
و 15
و 16

Unknown يقول...

و 17
و 18
:-)

تعليقاتى
تقبلى احتلالى
ههههههههههههههههههههههههههه
:-)

بس كفاية بقى يا واد يا بدراوى
لحسن فارس الأحلام
يجى يضربك بكف ايده
يقسمك نصين
هههههههههههههههههههههههههههه

Unknown يقول...

من ناحية الكلام فهو فظيع بحق ربنا وضحكني وفرفشني ونعشني
لكن الصورة كانت هتخليني أقفل فورا بس كويس اني قرات البوست
خالص تحياتي

Abo 7anf يقول...

السلام عليكم
مواصصفات رهيبه
لا بجد ربنا يوفقك
دى اول زياره ليا
وان شاء الله تتكرر

mimi يقول...

Nostor Azzuro
=====================

كل ده وطمع ستات ؟

ده أنا كده هحميكم من شره ..

دي الناس خايفة تدخل من الباب علشان الزعانف اللي فوق حواجبه .. وانا رضيت به وقلت كده رضا يارب ...

ربنا ينولني ... ان شاء الله

منور

mimi يقول...

بدراوى
=========

احتلاااااااااااااااال

مش خايف من الراجل ده يعمللك حاجة؟

فيك انت منه ايه علشان تتحداه ؟؟

اسماء واحلام فى وجدانى يقول...

طيب نقول 30 وامرنا لله

mimi يقول...

بدراوى
=============

خد راحتك البيت بيتك بس اوعي تصحي الأشكيف النايم ده

أحسن ممكن ياكلني
عااااااااااااااااااااا

اسماء واحلام فى وجدانى يقول...

وكمان 31

ونروح نقرا بقى وكفاية دلع

mimi يقول...

بدراوى
==========
والله العظيم من تأليفي

مش مصدقين ليه اني واحدة رومانصية؟

علي العموم البوست لجاي لفارسة احلام الرجال

وسلملي علي هيفاء

mimi يقول...

كاتب مصري
================
ابراهيم ... المدونة أمان متخفش ...

اقرا براحتك ... أليف الراجل ده

mimi يقول...

Abo 7anf
============

يارب مش أخر زيارة ونورتني

وان شاء الله يدوم التواصل

mimi يقول...

أسماء وأحلام في وجداني
=======================
المهم رأيك ايه ... ميمايا موهوبايا ولا يع؟

مش المهم تعليقك رقم كام

انت قلت كده

وبعدين 31 مش بعيد أوي ... يا دوب لحد محطة مصر

اسماء واحلام فى وجدانى يقول...

فارس مين والناس نايمين

شعره واقف وكرشه سمين

وعينه تايهة شمال ويمين

اقدر اقولك يا نور العين

حلمك ده محتاج لسنين

يستوى فيهم ع الجانبين

ويخرج طازة بعد اجازة

ربنا يستر على السامعين

كيكى عوووووو يقول...

لا لا لا
طب خدى بالك منه بقى عشان فى ناس كتير حطت عينهم عليه وانا اولهم
عووووووووو

(حلـم) يقول...

كيفك ميمي..بصراحة حسيت حالي عايش في الستينات البساطة الظاهرة نفتقدها في هذا الزمن كما هي تعبير صادق عن الاصالة وخفة الدم كما انتي ياست الكل..حلم..

فكرة من الزمن ده يقول...

ههههههههههههههههههههههههههههههه
ميمايتي
شحكتيني
عجبني مووووووووووت
فارس احلامك ممكن تسلفيه ليا يومين اتفسح بيه وارجعه؟ ولا تخافي هارجع بكرشة بسلطاته ببابا غتوجه


وحشتييني

فكرة من الزمن ده يقول...

امتى اتنشر ده والناس كلها تعرف وتشوف فارس احلام ميمايتي وانا لسة

فكرة من الزمن ده يقول...

اجمل حاجة عجبتني

في شتاه .. انا بلقي ربيعي

قمممممة النص نقل قصدي قمة التناغم والتوافق والتكامل والتفاضل
في كده مش ممكن

فكرة من الزمن ده يقول...

اسمحيلي يا ميمايتي ارد على احمد


اسماء واحلام فى وجدانى
ردك حلو بجد ينفع يكون بوست لوحده




فارس مين والناس نايمين

شعره واقف وكرشه سمين

وعينه تايهة شمال ويمين

اقدر اقولك يا نور العين

حلمك ده محتاج لسنين

يستوى فيهم ع الجانبين

ويخرج طازة بعد اجازة

ربنا يستر على السامعين



احتلال بقى انت تكتب بوست عند ميمايا
وانا ارد عليك احتلا ل اوي

فكرة من الزمن ده يقول...

ميمايتي انتي فين

Ahmed يقول...

لو ده فارس الاحلام
اطمني مش هتلاقي اكتر منه في كل مكان
ههههههههه

بوست دمه خفيف جدا

هندسة وصفية يقول...

قابل يا عم
ادي شبرا
هي دي البنات مش واحدة تقولي احمد عز
شبرااااااااااااا و بنات شبراا
انا البوست الجاي عايز اول تعليق

MaNoOoSh يقول...

البوست دة نزل من ورايا امتى
عااااااااااااااااااا


ميمايا.. لا الفارس بجد الرومانصية بتشع من حبابي عنيه التنتين.
وان كان على المواصفات دي الحمد لله الصين مغرقالنا السوق في مصر من الصنف دة

بس صدقيني ومالك عليا حلفان يا اوختشي لو كان فارس الاحلام بالمواصفات وللا الرومانصية دى.. فانا كرهت اسم فارس ومش عايزة احلم تاني اساسا

عااااااااااااااااااااااااا

MaNoOoSh يقول...

عموما ابقي خللي بالك وانتى نايمة لحسن يجوع مرة ويعملك شنجوتش وللا حاجة

ربنا يكون في عونك يا اوختشي

osama44 اسامه 44 يقول...

كلام جميل وانسيابى بس شعرك فيه شبه من شعر واحد شاعر للاسف مش عارف اسمه على العموم شعرك جميل ومستنين منك فارسة الاحلام وربنا يستر
انا متباعك من زمان بس دى اول مره ادخل بالبلوجر بتاعى
واتمنى لو تشرفنى فى مدونتى ( ثورة قلم) من كشكول 100 ورقه

غروب يقول...

ههههه

مواصفات ايه

تمام وربنا يرزقك بالهمام

بجد موتينى من الضحك

♥نبع الغرام♥♪≈ يقول...

حبيبة قلبى


يالهوى نزلتى موضوع جديد امته

والله ما شفته متزعليش منى المفروض اكون اول الناس


اسفه والله

اصلى كنت زعلانه بغياب جارة القمر

والحمد لله رجعت تانى

وبظروفها كنت دخله اطمنك
لقيتك منزله بوست جديد

اسفه


اسفه

♥نبع الغرام♥♪≈ يقول...

بس تعرفى


بجد فارس احلامك ده لو حقيقه
يبقا تحفه


هههههههههههه


شوفى ليا واحد معاكى ضرورى بنفس المواصفات

ههههههه

تحياتى ليكى ياعمرى

بحبك قووى


التهييس شغال اليومين دول

والاهلى عمهم وحابس دمهم
هيييييييييييييييييييه


واللى مش عاجبه يغور فى داهيه
هههههههههههههههههههههههههههه

سلام ياقمرايا

انوسه

جارة القمر يقول...

البوست جميل جدا


ههههههههههههه

وبصراحة فارس احلام مية مية


خخخخخخخخخخخخخخ


يارب تدوم السعادة والضحكة الحلوة

وحشاني معلش اتأخرت كان جهازي عطلان ياقمراية



تحياتي

mimi يقول...

اسماء واحلام فى وجدانى
=========================

التعليق اللي انت كاتبه ده بوست جديد

انت بتتريأ علي اشكيفي فارس أحلامي؟

فارس أحلامي يعني اللي بيفرس أحلامي
هههههههههههه

والله منور يا زعيم

mimi يقول...

كيكى
=========
أنا شاخده بالي كويس .. لا ياخدوه ؟

عينهم عليه ؟ ... هوا فيه زيه ده؟

ده فارس احلامي وممكن يفرس أحلام أي حد

شبرا حديد

نورتي

mimi يقول...

فكرة من الزمن ده
====================
فكرتي الحبيبة ... انتي مبسوطة يبقي أنا مبسوطة يا قطتي .. الحمدلله ان البوست عجبك..

استلفيه يا قطة ... بس خلي بالك الرعد الزئبقي مستلف حواجبه هيعملها زعافة

mimi يقول...

فكرة من الزمن ده
====================

قكرتي ... انتي كمان وحشتيني .. البوست نشرته الساعة 6 وعينك ما تشوف إلا النور ... الراجل اشكيفو ده سره

ELMASRYA - MRS WRITER يقول...

ههههههههههههههههه

انتي طلعتي مشكلة كوميدية

الصورة والكلام أفظع من بعض

وبعدين ده مش فارس ده بالكتير شبشب

ولا ينفع ييجي في الأحلام ولا في الكوابيس

دمك خفيف خالص يا ميمايه

تقبلي مروري

mimi يقول...

فكرة من الزمن ده
===================
احتلي المدونة وصاحبة المدونة واشكيفو المدونة ... براحتك انا ليا مين غيرك

التعليق اللي أحمد كتبه بصراحه ينفع بوست جديد

والله فكرة الطش منه الكام بيت ده ... وأكمل أناااااا

mimi يقول...

أحمد ابو العلا
===============

معقولة متوفر؟؟؟

ومصري ولا صيني ولا تايواني؟

دمت بكل ود يا أحمد وشكرا شكرا ... نصيحتك أفادتني كتير

mimi يقول...

هندسة وصفية
===============
اهلا بيك أنت وضيوفك ... العم اللي جايبه يقابل

ان شاء الله البوست الجاي انت اول تعليق ... انا عارفة عاوز تاخد بتارك عااااااااا
... بس ده انت تعليقك هينور زي الكهارب في الفرح

احمد عز مين..... انا فارس احلامي اشكيفو

mimi يقول...

MaNoOoSh
============
كده برده؟ حد يكره الرومانصية والرومانصيين ؟ زعلتيني يا قطتي ....

شفتي عنيه الحولا ... جميلتين

شفتي الزعافة اللي في حواجبه تجنن

وتقوليلي كرهتي الرومانصية ... بنات أخر ظمن

mimi يقول...

MaNoOoSh
==============

مين ده اللي يعملني سنجوتش؟

اروح علي طول اشتكيه لمامته طنط حماتشي ... تزغده الزغده ميحطش منطق

اه ... شبرا وبنات شبرا

mimi يقول...

حلم
======

يعني رجعت بيك أكيد لعصور الرومنصية ... انا قصدي من البوست ده اننا نرضي بالمقسوم

دمت بود يا حلم وسيدوم التواصل بإذن الله

mimi يقول...

osama44
==========
نورت بأول مرة من حسابك في البلوجر...

الشعر الحلمنتيشي ده علي فكره مش هتلاقي زيه تاني

ان شاء الله هكتب بوست تاني عن فارسة الأحلام

هخلص رد علي التعليقات واخد تاكسي لكشكول 100 ورقة

نورت

تحياتي

mimi يقول...

غروب
=========

ايوة الله ينور عليكي ... تمام دي كانت غايبة عني فين؟

نورتي يا جميلة والله

تحياتي وسيدوم التواصل بإذن الله

mimi يقول...

عاشقة الأحزان
==================
المهم حبيبتي انك موجودة وسطنا ... والله انتي محلية التعليقات مش عندي بس ... لأ .. عند كل المدونين

يا عسولة انتي انا بحبك في الله

غير معرف يقول...

اخير لاقينا حد ينصفنا احنا الرجاله المصريين الوحشين اللى ممكن لو مهند التركى شافهم يجيلوا صرع

قريت كل بوستاتك المدونه تحفه ولذيذه وتسرق الوقت

عجبنى حاجات كتير وافكرك بشويه منهم

- ايوة حضرتك .. معاكي منديل
- ايوة معايا ... اطمني
- لأ مش قصدي ... ممكن تديني منديل ... أصلي حاسة إني هعيط
- أه أه طبعا .... اتفضلي ( ورحت أديتها منديل)
- طيب هوا حضرتك مش هتسأليني أنا حاسة إني هعيط ليه !!!!


وكل ما يفتح شنطته أتخيل أنه هيطلع مسدس رشاش ميه ويقوللي " ممكن أهزر شوية !!!"
وكل ما يطلع منديله من جيبه أتخيل انه هيرفعه لفوق ويقعد يغني " فوق غصنك يا لمونة .. "
ولا يطلع من ودانه أرنب مثلا ....
ومعاه حق لو عمل كده ما هي طالبة معاه هزار

[ أفتكرت نكته : واحد وقف تاكسي وقال للسواق لو سمحت توديني فين وتاخد كام؟ رد عليه السواق وقاللــه خليك مكانك وهات اللي تجيبه]...!! وعلي فكرة دي سياسة كتير أوي من سواقين التاكسي،،

روعه روعه روعه بوست أنا باعترض

mimi يقول...

عاشقة الأفراح
==================
أنوستي ...
التهييس يا حبيبتي طول عمره شغااااااااال يونيفرسال

فيه ناس شافو اشكيفو حبيبي في الصين وبعتوا يستوردولنا اتنين .. انا أشكيفو وأنتي أشكيفو بنفس السحنة وبنفس الزعافة اللي فوق ( علي رأي الرعد الزئبقي ثندر)


واكبر طظ في أي حاجة مش عاجبانا


تسلمي يا سكرتي

mimi يقول...

جارة القمر
=============

المهم الجهاز يتصلح ... ويكون قلمك معانا علي طول في التعليقات والبوستات ... رب اخت لم تلدها أمك..

ربنا يخليكي لينا يا قطتي ... وعلي طول معانا

mimi يقول...

ELMASRYA - MRS WRITER
===========================

حبيبتي ربنا يخليكي يارب ... الناس يا أختشي انشغلت بالصورة ونسيت البوست خالص ... انتي اللي اخدتي بالك ... شكلك ماقريتيش حاجات كتير انا كتبتها قبل كده

يا بنتي المدونة دي مسرحية كوميدية

دمتي بكل ود
وسيدوم التواصل بإذن الله

mimi يقول...

رحلة بحث
==========
أشكرك أشكرك أشكرك من كل قلبي ... انت فكرتني بكتاباتي اللي فاتت كلها..

وانا اتشغلت عنهم ... انا هرجع أقراهم تاني ... انت حسستني انهم ولادي وانا انشغلت عنهم ... اصلك فكرتني بيهم

mimi يقول...

رحلة بحث
==========

الراجل المصري مفيش زيه في العالم ... الرجل المصري أبويا وأخويا وعمي وخالي .. وزميلي ومدرسي ...

الرجل المصري مطحون بهمومه ... بس لما يروق وتحلي معاه .. تلاقيه حاجة تانية

احنا أخف دم علي مستوي الشعوب

مهند مين ده؟؟؟؟؟؟؟

ده شخصية مهزوزة ومدلل ومبيعرفش يعمل حاجة

رحلتنا في الحياة يقول...

يااخرت صبرك بفارس احلامك ده لا ياستى انا لو فارس احلامى هيكون بالشكل ده مش عايزة يفتح الله :)

yoyo يقول...

صباحك سكر

ههههههههههههههه
ههههههههههههههههههههههه
يا الله على فارس الاحلام
بس دا مش فارس الاحلام بقى دا فارس الكوابيس يا ماما
الصورة تحفة والله هههههههههه
هو انت عاوزة تعيشى فى بيت الرعب ولا ايه

يا ستى و الله لو فارس بالمواصفات دى خليه فى بيته احسن بقى
ههههههههه
هو ناقصة يارب

تسلم ايدك يا قمر
بس ربنا يوعدك بفارس الاحلام اللى يستحقك ويحقق كل احلامك يارب
تحياتى
يويو

بـسـمـــة صـــــلاح يقول...

لا لا صورة ولا احلى
واد مزه مزه يعني
هههههههههههههههههههههه
بوست لذيذ ودمه خفيف

عسوله والله

مسدس صغير يقول...

دا انتى عليكى حتة فارس
ههههههههههههه
انا عارف واحد بنفس المواصفات اللى انتى طالباها
قولى بقى مواصفاتك انتى فى البوست الجاى وانا اجيبهولك فريرة
هههههههههههههههه
حلوة اوى الكلمات
احييكى عليها

غير معرف يقول...

الله على فارس احلامك ياميمى
اثبتى ان البنات لاتحلم بالمستحيل
بس لما يجى ضرورى تخبرينا
ده انتى بابكم مش حيتقفل فالمواصفات
فى كثير من شباب اليومين دول
ربنا يبارك يارب
تحياتى

ندا يقول...

اية ده يا ميمى
هو اية اللى جرالك
ده شكل فارس احلام ده
بس فعلا المواصفات دى متلاقيهاش الا فى الاحلام
تقبلى مرورى وتحياتى

اسماء واحلام فى وجدانى يقول...

http://www.hwaity.com/vb/f43.html

VÖltaa يقول...

ياه
يابخته بيكي فارس الاحلام ده

ويابختك بيه

ده هيسعدك سعد

ولا سعد زغلول

ميرام يقول...

ههههههههههههه
بجد انتي تحفة
(:
بس ايه فارس الأحلام الفظيع ده
نلاقيهولك فين
(:
اطلبي طلبات معقولة (:
تحيـــــاتي

تأثير الفراشة يقول...

D:D:D:D:D:D :D :D :D :D :D :D :D: D :D :D :D :D :D :D :D :D :D :D :D :D :D :D :D :D :D :D :D D:

ده مش فارس أحلام،... ده فارس كوابيس
:)

بس بجد جميلة قوى يا ميمى، و أسلوبك فيها حلو جدا و سلس ما شاء الله عليكى، بجد موهوبة جدا

ربنا يكرمك دايما من كل خير، تحياتى ليكى يا جميلة

Soul.o0o.Whisper يقول...

ميمىىىىىىىىىىىىىىىىىىى

يا ميمىىىىىىىىىىى


هيا الدنيا ضلمة هنا ليه يا أخوانا


يا مــــ......... ـيــ ......
كح كحححححححح
اه .. اه
.. ــمـــ .... ــىىىىىىىىىىىىىىىىىىىى


طراااااااااااااااااااااخ

(( دا أنا لما طلعت روحى

هههههههههههههههههه

ايه يا بنتى اللى انتى عاملاه دااااااااااا

يا ربىىىىىىىىىىىىى

و ربنا مت من الضحك

بس عسسسسسسسسسسسسسسسسسسسل

تسلم إيدك





دمتى بكل ود

♥نبع الغرام♥♪≈ يقول...

السلام عليكم

هههههههههه


انا جايا ارخم عليك


شكلك كده بتقضى يومين عسل مع العريس المصون

يالهوووى يانى اصووووووووت


ربنا يستر

اسكتى يا اختشى مش جانى فى المنام

يالهوووى مااقوليكش يالهوووى


اسكتى

بعدين احكليك


سلالالالالالالالالالالالالالالام

blue-wave يقول...

هههههههههههههههههههههههههههههههه
دا فارس احلام ايه المنيل دا؟؟؟

mimi يقول...

أيوشة
=========
يا بنتي انتي مفهمتيش أنه فارس أحلامي ؟؟

يعني اللي بيفرس أحلامي ..

فهمتي ؟؟؟؟؟

وبعدين البنات بتترمي عليه إيه؟؟؟ اصله موضة ومستورد كمان

تحياتي
وربنا يوفقك يا قطتي

mimi يقول...

يويو
=======

أشكيفو حبيبي .. ده كفاءة

تسلميلي حبيبتي ويوفقنا صنف البنات كلنا في العثور علي فارس احلامنا

نورتي ... يارب يديم المحبة بيننا

mimi يقول...

بسمة صلاح
===========
يعني مش هتقوليلي تاخديه لفة ..؟ ماشي علي العموم هيشحوا في السوق كمان شوية ... انا بلغتك اهه وقلتلك
انتي اللي سكرة ... نورتيني

تحياتي

mimi يقول...

مسدس صغير
============
يا بو صلاح أنا هموت علي فارس بالمواصفات دي .. لافيهوني أوام ...
أي شرط ناقص هتعتبر البضاعة معيوبة وهنكهنها .. بس علشان تبقي علي نور ..

مواصفاتي في البوست الجاي بجد ... هتعرفها

نورتني ... تحياتي

فراشة يقول...

ايه يا ميمى اللى رماكى على المر

اقدر كده اقول ان مرايه حبك عامشة وطرشه وخنفه

الله يقويكى يا بنتى

تعرفى انا شكيت انك بتتكلمى عن حصان
مش عنده لجام
هههههههههههههههههه

تجنن يا ميمى ودمك زى السكر
كلماتك جميلة جدا

well يقول...

رغم انه فارس الاحلام ولكنه موجود على ارض الواقع ....
مبروك عليكى فارس احلامك

mimi يقول...

أم مالك
=========
عزيزتي ... أنا أصلا مش ملاحقة ارد علي التعليقات من كتر الطلبات هههههه

هما بيقولي فيه منه مصري ومستورد

بس البلدي يوكل

دمتي بكل ود...

تحياتي

د. ياسر عمر عبد الفتاح يقول...

لا ده فارس أحلام جميل أوي
هههههههههههههههههههههه
يا بختك بيه

mimi يقول...

ندا
========
انتي بتتكلمي عن أشكيفو كده؟

اللهم يجعل كلامك خفيف علي معدته

نورتي يا نودي

تحياتي يا سكرة

فكرة من الزمن ده يقول...

اشكررك يا ميمايتي
ادي ياستي الفارس بتاعكل اللي فارسلك احلامك
سليم ومية مية بس مش فوقيه بوسة لان نفسويتي منقرفة شوية مش باعيب في الراجل ولا اي شيء بس اعذريني


انما بصراحة كان هايتخطف مني وانا جاية في السكة
حتى عديت على الرعد الزئبقي
كان الناس هناك هايحتجزوه مني مع تعليقاتنا المحجوزة عند تندر
بس انا قولت لهم ده امانة ميمايتي حبيبة قلبي
اول ماسمعوا الاسم قالو لا خلااااااااص مانقدر نتكلم
خديه وامشي من هنا بقى

أحمد عاطف يقول...

فارس احلامك يشبه واحد اعرفه

فين حكاوي الميكروباااااااظ

تحياتي

دعاء مواجهات يقول...

ههههههههههههههههههههههه
اية يابنتى دة
دا انتى شركتية ع الاااخر بجد

مش كدة خالص

انتى مشكلة

نورتينى ياجميل ..

رديت عليكى عندى ..

بيس

دعاء مواجهات يقول...

وبعدين خدى بالك انا كنت التعليق رقم مية ودا معناه ان ليا هدية غير رمزية

تمام

انا مستنياها

بيس

mimi يقول...

أسماء وأحلام في وجداني
======================

هوايتي تربية القطط زيك بالظبط

mimi يقول...

Mo7ammed
==============

يا بختي بيك يا خويا .. يسعد مسعد وسعاد ...

مين سعد زغلول؟

ده يقرب لبلح زغلول؟

فين الصورة بتاعة الهيكل العظمي العظمي ؟

انا عاوزاها تاني عاااااااااااا

أصلها بتفكرني دايما بفارس أحلامي

mimi يقول...

ميرام
=======
ايه يا ميرو.. أشكيفو حبيبي مش عاجبك ؟

دي الطلبات عليه ايه .... بالهبل...

ده انا حاجزاه لحسن يتخطف مني..

حد لاقي يا بنتي ؟؟؟

تحياتي ...

mimi يقول...

تأثير الفراشة
===============
أشكيفو .. مش هتنازل عنه أبدا مهما يكون ...

بس تعرفي ... ده لو جالي في كابوس هترعب ...

حقيقي وحشتيني يا دكترة.. ومنورة

mimi يقول...

Soul.o0o.Whisper
=====================

سول قطتي ... ازيك .. هاه طمنيني عليكي دلوقتي عامله ايه؟
والخضة راحت ولا لسة ...

تحبي أبخر .. ولا أرش فليت أحسن ؟

نورتي يا حبيبتي ... ربنا يخليكي ليا يارب

mimi يقول...

عاشقة الأفراح ايناس
========================
ترخمي ؟؟؟؟ ده تعليقك بيفرحني اوي جدا والله العظيم ..

انا بس مشغولة باختيار فارس أحلامي أصل الطلبات زادت أوي ...

علي العموم أنا أصلا اللي بعتهولك في الحلم علشان تتعرفي عليه ...

وكويس انه طلع ذكي وماتهش وراح لواحدة تانية

أنا بحبك جداااااااا انوسو كونوسو

mimi يقول...

blue-wave
=================
يا دكترة منور والله تاني ... ايوة كدة

ده فارس أحلامي يا دكترة ... يعني المنيل اللي بيفرس أحلامي

نورت بزيارتك تاني ...

تحياتي

mimi يقول...

فراشة
===========
فارس أحلامي ... يعني بيفرس أحلامي

اه صحيح مراية الحب حولة كمان

دمتي بكل محبة وود

تحياتي ... منورة يا قطتي السكرة

mimi يقول...

well
=========

الله يبارك فيك ... وعقبالك يا خويا

mimi يقول...

د. ياسر عمر عبد الفتاح
===========================
عاجبك يا دكتور ؟
تاخده لفة؟

انا من كتر الطلبات عليه هأجره بالساعة..
والساعة بخمسة جنية والحسابة بتحسب...

نورتني ... دمت بكل خير

تحياتي

mimi يقول...

فكرة من الزمن ده
======================

فكرتي ......
ايوة يا حبيبتي رجعلي خلاص .. بس رجعلي ريحته حلوة كده ونضيف ...
هوا استحمي امتي؟

ولا يكون الرعد الزئبقي مبرفن المدونة بتاعته؟

علي العموم لما زادت الطلبات عليه .. انا بعت استورد لنا شوية علشان هيشحوا في السوق ...
واهو ينفعوا برده ... فاهماني طبعا يا فكرتي ... وحشتيني

mimi يقول...

أحمد عاطف
============

تعرف واحد يشبهه؟
يشبه واحد تعرفه؟

أحدفه علي طول ....

فين حكاوي الميكروباص ؟
ده هوا ده الميكروباص نفسه ..

نورت ... تحياتي

mimi يقول...

دعاء مواجهات
===============
ههههههههدأعرفك علي أشكيفي حبيبي

فارس أحلامي يا دودو يعني اللي بيفرس أحلامي وممكن يفرس بلد بحالها ويهرسها كمان

بيس يا قطتي

mimi يقول...

دعاء مواجهات
==================
التعليق رقم 100 صحيح

الهدية غير رمزية
هيا صورة الأشكيف ديا
تاخديها 3 مرات بعد الغدا
وترجعيها تاني ..

" ترجعيها من معدتك يعني"

ده احلي علاج لغسيل المعدة...

ايه رأيك في هديتي....

مقرفة مش كده...
نياااهااااااا

اصلي شريرة ... بحب الشر

انا جاية اهه اشوف ردك يا سكرة علي تعليقي

دمتي بكل ود

تحياتي

mimi يقول...

رسالة شكر لكل المدونين
=====================
===============
=========
====
==

الحمد لله أنا .. خلصت رد علي كل التعليقات و يارب مش أكون نسيت حد من أصدقائي واخواتي ........
أنا سعيدة اني قدرت افرحكم وأضحككم وابسطكم ......

تحياتي ليكم كلكم ... وشكرا لكل واحد وواحدة زار مدونتي وساب تعليق أو ساب نقد أو ياب لينك لزيارته

احنا كلنا أسرة واحدة واكيد التواصل مستمر ...

بحب تعليقاتكم اوي

شكرااااااااااااا

شمس النهار يقول...

ميمييييييييييي
حبيبتي الكاااااابوس اللي بتدوري عليه ده
هقول لك تلاقيه فين
عارفه وكالة البلح
هناك في مكان لبيع الخرده
وان مالاقيتيهوش هناك
ممكن يعملوه لك تجميع اه
واهو برضه يبقا علي كيفك
يعني مثلا بدل انف اهمليله اتنين بدل عينتين يبقوا تلاته احتياطي برضه

بجد ضحكتيني جدا
ربنا يكرمك

قلب ارهقته الاحلام يقول...

عاااااااااا

ايه ياميمي ده :)

خيااااااانة اوعي مش تجيبيلي واحد كارثه معاكي

ههههههه بجد نادر نادر اوعي اوعي اوعي هتبقي عيني فيه بجد :D


جميييييييييله بجد التنسيق الكابوسي الخرافي ده

دمتي بألف خيررر ياقمرر ووحشااانييي

حياتى نغم يقول...

السلام عليكم / ايه القمر ده يارب ماتقابلي الفارس ده خالص لحد ماتغيرى رأيك فى فارس أحلامك .
بجد أسلوبك تحفه والكوميديا عندك عاليه .
دمتِ بخير حال .

اسماء واحلام فى وجدانى يقول...

قيمة الانسان ليست فى ذاته
انما هى ممن حوله من اصدقائه واخواته هما اللى عملوا له هذه القيمة
وجود الصديق اهم واهم من اى ذات لان صداقتهم هى الذات نفسه
انا زعلان من كلامك بجد

♥نبع الغرام♥♪≈ يقول...

ميمى


عااااااااااااااا
اهىء اهىء اهىء


والله قلبى معاك حزنت قووى لما لقيت يويو خدت مكانك يابنتى يلا متزعليش


ربنا على القوى


انا بس اللى مزعلنى ان بقا شكلك وحش

هههههههههههههه

حسه بالنار اللى جواكى


المفروض يعنى تكونى نايمه على باب المدونه يابت

بس الله خد الله جاب الله عليه العوض

متزعليش نفسك يابت

انا هعمل بوست جديد

واخليك او تعليق

وقد اعذر من انذر


قلى معاكى يا اختشى


عاااااااااااا
عااااااااااا
عاااااااااا

الله يرحمه

تحياتى
انوسه باللوزه

ايمان روحي يقول...

ههههههههههههههه
ايه ده كلو ايه ده كلو
دنتي بتتغزلي
في قيس ولا روميو
هههههههههههههه
ده فارس احلامك همام فعلا
بجد ربنا يعين
هههههههههههه
تسلم ايدك
بس بجد انا خايفه
ومش عايزة احلم
لا بفارس ولا غيرو
ههههههههههه
تحيـــاتي

وردة يقول...

لاءءءءءءءءءءءء
انتي خلصتي تعليقات ولا ايه
انا لسه شايفة البوست دلوقتي
معلش بقي
ازيك يا حبيبتي
اخبارك ايه
ايه بقي البوست التحفة ده
والله العظيم موت علي نفسي من الضحك
ايه العريس الجميل ده
اتاري كل البنات بتيجي عندك عاوزين يخطفوا منك العريس اللقطة ده
هههههههههههه
انا لو منك اخبيه عن العيون
تسلم ايدك
انا مكسوفة اوووي اني داخله متأخر
بس انتي قلبك كبير
وحتستقبليني بردو
اوكي
سلام يا قمراية
سلام مخصوص للعريس
ههههههههههه
سلام

Heba Faruq يقول...

هايل جدا يا ميمي..
بصراحة أثبتي إنك متعددة المواهب..
البوست رائع..
ومدونتك جميلة جداودمها خفيف
صعب قوي إن حد يدخل من غير مايموت من الضحك..
شكرا لك..

Hadota ... حدوتة يقول...

هههههههههه
زى السكر والله
بص انا هفهم الكلام على كيفى
انتى طالما زودتيها كده يبقى قصدك العكس
صح
:D
ههههه جميلة بجد تسلم ايدك


ياستى ربنا يرزقك باحسن فارس احلام فى الدنيا يعرف ازاى يسعدك ويخليكى مبسوطة


تحياتى يا جميل

د/عرفه يقول...

ما شاء الله
شكلك موهوبة فعلا


أسلوب ساخر ورائع فى نفس الوقت

تحياتى

mahasen saber يقول...

ههههههههههههه ده ميبقاش فارس احلام ده يبقى فارس وبنى خيبان

ايه المواصفات الواقعيه دى

الشعر تحفه ولاا ااقول السجع يجنن

وبعدين صفات البشر ياما وياما ما بالك بئه يا مىمى بصفات الرجاله وانواعهم

بوست ومدونه من اجمل ما يكون

king يقول...

تسمحيلي اني اكون احد اصدقائك

Tarkieb يقول...

ربنا يهني سعيد بسعيدة صحيح مراية الحب عامية بس الغريب انك شايف وعارف ومكبر دماغك بكرة تندم يا ميمي وفارس الاحلام ح يجبلك أنفصام

زقطـوطـة يقول...

جميلة مووووووووووووووووووووووت
بجد مالهاااااش حل : ))))))))))))

هايلة والله بجد تجنن

مواطن مصري يقول...

ههههههههههههههههه يا سلام على الاحلام

التعليق رقم131

تأثير الفراشة يقول...

ألف مبرووووووووووك يا ميمى

لأ لأ ما لقيتش ليكى فارس الأحلام ده

شوفى هنا و انت تعرفى

http://advsarab.blogspot.com/2009/05/blog-post_30.html?showComment=1243640467064#c1185598463335206973


مبرووووك يا جميلة، يا رب دايما

salma mohamed يقول...

انا كنت اول من قرأ بوست الفوز,
وجيت جري على البوستات اللي فايزه معايا,
قرات بوستك ده وبجد عجبني جدا اسلوبك الساخر والتهكمي,
يا خبر!!
انا قولت ساخر؟! افرض طلع ان ده فارس احلامك بجد,
معلش آسفة (:
يلا ربنا يرزقك باللي نفسك فيه,
انا ما علقتش اول ما قراته لاني كنت تعبانه,
بس كنت ناويه اعلق الصبح ولما لقيت تعليقك عندي حبيت آجي اعلق واشكرك وقولك نورتيني يا جميل.

مامة مازن يقول...

ميمى مبروكين اتنين واحد للكلام الجميل الخفيف اللى لم تقريبا كل الحاجات اللى منحبش نشوفها فى فارس الاحلام اللى بتتمناه كل البنات
والمبروك التانية على الترشيح يارب دائما يا ميمايه لقدام لقدام
ويارب يا اختى يرزقك بفارس احلام عكس كل الحاجات المريعة دى اللا قوليلى هو النوع ده منتشر دلوقتى واللا ايه ههههههههاى

mimi يقول...

شمس النهار
==============

حبيبتي .. تعبتي نفسك والله ... أنا خلاص طلبته دليفري ...وأحتياطيا .. طلبت معاه قطع الغيار

أعملك اوردر معايا؟ أصل الطلب عليه بيزيد وكمان احتمال يشح في السوق .. هاه قلتي ايه؟؟؟؟؟

mimi يقول...

قلب أرهقته الأحلام
====================

أسطورتي دودو ... أشكيفي مخيفي .. عجبك؟؟؟

دف فارس احلامي اللي بيفرس أحلامي ..

وانتي كمان وحشتيني ..

mimi يقول...

حياتي نغم
==============

ده فارس الأحلام .. يقوم بفرس الأحلام..

تحياتي يا عسولة ... ويارب يحقق لكل واحد حلمه

نورتيني

mimi يقول...

اسماء واحلام فى وجداني
========================

بجد مش تزعل مني والله كنت بهزر مع عاشقة الأفراح ايناس ...

خلاص صالحني بقي ماتبقاش كده ...

البوستات الجاية انا اول تعليق مليش دعوة

عاااااااااااااااااا

mimi يقول...

عاشقة الأفراح
==================


ايناس ... انتي وأحمد ملكمش حل ...

عاااااااااااااااااا

أنا هشتري أسهم المدونة بتاعته ... علشان يبقي ليا حق التعليق الأولاني بتاعي ...

عااااااااااااااااا

مليش دعوةةةةةةةةةةةةةةة

أنا هخطف قططه رهينة
نياااهاااااااا وبكده ... اكون شفيت غليلي

mimi يقول...

ايمان روحي
===============
اشكيفي المخيفي ... ده الطلب عليه ايه يا بنتي ... بالهبل ...

ده حتي حجزتلي اتنين استبن .. اصله مستورد بالكتالوج

نورتيني وتحياتي ... ولو خايفة منه قوليله كلمة السر " أم زبعبع " .. وهوه هينام

mimi يقول...

وردة
=========
وردتي حبيبتي ... أنا وصلّت سلامك لأشكيفي المخيفي وهوه كمان نيااااااااهااااا بيسلّم عليكي

وكان هياكي دراعك بسلامه ... لكن لما عرف انك وردتي ... قال خلاش خلاش ... بلاش بلاش

انتي ما اتأخرتيش ولا حاجة ... أنا كنت مستنياكي ... انا بس برد علي التعليقات أول بأول علشان مش تتراكم علي بعضها ...

منورة زي الوردة يا وردة

تحياتي يا سكر

mimi يقول...

Heba Faruq
=============
أنا مبسوطة جدا ان المدونة عجبتك ... يارب تعجبك دايما ...

نورتيني بزيارتك لأول مرة ... يارب مش الأخيرة يا هبة

علي فكرة أسمك علي أسم أختي ...

تحياتي يا سكر

mimi يقول...

Hadota ... حدوتة
===================
ده يا حبيبتي فارس الأحلام ... يعني اللي يفرس الأحلام ...

هههههههههههههههه

تحياتي يا جميلة ... يارب يوفقنا كلنا أن شاء الله

نورتيني يا سكرة

mimi يقول...

د/عرفه
===========
ربنا يكرمك يارب ... وشكرا علي مدونتك الجميلة بجد مجهود جبااااااار الله يعينك عليه ...


شكرا لمرورك ونورتني

mimi يقول...

mahasen saber
====================
ههههههههه ... أشكيفي ده فارس أحلامي ... يعني بيفرس كل أحلامي ...

شكرا لمرورك ويارب دايما وتعجبك كل كتاباتي ....

رجالة بقي هنعمل إيه... الله المستعان

mimi يقول...

king
=========

نورت بزيارتك ... سيدوم التواصل بإذن الله تعالي ...

شكرا لصداقتك ... طبعا أسمحلك..

mimi يقول...

Tarkieb
===========

ربنا يهني سعيد بسعيدة .... هههههههههه

ويهنيك ...

"انك شايف وعارف ومكبر دماغك بكرة تندم يا ميمي وفارس الاحلام ح يجبلك أنفصام" ....
ميمي بنت علي فكرة

نورت

mimi يقول...

زقطوطة
=========

مبسوطة ان البوست عجبك يا جميلة ... نورتيني يا سكرة

تحياتي

mimi يقول...

مواطن مصري
================

التعليق رقم 131 ... العد في اللمون يا باشا...

نورتني ... وشكرا ليك

mimi يقول...

تأثير الفراشة
====================

حبيبتي ... فراشتي ... دكتورة نهي .. قدم السعد انتي اللي بشرتيني يا سكرة

الله يبارك فيكي ... تسلميلي

mimi يقول...

salma mohamed
====================

مبروك عليكي انتي كمان يا سكرة ...

ويدوم التواصل ... ان شاء الله

mimi يقول...

مامة مازن
============
تحياتي ليكي ... والله انا مبسوطة خالص لحاجتين .. ان البوست عجبكم .. وبالترشيح ...

ربنا يخليكوا ليا يارب

دمتي بكل ود يا سكرتي

وردة يقول...

مبرووووووووووووووووك
الف مبروك ياميمي
انتي زي العسل طبعا وتستهلي كل خير
انا عارفت من الفيس بوك انك كسبتي المركز التالت الاسبوع ده
لاء بصراحة كده مينفعش
حنكلم /عرفة وتكوني الاولي
مش التالتة
البوست اساسا تحفة
ربنا يكرمك يارفعة راسنا
ههههههههههه
وايه حكاية الاشكيف ده
انا جبانة جدااا خلي بالك
وبسلم اهه
الرحمة يااميرة ميمي
ههههههه
وشكلك بتحبي الكارتون
انا استشفيت ده من اسمك
قولي ايوة علشان انا كمان بحبو جدا ياميمي
ومرة تانية الف مبروك
مبرووووووووووووووووك
سلام

د. ياسر عمر عبد الفتاح يقول...

الله يبارك فيكي
ومبرووووووووووووووك المركز الثالث
إن شاء الله المره الجاية تبقي المركز الأول

دينا حامد يقول...

ههههههههههههههههههههههههههههه
اقسم بالله موتيني من الضحك
انتي واثقة ان ده فارس احلامك؟
بس اكيد مش هيجي لك على حصان لو هي دي مواصفاته
بوست دمه خفيف والكلمات جميلة وتموت من الضحك
سعيدة بزيارتي لمدونتك

تحياتي

بـراااح يقول...

ميمايا
اول مرة آجي عندك تصدميني كده :))
دا فارس أحلامك ؟ امال لو كانت كوابيس كان طلع ايه ؟ :))
حبيبتي ابقي اتغطي قبل ما تحلمي
و بعدين لو دي الاحلام امال الواقع هيكون شكله ايه؟

Unknown يقول...

اولا مبروك علي الترشيح
ثانيا انا مستعد اجيب شهود
بس من علي الايميل عندي
هعرفوكي عاااااا دي بتاعة مين
مسجلة باسمي من قد ايه


عااااااااااااااااااااااااااااااااا

Unknown يقول...

تحففففففففففففففففففففففففة

MaNoOoSh يقول...

الف مبروك يا ميمايا يا قمر
الموضوع يستحق فعلا
وانا لو منك اعزم فارس الاحلام بقى على بيبسي وللا شيكولاتة وللا أي حاجة كدة
ههههههههههههه
بجد مبروك يا قمر.

لاسع افندى يقول...

فارس احلامى عبيط
نازل فى الناس تخبيط
بيفهم ده ويعلم ده
فاكر نفسه حويط


تقبلوا تحياتى ومرورى

فكرة من الزمن ده يقول...

ميمايتي وحشتيني
فين بوستاتك الجديدة ولا شكلة غرقانة في الفرسة اللي عاملها لك فارس الاحلام اللي فارس الدنيا بحالها
مش كده اوعي تسيبي الفرسة تنسيكي صحابك

غير معرف يقول...

هههههههههههههههههههههههه
هههههههههههههههههههه

توووووحفة وريي

وتستاهلي تفوزي بالترشيحات

دمتي بالف خيررررررر

إيمان هلال يقول...

ايه القمر دا لا بجد الناس كده هتحسدك

ايمان روحي يقول...

نععععععععععععععععععم
ههههههههههههه
الحجز عليه بالهبل
ليه انشاء الله
ههههههههه
وانتي حاجزة اتنين
لا شكلي هتجنن
ههههههههههه
انتي عارفه انا بكرة الاحلام

ومش هخلي حد يقولي فارس احلام تاني
ههههههههههه
ولا جتلي حتتة دين فكرة جهنميه
انا افضل طول اليوم اقولوا
كلمة السر
ام زرعبع
ههههههههههههههههه
خليه نايم
مش عايزة اشوفوا
هههههههههههههه
انا هعمل اضراب
عنالارتباط
ههههههههههه
دمتي بكل محبه
يا عسوله
تحيــــاتي

اسماء واحلام فى وجدانى يقول...

مبروك يا ريس

وعقبال الجايزة الاول

النسر المهاجر يقول...

على فكره انا قبل مشو الموضوع افتكرته وسيم لقيته اكل لحوم بشر مش فارس تقبلى مروى وتحياتى

رؤية يقول...

كلللل دا وفارس احلام!!!
متهيالى دا فارس حاجة تانية خالص

ربنا معاااكى


تحياتى

VÖltaa يقول...

مبروك ياحج ميمو
وعقبال البكارى ان شاء الله

فى حياتك ياحج عوض

منورانا ياست نفيسة

Soul.o0o.Whisper يقول...

ايه يا ميمى اللى انتى عاملاه دا؟؟؟

كدا يا شعنونتى؟؟؟
هههههههههههههه


تروحى تتشاكلى على التعليق الملغى
لالالالالا

طب احجزيلك واحد متأكد طيب
^_*


خالص ودى يا قمر

♥نبع الغرام♥♪≈ يقول...

السلام عليكم


الف الف مبروك ياعمرى


ويارب دايمآ جوايز

ربنا يسعدك يارب بجد تستهلى كل خير


ربنا يوفقك

وبحبك قووى ربنا ما يحرمنيش منك

دمتى فى حفظ الرحمن انوسه

سلالالالالالالالالاموز باللوز
انوس

همس الاحباب يقول...

ههههههههههه
طاباتك اوامر يا اميرة
زين ما اخترتى
فعلا فارس احلام همام
ومتوفر بالاسواق
تسلم ايديكى وابداعاتك بجد روعة
تحياتى

mimi يقول...

وردة
=========

وردتي حبيبتي ... انا بموت في الكارتون زيك تمام ... الله يبارك فيكي يا سكر ... والله انا بكتب علشان أبسطكو مني ...

بحبكوا اويييييييييي

mimi يقول...

د. ياسر عمر عبد الفتاح
============================

الله يبارك فيك يا دكتور ...

و الف مبروك ليك كمان

تحياتي

mimi يقول...

دينا حامد
============

بجد انا اسعد بزيارتك وياريت مش الاخيرة يا دودو

عيد ميلاد سعيد يا قطتي

mimi يقول...

براااح
==========

حبيبتي ليه تتصدمي ... بعد الشر عليكي من الصدمات

فارس أحلامي يعني اللي بيفرس أحلامي ... وممكن يفرس أحلام أي حد تاني

دمتي بكل ود

مدونتك حلوة خالص ... وبتعبر عن شخصية رزينة ومثقفة

تحياتي يا سكرة

mimi يقول...

المعلم محمد صاحب المطعم - طعمية سخنة
==================================

انا ممكن اكتبلك تنازل عنها في الشهر الفقاري ... بسندوتش طعمية وبس

ماشي؟؟؟؟؟؟

الله يبارك فيك يا معلم

mimi يقول...

enjy
=========
نورتيني في اول زيارة ...

ياريت مش تبقي الاخيرة...

ماشي اتفقنا؟

سلاموءاااا

mimi يقول...

MaNoOoSh
===============
الله يبارك فيكي يا منوش يا كميلة ...

بيبسي ... شيكولاتة... ده وحش الشاشة ... ملوش يا قطتي في الحاجات دي ... قولي فخدة ضاني .. موزة بتلو ... نص بطة ... كدة يعني ..

تسلميلي يا سكرتي

mimi يقول...

لاسع افندى
==============

والله جامد تعليقك ده علي نفس القافية ...

تحياتي ليك في اول زيارة

انا رديت الزيارة ومدخلتش بإيدي فاضية...

mimi يقول...

فكرة من الزمن ده
=====================
فكرتي ... مقدرش انسي ناس بحبهم ... بس كنت بجهز البوست الجديد ...

النهاردة الساعة 10 مساءا هنزل البوست الجديد

وحشتيني انتي فينك يا فكرتي ؟؟؟؟

mimi يقول...

ঔღঔ نـــوارة ঔღঔ
=====================
حبيبتي ده كله بيكم انتم والله ... دمتي بكل حب وود ...

انتي كمان مدونتك فيها شغل حلو اوي ...

تحياتي ... الله يبارك فيكي ... شكرا يا جميلة

mimi يقول...

اعقل مجنونة
==============

هتحسد علي فارس أحلامي ....
طب يارب اللي يحسدني يطلعله الفارس ده في المنام ولا يعرف يكمل أي حلم ...

اعقل مجنونة .... تحياتي يا قمرايا

mimi يقول...

ايمان روحي
============

تعملي اضراب علي الارتباط ؟

ليه يا قطتي ... ربنا يكرمك بكل الحب والود ويديلك احلي فارس احلام تحلمي بيه يارب ...

انتي بس تقوللي كلمة السر تسع مرات في اليوم ... وهوا هينصرف ... ده حمل وديع .. علي رأي عوكل

mimi يقول...

اسماء واحلام فى وجدانى
=========================

الله يبارك فيك يا أحمد

ولا أقول يا سوليفان؟؟؟؟؟؟؟؟

نيااااااهاااااااااااااااااا

mimi يقول...

المهاجر
=============

فارس أحلامي طبيعي ...

هههههههههههههه

دمت بكل ود .. اتمني تكرار زيارتك

تحياتي

mimi يقول...

رؤية
========
لأ مش بيتهيألك ... ده حقيقي ... ده فارس الأحلام ... اللي بيفرس الأحلام

تحياتي يا رؤية ... دمتي بكل حب وود

mimi يقول...

Mo7ammed
=============
ادخل من البلكونة يا ولد واقفل الشباك ... وبطل تنادي علي الناس اللي ماشية في الشارع ...

وسيب الشارع في حاله

mimi يقول...

Soul.o0o.Whisper
======================

انا بعشق الفيلم ده أصلا... وبحب شخصياته اوي

فرحت بأسمي الجديد... شعنونتي ...

وفرحت في أحمد علشان شلبي سوليفان

هههههههههههه

مين بقي اندل بوكس؟؟؟؟؟؟

هههههههههههه

بحبك في الله اختي العزيزة... دمتي بكل حب

mimi يقول...

عاشقة الافراح
==================

ايناسو كواناسو ... الله يبارك فيكي يا قطتي الجميلة واختي الي بحبها موت ..

ربنا يخليكي ليا وميحرمنيش منك أبداااا

تسلميلي يا سكرتي

mimi يقول...

همس الاحباب
================
يعني اطمن ؟؟؟؟؟ معملش جايزة للي يدلني عليه؟؟؟

ربنا يكرمك يارب ....
الله يبارك فيك

تحياتي

سبهللة يقول...

اكتر من هايلة
تسلم ايدك

ذو الوجه المبتسم يقول...

السلام عليكم

فارس احلامك حلوووو قوووى
ايه يابنتى الجمال وده
هو فيه كده

ياسلام عليكى وانتى متجوزة واحد شكله كده
هتقومى بالليل تبصي فى وشه مرة واحدة بس
وبعده هيعلنو خبر وفاتك هههههههههه

دمتى مبدعة
بجد موضوعاتك فى غايه التاثير لانها بسيطة وهادفة
تقبلى تحياتى

adel يقول...

ميمي

1-سوري والله الريدر مقراش البوست ده :(:(

2-كل الكلام ده عني انا (وش مكسوف فحت)

برضه عملتي اللي في دماغك و قلتي للناس عني :):)

بس انا مش تخين ولا بحب نانسي ولا عندي خف حديد

انا رفيع و بحب سيرين و الاهلي حديد

هههههههههههه

3-بجد تحفة ياقمر ...كلامك عشل قوي

mimi يقول...

سبهللة
========

تسلميلي يا سكرتي ... منوراني والله

تحياتي

اوروفوار

mimi يقول...

ذو الوجه المبتسم
==================

بيقولوا مراية الحب عامية .. بس في الحالة دي ... انا أبقي عامية أحسنلي ...

دمت بكل ود ... وشكرا ليك ويارب مبتسم دائمااااااااااا

mimi يقول...

دولاااااااا
==============

حبيب الملايين ...

ايوة كده ... أقدر أرتاح ... السر اللي كنت شايلاه في قلبي خلاص ... ممكن دلوقتي أبوح بيه ...

دولا ... ده فارس أحلامي اللي بيفرس أحلامي يا دولاااااااا

ده ممكن يفرس أحلام أي حد مش أنا بس


شفت بقي البوست اللي فات كمان معلقتش عليه ... بس بكده خلاص ... مادمت قلت الأهلي حديد ... تبقي مضيت حضور

تحياتك

اوروفوار

adel يقول...

صدقيني يوم الماتش ده كان ليلة امتحان و قريته بس ملحقتش اعلق و قالت لما ارجع من الامتحان و نسيت

معلش

و اكيد انا فارس احلام اي حد يابنتي

ههههههههههههه

جارة القمر يقول...

ميماية ياقمر

أخبارك ايه

وحشاني


مستنية جديدك

مودتي