السبت، 11 سبتمبر، 2010

مخلوقات تغزو مصر



ذكرت وكالة أنباء

" رينج باصالو "
أن هناك مخلوقات فضائية كوكبية حلزونية نهارية ليلية
أحتلت الأراضي المصرية
في توقيت الغدا
يعني قبل المغربية ..

والغريبة ..
الإحتلال شمل كل البيوت ...

ومفيش فروق فردية ...

والتقطت الكاميرات البطروخية

بعض الصور للكائنات المحتلة

أثناء نومها العميق في أطباق طائرة

محاطة بالخس والليمون

ملحوظة :
تظهر الكائنات وتلازمها أعواد من البصل الأخضر
ولا تفارقها أبدا ..




صورة ( 1) وتظهر فيها الكائنات اللولبية وهي تغط في نوم عميق علي الاطباق الطائرة



صورة (2) الأعواد الغليظة الملازمة للكائنات .. ربما تعمل عمل " الــ بودي جارد"




صورة (3) المخلوقات تنظر الي الكاميرا ... يا حفيييييييييظ




المخلوقات الرنجية تتخفي دائما في ستار من الليمون والخس ..



ربنا يستر .. ده إحنا في عيد يا جماعة.
.
.

هناك 17 تعليقًا:

Meme يقول...

كل سنة و انتي طيبة يا ميمي و عقبال يارب ما نشوفك في بيت العدل انتي و مخلوقاتك الفضائية:)

sony2000 يقول...

كل سنه وانتي طيبه:)
اول وموش اخر مره بأذن الله

د. ياسر عمر عبد الفتاح يقول...

فعلاً المخلوقات دي حاولت تحتل بيتنا
لكن على مين

عندنا رجالة زي الفل
كلوها بأسنانهم أكل .. وقطعوها حتت كمان

أمال إيه؟ إحنا صعايدة


كل سنة وانتي طيبة
تقبل الله منا ومنكم

عاشقه الرومانسيه يقول...

امبارح ظهرت فى بيتنا مخلوقات فسيخيه ورنجيه وسردينيه كمان
يلا اهو تغيير اصلنا زهقنا من المخلوقات الطبيخيه

غير معرف يقول...

هههههههههههههههههههههه
كل سنة وانت طيبة يا ميمى يارب عيد سعيد عليكى وعلى كل من تحبى
بس بجد جاامدة ياشوريرة البوست دا
المخلوقات الرنجة دى محتلتش لسة دولة المنصورة وابناء جديلة وابناء ترويل ودراسات متحلفين وموقعين فى المخلوقات خساير كتيرة هههههههههههههههههه
ملاحظة العدية توصلنى فى تاكس زيها زى كاس العالم وللبيت




thunder

Mahmood البطراوى يقول...

فكره البوست عاليه بجد :D
كل سنه وانتى بخير وصحه يارب

حَـبآيـۃْ.بـטּـدۉڷ يقول...

كل سنه وانتي طيبه يا ميما ..

وهابي كحك وبيتيفوور :D

فعلاً المخلوقات العجيبه الغوريبه دي قدرت وبكل سهوله تحتل بيتنا الموقر .. ومكتفتش بكده بس .. لالالالا دي كمـآن نشرت ريحتها في أرجاء المنزل كلها بدون منافس .. :(:(

بــــ الخطاب ــن يقول...

كل سنه وانتى طيبه
أنا نفسى فعلا فى رنجه بس لسه ما حصلش
بيخوفونا منها ومش برضى أجيب

تامر حسين يقول...

كل سنه والناس طيبه كل سنه والناس بتسأل عليبعض ويزورو مدونات بعض

تامر حسين يقول...

علي فكره انا اول مره اخد بالي من موضوع شبرا ده
بصره يعني
خلفاوي مدي الحياه

أبو أمك يقول...

عرفتها
الكابوريا

شمس النهار يقول...

ازيك
كل سنه وانتي طيبه ياجميلة

هو يبقا عيد من غزو هذه الكائنات

ربنا يديم احتلالهم
:)))

تحياتي

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

فكرة من الزمن ده يقول...

يام يام ايه الذاذة دي وحشتيني ميمايتي
فين طبقي

جارة القمر يقول...

ريحة الرينجة دخلت في مناخيري


عفكرة انا بحبها

:)


وحشتيني

Timo.. يقول...

والله انت كده بتظلمي المخلوقات الفضائية يا ميمي (';' )

عبده العمراوى يقول...

شركة كشف تسربات المياه بالاحساء