الاثنين، 21 ديسمبر 2009

أنا مخي بطاطس مقلية





في مخي بطاطس مقلية
وأفكاري ..معنداني شوية
ولما التركيز بيزيد أكتر
بشبه للفول .. والطعمية
****
أنا مخي .. بطاطس مقلية
****
أمسكلي ريموت .. يطلع تليفون
أعمل نعناع .. يطلعلي لمون
طبق الفاكهة ملياه بـزتون
يا دماغي يا حلة ملوخية
****
أنا مخي بطاطس مقلية
****
صحيت بدري ومن ستة الصبح
بلبس في هدومي الشتوية
وفطرت كباب وحمام محشي
وجريت علي شغلي الضهرية
أتارينا رمضان
في شارع حرّان
لسة في توقيت الصيفية


****
أنا مخي .. بطاطس مقلية
***
رحت لدكتور
غالي ومشهور
أكشف علي حالتي النفسية
أتاريه دكتور
عايش في الدور
في كلامه ولغته الحوارية ..
أسئلته بحركات مش هيه !!
دا طلع دكتور مش نفساني ..
والكشف ... مسالك بولية
****
انا مخي .. بطاطس مقلية
****
يمكن دا فراغ أثر فيا ؟
وأثر علي حالتي المزاجية
وأنا أعمل إيه ؟
دلوني يا ناس يا بلوجرية
وشي بأه أصفر.. زي العدس
وزيادة عليه التقلية
****
أنا مخي بطاطس مقلية
***
أنا عاوزة حياتي الطبيعية
ترجعلي زمان زي ما هيا
مش هحلم أبدا أكون غيري
لاحسن لو حلمي هيتحقق .....
هلقاني في علبة تونة صفيح
بس العلبة دي مصدية
أو كبشة رز في قلب رغيف
حباته مش متنقية
****


اه يا مخي يا سلطة بابا غنوج


فيها بتنجانة ومهرية


محطوطة في صلصة بارب كيو


في ميدان واسع متهوية


تاخد حتة ؟؟ أقطع إيدك


دي دماغ عالية وغالية عليا


ده أنا مخي بطاطس مقلية
****


.


.

هناك 77 تعليقًا:

mimi يقول...

إهداء مني لحملة "أبتسم"

Unknown يقول...

الاول

Unknown يقول...

هيييييييييييييييييييييييييييييييييييه

Unknown يقول...

نعمل احتلال بقي

Unknown يقول...

ولما التركيز بيزيد أكتر
بشبه للفول .. والطعمية
احم احم
طبعا الطعمية جميلة
ولا عندك مانع

Unknown يقول...
أزال أحد مشرفي المدونة هذا التعليق.
Unknown يقول...

سؤال الحلقة عد اصناف الاكل التي ورد ذكرها
اذا عرفت الحل ! احتفظ بيه لنفسك و متصدعناش

Unknown يقول...

تسلم ايديكي يا ميمي
حلوة اوي
بس مين بقي يطبخلي دلوقتي !؟ عااااااااااااااااااااااااااااااااااااااااااااااااا

P A S H A يقول...

mimi
لأ بجد جامدة ودمها خفيف قوي .. تسلم إيدك .. وحالتك دي فراغ مرشوش عليه ملل محشي بشوية إحباط .. وده منتشر قوي اليومين دول .. نصيحتي قربي من الله بشهية (عشان تبقى ماشيه ع الوزن)

هو بس طلب حضرتك ... ممكن سندوتش بطاطس بس من غير سلاطة ؟ ههههه

تحياتي

سلام

د/عرفه يقول...

ههههههههههههههههههه

جامدة موت

بس انتى كده جوعتى من الاكل اللى اتقال فى الكلام
ومليش دعوة انا عايز افطر
كباب وحمام محشى
ههههههههههه

فكرة من الزمن ده يقول...

جوعتيني

فكرة من الزمن ده يقول...

تاخد حتة ؟؟ أقطع إيدك


وش مبوز ومبكلم
حتى انا ياميمايتي
انا عوزة حتة كبيرة اووووووي
عشان المخ ده الذ من كل الاكل الجميل اللي اتقال

والقلب اطعم واطعم

Unknown يقول...

انا مخي لحمة مشوية ههههههههه
والله متت ضحك
يسلمووووا دياتك ياربوربي يجعل حياتك كلها ابتسامه ومرح وفرح وسعادة وسميرة وباقي الشلة هههه

ارق تحية

فكرة من الزمن ده يقول...

مخي بطاطس مقلية
وقلبي مساكن شعبية
وتحيا الوحدة العربية

VOltaa يقول...

أنا مخي .. بطاطس مقلية

مممممممممم

هى على وزن انا قلبى مساكن شعبية ؟

مممممممممممممممم


:) :)

هاو ار يو ان زيس بررررد

غير معرف يقول...

مررت لأقول كيفك ومنتظر حصادك
لكن بصراحة لم تعجبني تلك الزجلولة
أرى أنك قدمت من قبل أفضل منها بكثير على مستوى الإحساس والكلمة واللحن وكل شيء

أحمد عاطف يقول...

دلوقتي عرفت السبب

وعشان كده مش هاعترض

تسلم ايدك

فراشة يقول...

الله يا ميمى ايه الجمال ده
حلوة قوى
انتى يا بنتى تجننى باسلوبك ده
بتعجبنى جدا موضوعاتك
عجبتنى قوى الجملة دى (يا دماغي يا حلة ملوخية)
وكمان ( اه يا مخي يا سلطة بابا غنوج)
تحفه والله يا ميمى

دايما بتمتعينا بضحكاتك الجميلة

خواطر شابة يقول...

حلوة بجد
اول الواحد ميقراها يحس بالجوع على طول ابقي أعمليها وصفة للي بيعانوا من فقدان الشهية على ضمانتي شهيتهم حتنفتح هههه
ان شاء الله نظلي دائما مبتسمة ومبتهجة ومبهجة لمن حولك
تحياتي

بلال عادل رجب. يقول...

ههههههههههههههههه
هضحك من النهارة لبكرة كلام جميل والموضوع من الموضوعات النادرة القريتها تحياتى

thunder يقول...

هههههههههههههههههههههههههه
الحمد لله بطاطس مقلية احسن من مكرونة بالبشاميل كنتى هتبقى نيلة خالص
بجد جامدة اوى ولا الدكتور كمان هههههههههههههه
تحياتى
اختى العزيزة دمتِ يارب بكل حب و ود وفى رعاية وحفظ الله دائما ياااااااارب

آه وكفى يقول...

زي انا قلبي مساكن شعبية كده

مسدس صغير يقول...

ههههههههههه
ايه الجمالده يا ميمايا
ههههه
حلوة اوى بجد
ده مخك ده طلع بطاطس مقلية وانا معرفش؟
هههههههه

أمسكلي ريموت .. يطلع تليفون
أعمل نعناع .. يطلعلي لمون
طبق الفاكهة ملياه بـزتون
يا دماغي يا حلة ملوخية
****
أنا مخي بطاطس مقلية

حلوة اوى
احييكى

د. محمد رضا يقول...

ههههههههههه

يع ايه دي

المشكلة اني جوعت لما قريتها

غلسه حتة مسالك بولية دي


تقنبلي مروري

donya يقول...

صباح الخير
ههههههههه

لا ده كده مش بطاطس مقليه
كده بقي مهلبيه

هههههههههههه



تحياتي

khalid almuzaiqer يقول...

لكم كل الشكر حابين نطعم معاكم طعميه ساخنة ل وو ل ^_^ إلى الأمام
..........................
مرحباً بكم في عالم الحب
زورونا في عالم الحب

http://www.al7ob1.blogspot.com/
عالم الحب المتعة والإثارة في آنٍ واحد
هل بحثت يوماً عن أي موضوع ووجدته يتطلب تسجيلاً في أي موقع أو منتدى
في عالم الحب تصفح أجمل وأروع المواضع وأجمل الخدمات وأروع الدردشات بدون قيود أو تسجيل

إذا أحببت عالم الحب فلا تنسى أن تدعوا أصدقائك


عالم الحب
عالم الحب,دردشه,شات,توبيكات,مسنجر,توبيكات ملونه,صور رومنسيه,رومانسيات,مقاطع
يوتيوب,تفسير
الاحلام,ابراج,صحة,جمال,مطبخ,موسيقى,راديو,تلفزيون,اخبار,فوركس,ادسنس,الربح
من ادسنس,الربح من الانترنت,ترفيه, العاب فلاشيه,برامج,العاب فلاشية,العاب
بنات,العاب قتال, العاب اكشن,متعة,مواضيع أكثر من رائعة,برامج,عالم الحب
عالم الجميع,عالم الحب المتعة والإثارة في آن واحد,مدونة عالم الحب,مدونه
عالم الحب,عالم الحب1,موقع عالم الحب,موقع عالم ,3alm al7ob,3alm
Al7ob1,3alm al7ob one الحب1,دردشة عالم الحب,شات عالم الحب,دردشه عالم
الحب,دردشه عالم الرومنسيه,دردشه رومنسيه,شات رومنسيه,دردشه الخليج,دردشه
خليجيه,دردشه نجمة الحب,دردشه نجمه الحب,عالم الحب,عالم الحب,توبيكات
رومنسيه,توبيكات ملونة

عالم الحب

أما إذا أردت أنت تعرف كل شيء عن الفوركس
فلا تترد بزيارة عالم الفوركس المليئ بجميع خدمات الفوركس
http://www.forexye.blogspot.com/

*
* يمن فوركس
* كل ما تريده وتود معرفته عن الفوركس

لكم أرق المُنى من عالم الحب

عالم الحب 2009

ليس فقيرا من يحب يقول...

هههههههههههههههههههه

والله انتى عسوله يا ميمى

جيتى على الجرح هو ده

يادماغى يا حله ملوخيه

هههههههههههههههههههههه

بجد عسسسسسسسسسسسسسسسسسسسسسسسسل

بحبببببببببببببببببك

ستيتة يقول...

انا قرأت البوست لقيت نفسي واقفة قدام جاد بجيب سحكوتشات طعمية
ههههههههههههههههههههههههههه
ريحة الزيت المقلي مخلية البوست اخر بهججة
تسلم ايدك

Meme يقول...

هههههههههه الريحه جايبه لعندي في المدونه ...كنت فاكره في حفله عندك و لا عزومه و لا و ايه الاقي اول واحد في التعليق صاحب مطعم ااااه ياني انا جعت خلاص

غير معرف يقول...

بحب البطاطس المقليه موووووووووووووت

marwa يقول...

مخى بس يبقى بطاطس مقلية لألألألألأ
انا نفسى كل حياتى تبقى بطاطس مقلية
وحتى لو مش من التسوس محمية !!! ههههههه
انتى عارفة انا بموووووووت فى البطاطس فطار غداء عشاء لما بقى العرض عرضين
بس ملاحظة اول واكثر الردود هو المعلم محمد صاحب مطعم الفول والطعمية اية علشان تخصصات بقى ولا اية ؟؟؟ اكيد عندة بطاطس مقلية تجنن بس يا ريت تبقى صوابع مش شيبس هههههههه

سجود يقول...

السلام عليكم
ههههههههههههههه
عسل عسل عسل
ماشاء لله عليكي
كلها تحفه وجامده موت
ضحكتيني
اطلع بقي اقرأها تاني
تحيااااتي
(وش بيغمز)

سجود يقول...

قريته تاني عسل ماشاء الله عليكي

سجود يقول...

اطلع اقراه تاني بقي وامشي

بسمة انور يقول...

طب وربنا عثثثثثثثل

هههههههههههههه

انا بقى مخى بقى بطاطس مهرووووسه

بجد بجد بموت فى اسلوبك

adel يقول...

هههههههههههههههه
والله عثل يابت ياميمايا
ههههههههههههههههههههههههه
عاجبني قوي البوست ده

خصوصا دكتور السمالك البولية ده

-------------
بكرة هظبط مع سارة و ادوني الو ولا هيبقي ....و بس ؟؟
ههههههههههههههههههههههههه

البروفيسير يقول...

ههههههههههه
حلوه بجد
تحياتى

amirelhob يقول...

ايه يا بنتى دا انتى مخك قلب مطعم شعبى من الدرجه الاولى كان ناقص بس المسقعه وتبقى ولا محلات العمده (:
بوست جميل والله وجميل جدا كمان ربنا يوفقك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

جارة القمر يقول...

انا بحب جدا البطاطس المقلية

شكلك حتتقرمشي هنا

خدي بالك واعملي احتياطاتك الأمنية


سلامووووووووووووووز باللوز للحوة المقلية

هع

جارة القمر يقول...

وحشتيني يارب تكوني بخير

♥نبع الغرام♥♪≈ يقول...

ههههههههههههههه

تحفة يا ميمى

كلمات قووووية اووووووووووى

على فكرة تنفع اغنية

♥نبع الغرام♥♪≈ يقول...

على فكرة بجد

كنتى معايا بالحلم وربنا يجعله خير بحق حبيبك المصطفى

كل سنة وانتى طيبه ياقمر

وحشتينى
مووووووووووووووووووواة

لــــ زهــــــراء ــــولا يقول...

تحفه بجد يا ميمى
وفعلا رسمتى البسمه والضحكه كمان
ياترى ممكن شوية بطاطس مقليه ومحمره حلو كده
انتى ممكن مخك يوزن بلد مش تقول بطاطس ومقليه كمان ههههههههههه
عسوله يا احلى ميمى فى الدنيا كلها

مي يقول...

هههههه جميلة جدا فين باقى الوجيبة يا قمر
وحشتينى جداااااا

Unknown يقول...

حلوة اووووووى
يا ميمى

The illusionist يقول...

هههههههههههههههه
حلوه بتاع بطاطس مقليه دى
بقالى كتير مش جيت
بس البطاطس عامله شغل الله ينور
انتى فى كل انواع الشعر جامده جدا

انا هسيف الحاجات دى
وابقى اكتبها باسمى فى اى منتدى
اى خودمه

Tamer Nabil Moussa يقول...

كلمات جميلة تعبر عن الحالة اللى بيكون عليها ناس كتير

بنحس وقتها اننا بطاطس وبتنجان بجد هههه

ربنا يوفقك ويكرمك

مع خالص تحياتى

Tears يقول...

دمك خفيف جدا و افكارك مبتكرة و مميزة

Unknown يقول...

ههههه
مروة
مجرد طعمية و بسسسسسسس

Arsenal Way يقول...



الله يا ميمي

ايه الطعامه دي

انا جوعن و شبعت و جوعت تاني كل ده

بس تسلم ايدك

غير معرف يقول...

بطاطس بطاس بس اكل وخلاص :D

انا عاوز بطاطس بس من غير كاشتب :P

osama44 اسامه 44 يقول...

بجد جميله اوى
مش عارف اقولك ايه
دماغك جميله اوى
ولذيذه كمان مش بطاطس مقليه
بجد حلوه اوى

فكرة من الزمن ده يقول...

بحبك يا ميمايتي
وبحب قلبك الجميل
جدا
جدا
ومش هاقول لك شكرا على بوست ايد واحدة
ده العادي بتاع ميمايتي
ميمي واحمد
شكرا ميمايتي

أبو أمك يقول...

No Comment
غلبتيني يا فتاة

well يقول...

اى الجمال ده ....دا انتى دماغ يا ميمى

مش هحلم أبدا أكون غيري

تحياتى

غير معرف يقول...

والله تحفة
تحفة
حلو جدا
جدا
جدا

روح طفلة يقول...

حلوه اوى البطاطس دى
تسلمى ايدك نفسك فى الاكل حلو
ههههههههههه

صفــــاء يقول...

ههههههه لااااا دة الموضوع الكبير فعلا عندك انت هنا

جميله صنيه البطاطس دى

صوت من مصر يقول...

ايه ياعم ميمى
دماغ تيكاواى

شاب فقرى يقول...

هى مش بطاطس مقلية بس

هوا الواحد بيحس احساس ان دماغه دى احيانا مليانة بلاوى لا داعى لذكرها

بس حلو اوى كلماتك

منسقة وجميلة ومفيش حاجة توقف الواحد وهوا بيقرا ولا تستوقفه

أدام الله إبتسامتك وأسعد أوقاتك

شاب فقرى

عبد من عباد الله يقول...

بطاطس مقليه يا ميمي !!!

ياااااه ادي اخرة اللي يروح بلاد برة ...... بطاطس و كمان مقليه ؟!

حقيقي بنت مَعَدٌيه بلاش اقول مهويه ههههههه لكن الكلمات دي اكيد اكيد طالعه من دماغ مستويه ..... سندوتشين بطاطس بالكاتشب وحياتك .

***************

صحيح ، قريتي قصيده الرد على ناصر الزهراني بتاعة التعدد ؟؟

أبو أمك يقول...

قلبك ده صحن مهلبية
ومشاعرك طعمة وطرية
من كتر حلاوته السكر
اتدلدق بره السلطانية

قلبك ده صحن مهلبية

حبس البسبوسة في الكراكون
اتحكم كريموت التليفزيون
طبق الفاكهة خلاص مسجون
متشال على رف في نملية

قلبك ده صحن مهلبية

سهران الليل لوش الصبح
بهدوم مفتوحة مهوية
فتح نفسي وأنا متعشي
شجع أجهزتي الهضمية
ولقتني جعان
حتى في رمضان
باتسحر بيه الفجرية

قلبك ده صحن مهلبية

مش قادر أكمل...مش يقولك
غلبتيني يا فتاة

lostlove يقول...

ونبي انتي زي السكر
اختارتي حاجه وحده بطاطس مقليه بموت فيها
ههههههههه
انا بقي مخي بقي طبق سلاطه
ومتبظط صح
تحياتي ليكي
بجد عبرتي عن حالتك بطريقه دمها خفيف
تحياتي واتمني التوفيق

Heba Faruq يقول...

يا خبر يا ميمي جوعتيني على الآخر
إيه كل الأكل الجميل ده

بس والله زي العسل
ضحكتيني ضحك
ربنا يفرح قلبك ويسعدك ويسعد أيامك

مع تحياتي

MaNoOoSh يقول...

ميمي ميمايا
والله انا قليلة الادب علشان الغيبة دي
بس انتى وحشتيني جدااااااااا
يا احلى بطسطاية مقلية

hend mossallam يقول...

bgd bgd mas5ara a5er 7aga ana kont fatsana men 2l de7k

gamed giidan :d :d

Tamer Moghazy يقول...

ايه بقى اللخبطة اللي عملتيهالي في مخي دي..الظاهر انه نابة من البطاطس جانب (';')

Tamer Moghazy يقول...

ايه بقى اللخبطة اللي عملتيهالي في مخي دي..الظاهر انه نابة من البطاطس جانب (';')

ذو الوجه المبتسم يقول...

دا انتى مخك بقي خلطبيطة على الاخر

ازيك يا ميمي

جميل البوست بجد وابتسمت كتير

تقبلى تحياتى

فكرة من الزمن ده يقول...

ميمايتي
فينك
بعت لك كتير

a7med-Mado يقول...

أنا مخى بطاطس مشوية على فكرة مش مقلية
أول زيارة للمدونة بس بجد تحفة
سعيد جدا بزيارتى للمدونة

♥نبع الغرام♥♪≈ يقول...

كل عام وانتى الى الله اقرب

صباحك سكر

مواة

فكرة من الزمن ده يقول...

ميمايتي انا اون لاين

Tamer Moghazy يقول...

بس..بس..بسسسسسس..
انا هنا..
ايوا انا ده..اللي بيشاور بايده..
كل سنة وانت بكل الخير عشان السنة الجديدة (';')

تايه في وسط البلد يقول...

كيف الحال؟

كل سنة وانت طيبة للمناسبات الكتير دي كلها

الحمد لله اني رحت مشواري قبل ما اقرا الزجلولة دي..أصلي كنت رايح عزاء!!

بس دماغ متكلفة والله اوعي تزهقي منها

دمتي بالف خير

اللى موش عارف يتغير يقول...

هههههههههههههه
يادماغى ياحلة ملوخية
هههههههههههههه
على فكرة انا كمان مخى بطاطس بس نص مقلية
لانى بشتريها نص مقلية
هههههههههههه

اقصوصه يقول...

ِكله الجوع كان مأثر عليك

اثناء كتابتك للكلمات :)

سنه سعيده زاهره بالطاعات

اتمناها لك غاليتي :)