الخميس، 14 أكتوبر، 2010

العبارة في السفارة






هيا السفارة في العمارة
لأ
طب السفارة في العبارة ..
لأ
طب السفارة في الحرارة ..
برده لأ
طب إيه..
أنا هقولكم
السفارة في شارع الجلاء ......

نويت والنية لله .. أروح سفارة إيطاليا
علشان أخد ختم المحروس التشنجن علي جواز السفر بتاعي
قوم إيييييييييييه
اتصلت بالقنصلية أعرف تفاصيل أكتر
رد عليا واحد آخر جنتله
- حضرتك هتتصلي برقم فودافون 0900 معرفش كام وتاخدي رقم وتسيبي بياناتك وتيجي تلاقي إسمك ورقم جواز سفرك مع حارس البوابة تدخلي تاخدي رقم و تقدمي الورق اللي معاكي"
-- بس كده ..
- آه بس كده
-- طب إيه الورق المطلوب؟
- إدخلي علي الموقع بتاع السفارة هتعرفي كل حاجة..
-- بس كده
- آه بس كده
-- طيب أنا لوعايزة ......................... بيب بيب بيب

قفل ابن التييييييييت

بس والله دي خطوات سهلة جدا
اتصال ومشوار وهووووووب
التشنجن في إيديا يا عنيا

----------------------------
النهاردة إيه يا ميمي النهارده إيه يا ميمي ..
أها .. النهاردة الخميس
أما أقوم أتصل برقم فودافون 0900
أخ .. معنديش الخدمة دي في البيت
طيب اما اروح الشغل يوم السبت هبقي أتصل
رحت الشغل يوم السبت
وبتصل ... سمعت صوت مش بحبه خاااالص
** الرقم المطلوب غييييييير موجود **
يعني إيييييييه ... راح مشوار؟
طب مش يقول؟
عاااااااااااااااااااااا
اتصلت بالدليل ..
** أهلا بكم في الشركة المصرية للاتصالات .. هانم مسعود مع حضرتك ..**
-- أيوة يا هانم ..
- تحت أمرك يا فندم
-- إديني رقم تاني لقنصلية إيطاليا
-رقم فودافون 0900 ..
-- يا هانم مش بيرد ، بيقول غير موجود
- اتفضلي حضرتك رقم تاني ...

أتاري الناس اللي معايا في الشغل سمعوني بقول يا "هانم"
راحوا بيقولوا لبعض ( ميمي إتغيرت خالص ..بقت تتعالي علي الناس وووو ....)

قفشتكوااااااااا
يا عالم يا .... دي البنت إسمها كده..
أبوها سماها كده .. وشغلتها تقول إسمها كده ..
أنا مالي أناااااااااااا
وهوا لازم كلمتين فل كده ع الصبح

ياااااااارب

اتصلت بالرقم اللي الأستاذدة الآنسة / هانم إديتهولي
-- من فضلك الرقم 0900 مش موجود في الخدمة
- يا فندم الرقم خارج الخدمة جمعة وسبت
-- ايوة قول كده .. اتصل امتي؟
- من الأحد للخميس من 9 لحد 2
--شكرا ، سلام

يوم الأحد بتصل وبعد ما خد مني البيانات موظف فودافون
اللي لطعني لمدة 17 دقيقة علي الخط
وعلشان الدقيقة ب 150 قرش
والحسابة بتحسب
إداني المعاد اللي القنصلية قالت عليه
بس المعاد ..............
بعد ......... شهر
أيوة بعد شهر
يعني اللي عاوز يسافر لمؤتمر ولا يعمل عملية
ولا يزور حد من قرايبة .. لازم يتبع التعليمات
ويستني شهر

قلت مبدهاش بأه
أروح السفارة بنفسي .. الناس دي نصابة ولا إيه

اول ما قربت علي البوابة.. قرب مني واحد سألني سؤال غريب أوي
قاللي ( أخدتي معاد فودافون؟)
-- إدوني معاد بعد شهر
- أنا ممكن أجيبلك معاد قبل كده
-- إزاي؟
- مش إزاي..
-- أومال ؟؟
- ب 5000 جنيه
-- كااااااااااااااااااااام؟
- حضرتك المعاد القريب أجيبهولك ب 5000 جنيه
-- لا شكرا
- طب مش عاوزة ورقك يترجم إيطالي؟
-- شوكراااااااااااااااااااان

والبقية في الحلقة القادمة
.
.
.

هناك 23 تعليقًا:

Tarkieb يقول...

القنصلية الامريكية في فرانكفورت عندها الميعاد لازم بتليفون الدقيقة فيه 2 يورو يعني تعملي ميعاد بس بحوالي خمسين يورو...الغريب بقي ان القنصلية المصرية في فرانكفورت بتدفع للي بيتصل بها المكالمة ....يعني اكرم من امريكا...سبوبة لايطاليا بقى

بــــ الخطاب ــن يقول...

ربنا معاكى ميمايا
الموضوع شكله كبير كبير يعنى
تحياتى وفى اننتظار الحلقات القادمة

VOltaa يقول...

ههههههههههههههههههههههههههه
هههههههههههههههههههههههه

بنجاواتى يقول...

ده ايه التعقيد ده يا ميمى

وانتى بتقولى اول ما قربت للبوابة حسيت انك هتقولى حصل انفجار ههههههههههههههههههههه لكن الحمد لله ربنا ستر ومكنش فى خساير ف الارواح :))

عموما ان شاء الله هتسافرى قبل شهر ولو فى مشكلة ولا حاجة ابقى قولى وانا اكلملك اللى بيخلص ب 5000 جنيه ده ....لان انا اللى مسرحه ع السفارة هههههههههههههههههه وما تقلقيش هكرمك هههههههه

شوكراااااااااااان
سلام

Lady E يقول...

ربنا يعدلهالك يا ميمي وتاخدي معاد في السفارة وتاخدي الvisa كمان قبل شهر

ولما تروحي ايطاليا متنسيش تجيبيلي معاكي بيتزا من هناك :)

شمس النهار يقول...

ازيك
:)

موضوع السفارات دي بقا غريب

في موضوع المواعيد
المشكله ان لو عندك موعد هناك
علشان بعد الشهر ده وبعد الانتر فيو
هتستني بقا لما يبعتوا لك البسبور بالبريد السريع

وتبتدي تدوري علي تذكره

لا موضوع كبير

ان شاء الله يخلص

:))

اللى موش عارف يتغير يقول...

العبارة فى الشكارة
اى حاجة فيها ورق فى مصر حاجة تخنق الصراحة
وربنا يعينك

Nostor Azzuro يقول...

boun giorno mimi
come stai
??
هتسافرى ايطاليا
مبروك
ciao

عباس ابن فرناس يقول...

تب لما تسافرى بذن الله هتسيبى المدونة الجميله دى لمين
تحياتى

سجود يقول...

السلااااااااااااااااااااااام عليكممممممممممممممممممممممم
ياهلا يامرحبا نوركم غطا علي الكهربا
عدناااااااااااااا لمتابعتكم
بس ايه التعب ده كله يلا بقي معلش اديله 5000 جنيه وخلاص
هههههههههههههههههههههههه
اشتري راحتك
اااااااااااااااااه يابلدي
وعجبي

ميرام يقول...

ههههه
ازيك ياميمايا
وحشتيني
(:
رايحة هناك ليه بقى عشان انا موش فاهمة
(:

كــركــبــة دمـــاغ ㋡ يقول...

كل سنه وانتي طيبه يا مامتي

وبالف خير وصحه وسلامة وربنا يعود عليكي الايام بكل خير وانتي في احسن حال يارب

عيد سعيد عليكي وعلى كل حبايبك

وحشتيني جداً

(f)

بحبك

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

bastokka طهقانة يقول...

مافيش حاجة تتعمل في مصر دي بالساهل لازم يطلعوا بظابيظ البني آدم
و ايه حكاية ال5000 جنية دول؟ 5000 عفريت يركبوها
بصي يا بنتي انتي تضربي مايوه شرعي و عوامة و تروحي تسافري من اسكندرية اي مركب رايحة ايطاليا و تستخبي في صندوق و قبل الحدود بكام كيلوا
تشششش في البحر
و هاتك يا عووووم
مش اوفر؟؟
بس امانة عليكي تجيبيلي معاكي كيسين مكرونة و انتي راجعة

ربنا يسهلك الصعب

momken يقول...

ياستى يبك منهم دول شويه نصابين انا ممكن اسفرك اسكندريه وارخص من كده كتير

وبين اسكندريه وايطاليا شويه ميه
الحمد لله ياستى العلاقات العامه بتاعه الشغل عندنا هى الى بتخلص كل الاجرئات دى

اما موضوع الخمس تلاف جنيه ده هكر فيه
هفضل كل شويه اتصل واخد معاد واروح ابيعه فالف ونص واضرب السوق

انا عارف ان تاشيرات اوربا صعبه شويه بس مش للدرجه دى

منتظر الباقى


تحياتى

Timo.. يقول...

ايه بقى يا ميمايا..
كل ده غياب وتاخير...؟؟
فينك من زماااااان...؟!!!
وبعدين اوروبا ايه اللي عاوزة تسافريها وتسيبينا..؟؟
انا ها اعمل لك هتاف شعبي..
(ارجعي يا ميمااااااااياااا)

كل سنة وانت طيبة (';' )

bastokka طهقانة يقول...

فين الحلقة منتظراهاااااااااااااااااااااااااااااااا

ALLELIO-عليــــلـــيـــــــــــــــــو يقول...

كل شى عندكم فى مصر اصبح تعبان ومثير للجدل

وكل شى بيمشى بالفلوس مش فاهم انا امال هما بيشتغلوا اية وبيقبضوا من الحكومة لية

ولا هو تفاصيل المرتب اصبحت

اساسى + اوفر تايم + كوميشن + اتاوة على الشعوب

حسبى الله ونعم الوكيل

جارة القمر يقول...

تمنياتي ان يكون قلبك بخير

وحشتيني

Timo.. يقول...

ميمايااا..
انت فيييييين كل ده..؟؟
قلقتيني عليكي..!!!

البروفيسير يقول...

هههههههههه تعقيد رسمى هو النظام ده لسه مستمر
لا وكمان 5000 جنية علشان ميعاد قريب يانهار مش فايت
يلا ربنا يفكلك التعقيد ده ان شاء الله
وتاخدى ميعاد
تحياتى لكى
احمد سمير

Sara يقول...

ايه التهريج بتاعهم دا ؟
بجد !!
اتخنقت منهم و من البيروقراطية _ _"
ربنا معاكي بقه على كدا :D

mohamed ghalia يقول...

ياااااااااااااه وحشتنى المدونة دى
فيييييييينك من زمان