كل سنة وانتو طيبين ومصيفين ومشتيين ومخرفين ومربعين
وكل ده في يوم واحد زي ماكلنا عارفين ومتعودين ...
المهم ،، أنا في أجازة من الشغل لمدة كام يوم فقلت أطلع أسكندرية أغير جو اليومين اللي جايين
وأحتفل بيوم الزفارة العالمي في الأسكندرية حبيبة قلبي ..
المهم ... سافرت بإيه؟؟
بالميكروباص
بتقولوا إيه يا ولاد !!!!
بالميكروبااااظ
طيب .... المهم ...
قعدت جنب الشباك وقلت أسمع اغاني نجوم اف ام ، بس مش عرفت خالص أجيب ترددها
فقلت استمتع بالطريق ... وأقرا الجرايد وأهو أتسلي ...
وكنت لوحدي علشان باقي العيلة سافرت قبلي
قعد جنبي راجل كبرًه وكده ومحترم ووقور وجنتل وشكله مسافر أسكندرية في صفقة لشراء لؤلؤ
بس الغربية.... إن الراجل ده كل لما موبايله يرن يرد بصوت واطي أوي كأنه بيوشوش اللي بيكلمه علي الطرف التاني
وتكررت الحكاية دي أكتر من مرة خلال عشر دقايق
فحسيت كده ان الموضوع ده فيه إنه ....
ولما انتبهت لكلامه كويس لقيته بيقول لصاحبه
" هزار"..
طبعا أنا كدبت وداني
وقلت طب ما يمكن .... ( فاكرين )
طب ما جايز
أو انا مش سامعة صح وبعدين لو الوقار ده كله بيتكلم في الهزار ... انا أتكلم في إيه؟؟
في المسخرة.. لأ لأ يا ميمايا ... نضفي ودانك وأسمعي كويس ..
لقيت المستر الجنتل الوقور صوته علي وقال : -
" بقوللك هزار ... ايوة هزار .. أنا عاوز هزار "
المرة دي بقي لا فيها طب ما يمكن ولا طب ما جايز ولا أي حاجة
الكلمة خرمت طبلة ودني و أكيد أكيد الراجل ده قال "هزار"
طيب واللي نفسه يهزر يلبس كده ويتكلم بألاطة كده؟
وفجأة موبايل المستر رن تاني ورد وقال " ايوة ... أيوة أنا عارف ... هوا الهزار أنواع " ....
قلت بس ... يبقي كده أكيد يا معلم أنت مدير عام مراجيح السبتية..
وكمان طلع للهزار أنواع
أكيد فيه هزار كده وفيه هزار كده وكده وألعبي يا ألعاب ...
ودماغي بأفكار سودة وبني وبلو بلاك وكحلي عمالة تجيب وتودي ..
وقعدت طول الطريق من كارفور مصر لكارفور اسكندرية ...
وانا برميله نظرات استحقار واستحلاب واشمئزاز
لدرجة انه معاه بيبسي وبيعزم عليا بيه من باب الذوق يعني
قلتله " لأه ... "
من غير ميرسي ولا شوكران ولا حتي عبرته..
أصلها مفيهاش طب ما يمكن
أكيد فيها هزار ...
وكل ما يفتح شنطته أتخيل أنه هيطلع مسدس رشاش ميه ويقوللي " ممكن أهزر شوية !!!"
وكل ما يطلع منديله من جيبه أتخيل انه هيرفعه لفوق ويقعد يغني " فوق غصنك يا لمونة .. "
ولا يطلع من ودانه أرنب مثلا ....
ومعاه حق لو عمل كده ما هي طالبة معاه هزار
لحظتها جه في بالي أسامة عباس في فيلم بكيزة وزغلول
لما كان محترم أوي ولما راح البيت معاهم فجأة أتقلب حاله
أنا بصراحة لزقت في الشباك وكل شوية أعمل نفسي بتكلم مع ماما في التليفون
أل يعني بطمنها عليا وإني خلاص علي وشك الوصول
المهم ... خلاص وصلنا
الراجل الجنتل وقعت منه ورقة صغيرة كرتون وهوا بيشيل موبايله في جيبه وهوا نازل من الميكروباص
بس مش بص فيها وسابها علي الكرسي مكانه .. وعلشان انا نزلت بعده أخدت الورقة وقريتها .....
لقيتها
لقيتها
لقيتها ....
لقيتها بروموشن لدوا أسمه " هزار"
hyzzar
ويستخدم لعلاج ضغط الدم المرتفع
والباشا ده كان صيدلي بيعمل طلبية من صنف الدوا ده مع مندوب مبيعات
وكان قصده بأن الهزار أنواع .. يعني تركيزات المادة الفعالة في الدوا ده
ومن ساعتها وأنا عارفة إن الهزار مرتين بس في اليوم
هناك 98 تعليقًا:
على فكرة اسمه عندنا المشروع مش الميكروباص
او باظ
بس جميل اوى الضحك اللى مرتين فى اليوم
على الاقل نقلل الضغط ده شوية
فى اول زيارة لى اتمنا ان تتقبليها
طيب مش تقولي عندنا فين؟؟؟
نورتي الميكروباص
البوست ده مجرم
انا مت ضحك من تاجر اللؤلؤ دي
S H A H
ــــــــ
هيا لؤلؤ بتضحكك ... طب لؤلؤ لؤلؤ لؤلؤ
وأي خدمة ... نورت المدونة
صحيح والله نسيت وما اخذت بالى
اقصد عندنا فى اسكندرية
معلشى اصل اكثر المدونين اللى معايا
من اسكندرية
وبعدين احنا طلعنا شركاء فى حب القطط
يعنى سماح المرة دى
انا عارف انك سامحتى خلاص
احمد
هزااااااااااااااااااااار ااااه
لا حلوه بجد
ده انتي كده حتقضيها انواع ادويه بقى و بكره نلاقي
dawsha
دوشه
habal
هبل
ال هزار ال و كمان انواع ...... ماشي يا ميمي ماشي
أسماء وأحلام في وجداني
ـــــــــــــــــــــ
أحمد :
سامحتك علشان القطط وعلشان أسكندرية ..
يا اسكندراني
عبد من عبدا الله
ــــــــــــــــ
ماشي ليه خليك شوية ...
علي فكره بالله الدوا أسمه هزار بجد
وكمان فيه كريم أسمه " رشا" للجلد
وكمان دوا فوار أسمه " هبه ميرز" للكبد
ده غير حبات "الفاصوليا"
وفي الصيدليات يا ما نشوف ...
ــــــــــــــ
تحياتي لكم كلكم ويارب تكون المدونة عجباكم
ميمايا
انا مش مصدق
ميمي اللي هي ميمي
ميمي اللي كان عندها القط اللي مات
ميمي ميمي يعني
ولا تشابه اسماء
مدونتك التانيه بدخلها بس مفيهاش جديد
ومعرفش عنك حاجه من فتره
هتقولي ندل ومقصر
هقولك ايوه
هتقولي معندكش دم وووووو
هقولك ليكي حق
المهم يعني لو كنتي انتي انتي ميمي يعني
هقولك حمدا لله على سلامتك وظهورك
اخوكي ايهاب
سلااااااااااااااااااااااااام
شنكت
ـــــــ
أيون هوا دا أنا
نورت تاني يا جميل والله
نورتي من تاني
وحشتينا
سلاااااااااااااااااااام
اخوكي ايهاب
اشكرك لكرم اخلاقك
وهذا شىء طبيعى لعاشقة القطط
ميمى ميماية البوست دة جامد آخر حاجة وكمان فية لينك بينه وبين طاب ما يمكن علشان انتى مش ظنيتى فى الراجل الغريب ايلى جنبك بس صحيح دة اسم دواء ضغط وياترى ضغط عالى ولا منخفض وكمان الهزار حيكون على الريق ولا بعد الأكل ؟؟؟ المهم الموضوع تحفة والقطة تجنن وهى عاملة فنانة كدة على الآخر يارب تكون كل بوستاتك كدة جامدة علطول. باى ميماية
أحمد
ـــــــ
لا شكر علي واجب وأظن انت كده اتأكدت من حبي للقطط بجد
ميروووو
ـــــــ
الهزار مرتين في اليوم ،، مرة يرفع فيها الضغط ومرة يخفضه ... ده شغل كيميا بقي ....
أما عن القطة دي ... فهي واخده overdose
وتسلملي التعليقات الجامدة دي يا ميروو
هههههههههههههههههههههه
شفتي ظلمتي الراجل ازاي ياستي دايما كده
وبأة تحتقري الراجل طول الطريق وف الاخر يطلع مرتين
ف اليوم (:
بس ربنا يستر مش يحصل موت من جرعه زيادة ههههههههه
تحياتي ليكي ياسكرر
قلب أرهقته الأحلام
ـــــــــــــــــــ
كل تحياتي ليكي انتي ومنورة في عالم التدوين
"انا جيت " ومسحت الكومن زي مانتي قلتي ....
ويلا نبتدي المشروع اللي اتفقنا عليه ... ماشي؟؟؟
بيننا اميلات يا أسطورة...
اول زيارة اجي اشم ريحة دوا
بس ماقلتيش الهزار مرتين في اليوم طيب قبل الاكل ولا بعده ولا اثناء الزغزغة جميل البوست اوي
لكن استفتدت منه اني ما احكمشي على الناس بالظاهر حتى لو سمعت بودني ممكن اوي اكون غلطانة
تحياتي ياميمايا بس هو اسمك ايه والله????
اشكرك على زيارتي واتمنى دوام التواصل
تحياتي
فكرةمن الزمن ده
ــــــــــــــــ
مع أول زيارة ليكي مسحنا أرضية المدونة بالديتول ...
وعلشان يبقي الهزار فعال يبقي علي معدة فاضية لحد الساعة 12 باليل .. ولو جالك نفس تهزري بعد الجوع ده كله ابقي قابليني ...
وانا كمان أتمني دواء التواصل
أأأقصد دوام التواصل
أنا اسمي الحقيقي أهم بالمقلوب
دواء التواصل ده اكيد قبل وبعد واثناء القراية
انا كمان سعيدة بزيارتك والاسمك الاهم ده مهم جدا
تحياتي ياعيون الغزلان (وش بيغمز)
فكرة بتصرخ هناك
فهل من معين
أحمد :
ـــــــ
لقد اندلعت الحرب
وإني لها
هههههههه
انا افتكرت ان الراجل ناوى يعمل فيكى مقلب ولاحاجة ولا يغتت بالكلام
طلع تاجر لؤلؤ
بجد بوست زى العسل
ومدونة زى السكر
وصاحبتهم زى الشربات
وانا وانت .. ورقصنى ياجدع
هههههههه
Mo7ammed
ــــــــ
مش عارفة اقولك ايه...
عسل وسكر وشربات ... تبقي أكيد أكيد
صاحب محل حلويات
ايه ده عرفتى منين ؟
انا فاتح محل الحلويات جنب صيديلة الراجل اللى كان قاعد جنبك
ده حبيبي وابن حتتى
*_^
النت فصل ولسة جاى حالا
على العموم فكرة مش هتقدر تهرب
القطط محاصرة المكان كله
Mo7ammed
ــــــــ
و انا بقول برده كان فيه لفة صغيرة بيعزم عليا بيها مع البيبسي ... أتهيألي لفة فيها بسبوسة أو جلاش ...
بس لو كنت أعرف ...
أحمد ::
ـــــــــ
أنا كنت خلاص جهزت القوات ... بس أنت اتأخرت وجه ميعاد نومهم وشربوا اللبن وناموا
هههههههههههههههههه
هزار ماشى يا اهم بى المقلوب
اولا سعيد بمعرفتى بى المدونة واتمنى زيارتها كتير ان شاء الله وبعدين ماسحتى لفكرة الارضية بديتول دى عاوزة الارضية تتطهر بعدها بى بنزين وكلور
دمت بكل ود وفى حفظ الله
thunder
ــــــــ
نورت المدونة .. وانا كمان سعيدة بزيارتي عندك
كنا محتاجينك انا وأحمد في أرض الملعب عند فكرة
قبل الاكل طيب ولا بعده
عجبتني
بجد بجد انا كنت قاعدة اتخيل بالصورة شكل الراجل وانتى بتتكلمى وتقولى (وكل ما يفتح شنطته أتخيل أنه هيطلع مسدس رشاش ميه ويقوللي " ممكن أهزر شوية !!!"
وكل ما يطلع منديله من جيبه أتخيل انه هيرفعه لفوق ويقعد يغني فوق غصنك يا لمونة)
انتى دمك خفيف جدااااااااااااااااا
وانا مبسوطة انى زورت مدونتك..ان شاء الله اجى هنا كتير وتعزمينا على ببسى كدة وللا اى حاجة.. اصلى طفسة بقى شوية
ههههههههههههههه
تحياتى يا قمر
هندسة وصفية
ـــــــــــــ
يا خطوة عزيزة يا بشمهندس
الهزار قبل الأكل .. أخف ..
مبسوطة انها عجبتك
MaNoOoSH
ـــــــــــــ
شكرا ... بس مش زيك برده انت مدونتك عسولة ...
أنتي بس تعالي ... والبيبسي عليا ... والحاجة الحلوة من عند Mo7ammed صاحب محل الحلويات ...
فكرة:
ــــــــ
ايوة طبعا تخسريه ..
حتي لو هتموتي بعده ،،
ولا حتي تموتي فيه
هوا فاكر نفسه إيه ؟؟
يعني قلبك حاجة سهلة ...
ولا شخشيخة بإيديه !!!
أيوة بًعده صحيح هيألم ..
بس أبتدي ...
والدور عليه
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
ضحكتني اوي بجد :D
هههههه
(:
استغربت العنوان في الاول
(:
طلعت حسب الروشتة (:
مدونة لطيفة
بانتظار الجديد
تحيـــاتي
مرتيييييييين بس
ههههههههههههههههههههه
هو الضحك بقا غالى هو كمااااان
بوست تحفاااااااااا يا قمر
وميرسى على دخولك
عندى
وانا مستنيه الهديه
بجد انا باشكرك لوجودك
عند جارة القمر
اشكرك جدا
وهى دى فعلا اخلاق القطط
أشكرك جدا لدعائك ووقوفك بجواري
تلقائيتك هنا مميزة ورائعة وعفوية
أحببت أسلوبك استمري وسنتواصل انشاءالله شكرا
عمك ياض
ــــــــــ
حاضر حاضر وتابعني هتلاقي حاجات حلوة كتير
يخربيت الضحك
انا كنت جاي ااقولك نورتيني وا ني رضيت عليكي و لو عاوزة تعكسي ماشي
ههههههههههه
بس قريت البوست و وقعت علي روحي من الضحك
هههههههههههه
هزار .... ايه الادوية دي بس
كويس ان الدوا مسموش قتل او تعاطي
ههههههههههههههههه
اسلوبك لذيذ و عاجبني :)
---
البتاعة بتاعت علي جنب يااسطي بتدخل في الكلام و رذلة رذالة
مفيش حاجة العباسية بقي
ههههههههههه
ندي دراكولا
ـــــــــــــ
وعدي ليكي هنفذه ان شاء الله
أحمد
ـــــ
نيااااااااااااااااو
جارة القمر
ـــــــــــــ
اللي يجاور السعيد يسعد
واللي يجاور القمر ... ينور
نورتيني
عادل
ـــــــ
أنت مشكلتك مشكلة ،، مفيش حاجة عاجباك أبدا خالص !!!...
اللي ما فيه حد غيرك اشتكي من " علي جنب يا اسطي" غيرك
مشاكس
معاكس
صفاقس ...
مراكش
غباكش
دراكش
دراهم
دنانير
دبابير
نحل
هههههههه
و قلنا هناك بقي مش هنا
انا كده هاتجنن
ميرا
ــــــــ
استني بقي عليا ....
اولا
والله العظيم الريدر ده تيت هو كمان
انا بستغرب اوي
مابشوفش بوستات كتير الا لما ادخل بالصدفه
عموما
يابنتي احسني الظن بقى ههههههههه
يعني ده كمان طلع مايمكن
بس هو في حد يسمي دوا هزار ده ايه النيله دي :D
ابقي خدي بالك من نفسك بعد كده وماتركبيش باظات تاني
موني
ـــــــــ
نورتي يا جميلة ... واللي يضايقك إلغيه ولو كان ريدر
ثانيا : أنا أجمد واحده تحسن الظن ... بس لو فيها "هزار" يبقي ما بدهاش بقي ... ولا إيه...
مقدرش ما أركبش ميكروباظات ... دي هيا مواصلتي المفضلة
وانتي كده عمالة تزعلي نفسك علي كل حاجة... التحكيم في الماتش والريدر ... لأ صحتك أحسن الضغط يعلي عندك بعد الشر والدكتور يكتبلك هزار ... ما بلاش
هههههههههههههههه
متجبليش سيرة الاسطورة مين قالك :)
وبعدين مش شفتك لما جيت @@
بصي عموما أنا ببقي بلليل قاعدة علطول صبباحي يعني
يلااااا مش تتأخري بأة خدتي هزار كام مرة النهاردة
كنت هنسي اطمن قبل ما امشي ههههههه
ميمى
اشكرك جدا
لتواجدك عند جارة القمر
هههههههههههههههههههههههههه
بوست دمه خفيف اوى
وانتى بتسمعى الكلام كويس اوى ههههههههههههه
دمت بكل خير
قلب أرهقته الأحلام
ـــــــــــــــــــــــــ
هراسلك علي الأميل ... والخطة في حيز التنفيذ
أحمد
ــــــــــ
دي أقل حاجة ممكن أي حد يعملها ... صباح الخير
أمبارح كان عمري عشرين
ـــــــــــــــــــــــــــــ
بس ابقي زرني كتير ....
وقصدك إيه ببسمع الكلام .... مطيعة يعني ...
هههههههه نورت
هههههههههههه
بوست جميل يا ميمي
كويس إني جيت في أول زيارة عالبوست ده
موضوع جميل واسلوب مميز ..دي أول زيارة وان شاء الله متكونش الاخيرة:)
تحياتي وتقديري
حسام غانم
ـــــــــــــــ
يا رب كل اللي أكتبه يعجبك
ويارب مش الزيارة الأخيرة
البقاء لله وتقبل تعازيا في زميلك
تغمده الله برحمته وأسكنه فسيح جناته
تامر علي
ـــــــــــــــ
نورت البوست بجد ... ويارب يكون عجبك
اتمني تداوم علي قراءة كتاباتي
شكرا أوي
الحقى يا ميمى(( فكرة )) فى شدة
وتحتاجك على وجه السرعة
أحمد
ـــــــــــ
رحت هناك وفكيت الشفرة وكله تمام
مرمر
ــــــــــ
أخدتني خطاوي في مملكتك ...
وتاه فيها كلام حساه..
عشان فيها لقيت نفسي ...
كلامك ... كنت أنا عايشاه..
وزي ما قالوا فنانة...
وفنك .... كنت أتمناه..
ـــــــــــــ
يارب تفضلي ميرا ..
حبيبتي ولا اقول مرمر
كلامك سكره زياده
حقيقي شهد ومكرر
انا جيت و اعلنت وجودي هناك ماشي
كده بردوة يا ميمى
بقى انا اروح ادور على مترجم لفك الشفرة
تتهمينى انا كنت نايم
القطط قالتلى كل حاجة
والقط بتاع الامن زعلان منك اوى
لانه مارضاش يمنعك من الدخول لانه عارف انتى ايه
بالنسبة للمدونة
بس هو ما توقعش انك اتقولى عليا كده
هههههههههههههههههههههههههه
والله انتى زى العسل
لعلمك هزار دا اقوى علاج لضغط الدم اليومين دول
وفعال جدا
واسمه hyzzar
مش hizar
وعلى فكرة هوا مرة واحدة بس مش مرتين:))
بصراحه اتبسطت جدا فى اول زيارة واللى اكيد مش هاتكون الأخيرة
عادل
ـــــــ
وأنا كمان مضيت حضور عندك
blue-wave
عمرو
ــــــــــــــــ
أيوة يا دكتور منك نستفيد ،،
ولن أقبل بتقليل جرعات الهزار ... وأنكد علي نفسي ليه
...
مدونتك جميلة وموضوعاتها كلها عجبتني
يارب مش الأخيرة
انا جيت يا ميمايا عاملة ايه
فكرة
ــــــــ
وحشتيني والله ... انا هركب الميكروباص واجيلك اهه
ميمى
والله انا هاحاول اكون موجود بس انتى ادعيلى
ربنا يوفقنى واخلص اللى باعمله دلوقتى
وان شاء الله هاكون موجود
بس انتى قولى يا رب
بالمناسبة هو زعيم الاشرار عرف الميعاد ولا لسة
أحمد
ـــــــــــ
فكرة عنها خبر بموعد الحفلة ومكانها وهاني كمان
الساعة 11 مساء في مدونة فكرة
والله انا اسف جدا
واللى يرضيكى انا موافق عليه
ليك عندى شهر حراسة مجانا
وهابعتلك القط المكلف بكده
بس حق التاكسى عليكى
تا تااااااا انا جيتتتتتتتتتتتت فى موسيقة اندر تيكر يا بشرية انا جيتتتتتتتتتتت
انتى يابنتى شيلى تاكيد التعليق دا مش عارف العب براحتى ومعلش النت لما بيرخم هنا بيرخم بحق سيبتك فى الحفلة امبارح نيااااااااها لوحدك زمانك افترسى الاكل
هههههههههه
والله ضحكتينى يا ميمى
بوست جميل بجد
يخرب عقلك يا ميمى
دى فكرة مدونتها بازت خالص
محمد نايم هناك وعثمان تعبان وعبده السفرجى
بيغنى ظلموه
والحاج ثندر زعيم الاشرار مظبط كل حاجة
خسارة انى ماكنتش فاضى امبارح
خسارة
بس تتعوض
ربنا يدى فكرة طولة العمر ويخليها
علشان تتحمل ضرب النار اللى محاصرها
ههههههههههههههههه مامن مدونتى طبعااااااااا والعب برحتى مكهرب الباب هنا ال زعيم الاشرار يعمل معهدت صلح ال
لو حاليتى الاسئلة دى هبطل لعب فى المدونة ........
اختى ميمى انتى فى برنامج صبح صبح ياعم الحج
معاكى السؤال الاول
1- الحمار الوحشى ابيض وفية خطوط سوادة ولا اسود وفية خطوط بيضة
السؤال التانى
2- واحد حب يفشل ونجح نقول عليه اية
السؤال التالت
اذا كان سعر المانجة 9 جنية والتفاح 12 جنية والبرتقال 5 جنيه
وانتى معاكى مرتبك49 جنيه وركبتى تاكس وركب معاك 2 ومشى على اربع محطات نزل واحد وركب 2 وفى المحطة الاخير لما نزلتى كنتى لو حدك تعرفى تقولى اسم بواب العمارة اللى كان قاعد اية ؟؟؟؟
السؤال الرابع
واحد اسود نزل البحر الاحمر يطلع اية ؟؟؟؟
كفاية كدا اسئلة لا استنى سؤال كمان
السؤال الخامس البيضة الاول ولا الكتكوت ؟؟؟
السؤال السادس
الكورة الارضية معروف انها بيضوية تعرفى تقولى لى فين الفراخة اللى بضيتها ؟؟؟
ايه ياميماية
مش ناوية تكتبتى ولا ايه
انتى مقضياها كومنتس كده
عايزين نشوف اى حاجة جديدة كده
^_^
مستنين البوستات الجديده :)
احمد :
ـــــــــــــ
أنا قدرت ظروفك
وربنا يعين فكرة علي ترتيب البهدلة اللي سيبناها مكان الحفلة
thunder
ــــــــــــــــ
تأكيد التعليق ده عشان السوكيوريتي
أنا أتأخرت في الحفلة امبارح ومش لقيت حد يوصلني وماما زعلت مني ......عاااااااااا
ندا
ــــــــ
أول زيارة ليكي نورتينا
وشكرا ياقمر وتابعيني علي طول
thunder
ــــــــــــــ
افراج عن التعيقات المحبوسة وأنا أشيل تأكيدات التعليقات
زعيم شرير
أحمد
ــــــــــــ
(فكرة) ربنا يخليهالنا متعاونة معانا
وبجد الحفلة امبارح كانت ناقصاك أنت وفكرة
thunder
ـــــــــــ
جـ 1 ) :
ابيض وفيه خطوط سودا .
( المصادر : فيلم من زمان أبيض واسود )
جـ 2) :
نقول عليه فاجح ، أو ناشل
جـ 3 ) :
عم عبده البواب
جـ 4 ):
يطلع مبلول
جـ 5 ) :
البيضة الأول
جـ 6) :
الفرخة هتلاقيها في الرابط ده :
http://www.4photos.net/photo/www_4photos_net_1142864282.jpg
لسه بحاول
جمييييييييييييييييل
ممكن نهزر 3 مراااات
حلوه اووووووووووي
تحياتى لمدونتك الجميلة
ادعوك لزيارة مدونتى
http://shayunbiqalbi.blogspot.com/
فعلا الهزار مرتين فى اليوم كفاية
نوستور ازوررو
======================
يارب ... وهشجعك ونشجعك كلنا
sonnet
===========
نورت المدونة في أول تعليق ليك عندي
ويارب مش الزيارة الأخيرة
أكيد هزورك قريب
محمود الجامع
===============
بعد الشر علينا من النوع ده من الهزار
أصل اللي بيهزروا دول عندهم ضغط
أنا سبت كومنت هنا
راح فين ؟
وقعت ؟
أنا رحت فيييييييين ؟
:'((((((((((((
ما شاء الله دمك خفيف جدا
واسلوبك ممتاز
تقبلى مرورى
زقطوطة
==========
لا والله العظيم .. ده أول كومن منك يا حبيبتي ...
دوري كده ليكون نسيتيه عند حد تاني ..
وأنا هنا مستنياكي
نورتيني
مامة مازن
==============
والله الشكر كل الشكر ليكي علشان تعليقاتك السكرة دي
نورتي
إرسال تعليق