الاثنين، 13 يوليو 2009

رومانيا رايح جاي


الشوارع بتلمع ، مفيش تراب ، مفيش ضوضاء ، مفيش أي إزعاج ....
دي صورة مزارع دوار الشمس في طريق بوخاريست

أول مفاجأة قابلتها في رومانيا .... وأزهلتني من الفرحة وتنحت منها ..........هيه إن المكان اللي علي شاطئ البحر الأسود أسمه "مامايا " mamaia يعني بينطقوها "ميمايا "


وده عنوان المدونة بتاعتي ... حسيت إحساس مش هقدر أوصفه من السعادة ... وافتكرتكم كلكم في اللحظة دي ...


وقررت من ساعتها أغير حروف أسم المدونة علشان تبقي mamaia بدلا من mimaya


"مامايا" دي علي ساحل البحر الأسود تابعة لمقاطعة كونستانسا التابعة لأقليم دوبروجا


" تقسم رومانيا إداريا الي 9 أقاليم و41 مقاطعة "









خريطة موقع مامايا وكونستانسا



ودي أول مفاجئة ليا شفتها وتنّحت قدامها ...



تاني مفاجئة إن مديرة العلاقات الدولية الرومانية اسمها " ماريا"




طب فين المفاجئة ؟؟؟؟؟؟






لما جيت أمضي علي أستلام مفتاح غرفتي بالفندق كتبت "mimi"


علشان هيطبعولي بادج علي المفتاح بأسمي "بدلا ما يخبط حد علي الباب ويقوللي ....

أنتي يا حلوة ... ولا يا شاطرة .... ولا يا كتكوتة ..."

لقيت ماريا بتقوللي إن ده أسمها (دلعها) بين المقربين من أصدقائها .... ومن هنا لقيت مفاجئتين ميمي ومامايا


ويا محاسن الصدف



علي رأي مايكل أنجلو في حلقات النينجا تيرتلز من حوالي كام سنة كتيييير فاتو




وطبعا عملت حسابي وأشتريت كمامات بعدد شعر راسي وكنت خايفة جدا من انفلوانزا الخنازير ذلك الوباء الذي كنت أعتقده كذلك


ومش لقيت غير المصريين بس اللي عاملين المهرجان ده كله عليه ولما سألت هناك ليه مش خايفين كانت الأجابة ان الانفلوانزا العادية أشد منه خطوره


وبس ...........

رحت المطار ولبست الكمامات أنا وكل اللي معايا المصريين...


وهوووووب ...... إحنا بس اللي متكممين...


طب ولا حتي في الجوازات؟


ايه ده !!

ولا حتي عند وزن الشنط ؟






الاجابة : NO



لاأأأأ .... وكمان طلبوا مننا في الجوازات نخلعها علشان التأكد من الهوية ...


قلنا ما بدهاش وخلعنا كلنا الكمامات .... وعشانا عليك يارب ..


في الطيارة احنا سافرنا علي الخطوط الرومانية اسمها "TAROM" وكانت ممتعة الرحلة خصوصا

لحظة شروق الشمس


منظر تحفةةةةةةةةةةةةةة












و لحد وقت توزيع وجبات الإفطار علي الطيارة .......


أن أن أن تش





علب ملفوفة بشكل شيك جدا وريحة الأكل تجنن خصوصا اننا مش أكلنا قبلها بيوم من التوتر


العلبة فيها إيه؟؟؟؟؟؟؟؟؟؟؟؟؟؟؟؟؟؟؟؟؟


فيها لحمة وبيض مقلي مرصوص تحت اللحمة .....


هات ياعم المضيفة دي نسألها.... وبسؤال المتهمة أاقصد المضيفة عن مصدر هذه اللحوم أجابت :

- Carne de porc


هاه ؟؟؟؟


- بتتكلمي انجليزي يا بت ؟


- Pig meat


يعني بالعربي لحوم خنزير ....


شكرااااااااااااااااااااااا


- ممكن نبدل الوجبات بتاعتنا ... مش بناكل لحوم الخنزير ... إحنا Musulmani ؟


- الوجبة موحدة يا حلوة .... كنتي قولتيلنا وانتي بتقطعي التذاكر علشان نعمل حسابكم


تشربوا شاي؟؟؟؟؟؟

كل الطيارة أصلا مصريين .... كتير فهموا ورجعوا الوجبات


وإحنا أكلنا سلطة .... وشربنا شاي وقهوة

لمدة 3 ساعات من المتعة فوق السحاب ... وصلنا مطار بوخاريست عاصمة رومانيا

الجو برد ... برد .... برد .... وإحنا مصيفين طبعا

قالولنا كانت بتمطر بقالها يومين قبل ما تيجوا



نزلنا في بوخارست ومكنش فيها أي فسح خالص علشان المؤتمر... بس بالنسبة لي التعرف علي ناس جديدة ومحاولة الـتأقلم مع جو جديد وكمان اكتساب خبرات ... هيا دي الفسحة عندي


وأخدونا لمقاطعة تانية اللي فيها الشاطئ بتاع مامايا


رومانيا جميلة جدااااا وهادية جدااااااااا ما تسمعش فيها صوت كلاكس عربية ... الشوارع بتتنضف الساعة 11.30 بالليل يوميا


كل متر مزروع فيه شجرة ... مفيش تراب في الجو ... مفيش رطوبة .... كل اللي كان حوالينا يا إما خضرة وزرع يا إما شط وبحر


المناظر الطبيعية روعةةةةةةةةةةةةةة

تنفع خلفيات للديسك توب علي الكمبيوتر

الشوارع بتلمع لما تمطّر وكأن الأسفلت مرايات


المناظر الطبيعية الجميلة مخلية أعصاب الناس هادية جدا ... محدش بيزعق
محدش زعلان ... كل واحد في حاله

ولو عملت إيه ... مستحيل حد يبص عليك

مستحيل بمعني مستحيل
في اليوم الواحد ممكن تسمع خمسن كلمة " سكوزا " وتسعين كلمة "نو بروبليما"
يعني أسف ومفيش مشكلة
اتمني لكم اوقات سعيدة زي اللي قضيتها في رومانيا
وللحديث بقية في رومانيا رايح جاي ( 2 )
ملحوظة : مدونتنا الجديدة إيد واحدة تحت أمركم
تابعوني ......
.
.

هناك 95 تعليقًا:

Unknown يقول...

انتى منزلاها بتاريخ يومين قديم ليه
؟!!!

عاشقه الرومانسيه يقول...

نفس السؤال بتاع بدراوى ؟؟؟؟؟؟؟؟؟؟؟
وحجز للتعليق التانى

عاشقه الرومانسيه يقول...

حلوه قوى رومانيا
حببتينى فيها من غير ما اروح لها
بس انا شفتها بعيونك
وجميل انك استمتعتى

عقبال ما اشوف مصر كده يااااااارب
تفتكرى ياميمى هنعيش ونشوف اليوم ده
انا ماافتكرش
ولا حتى الورثه هيشوفوه
ههههههههههه

Unknown يقول...

جميل الكلام و الأهم انه مختصر و مفيد
اصلى ماليش تقل على الكلام الكثييير اووووى

رومانيا ديه فين بقى معلش
اصل انا اوعى على روما بس

المهم انك تكون انبسطتى هناك
و استفدتى فى شغلك كمان
و اخدتى خبرة تنفعك فى مجال عملك

ربنا يوفقك
و فى انتظار رومانيا 2

حارة سد يقول...

مممممم باديء ذي بدء الأهم انكي استمتعت بذاك الجو وتلك الطبيعة وإجمالا بتلك الرحلة

لكن اسمحي لي فقط ان اتختلف أن خطوط
TAROM جيدة لأني قمت بتجربتها في السفر الى المانيا وهبطنا في بوخارست لعدة ساعات ....يعلم الله كم كنت وما زلت أمره تلك الخطوك
لكن اختلاف الآراء موجود

دمتي بخير

الحارة سد

ابو صهيب ( الجمعاوي الاصيل)سابقاً يقول...

السلام عليكم ورحمة الله وبركاته


حمداً على سلامتك

ونرجوا من الله ان يعطيك ما تتمنين

واعلمي ان السفر كله فوائد

واسئل مجرب

thunder يقول...

كنت هنااااااا

mimi يقول...

بدراوي
===========
أنا بسجل البوستات الأول كمسودات وبعدين أنشرها

منور يا زعيم

mimi يقول...

عاشقة الرومانسية
====================
دودو حبيبتي ....

تغشي من بدراوي برده؟

لا ده كده هيرفع عليكي قضية ملكية فكرية

منورة يا قطتي .... ومبروك لأخوكي وأنتظري المفاجأة في إيد واحدة

mimi يقول...

عاشقة الرومانسية
====================
بصي حبيبتي ،، أنا بعد السفرية دي عرفت إن كل شئ جايز

فيمكن ....

وعقبال شهر العسل لما تقضيه علي أجمل شواطئ أروبا يا عسولة

احساس طفلة محبة للرومانسية بس واقعية يقول...

مامايا
:)
كأنك بتحكى عن امريكا او اليابان
لو تشوفى الصور اللى مصوراها
هبقى ارفعهم على مدونة مش فارقة

البوست اصلا يخلى الواحد مبتسم وسعيد
لان هو دا اللى كل انسان بيتمناه هدوء ومنظر كويس يخلة يقدر يفكر كويس وكل واحد فى حالة عشان يحس بالامان

المهم ان الرحلة كانت سعيدة
وريحتى اعصابك يومين حتى لو شغل

تقبلى مرورى

mimi يقول...

بدراوي
============

مع غني بقول علي نفسي رغاية ... مش عارفة رأيك ده جه منين؟

علي العموم رومانيا فوق بلغاريا في شرق اروبا ... وغربها صيربيا والمجر وشمالها اوكرانيا وشرقها ملدوفيا

عامة علي ساحل البحر الأسود وبتشترك في نهر الدانوب

علي العموم هنشر الخريطة في رومانيا 2

والفرق بين رومانيا وروما :

إن روما عاصمة إيطاليا

ورومانيا دولة في اروبا برده وعاصمتها بوخاريست

الطلاينة أسمهم " الرومان"
اما اللي من رومانيا أسمهم " الرومانيين"

Romanian الرومانيين
Romans الرومان


ويارب أكون رديت عليك

شكرا لمتابعتك ... نورت

mimi يقول...

الحارة سد
============
اولا : بعتب عليك علشان مش بتزورني غير كل فين وفين

ثانيا : الظاهر إنك كان حظك حلو مع تاروم ... مش أنا لوحدي اللي اشتكيت منها .. وبيقولوا KLM احسن وانضف كتير ... بس تعرف رحلة الرجوع في الطيارة أجمل كتير من رحلة السفر

تابعني وانت هتعرف

وبجد أنا استمتعت كتيرررررر حتي لو كان الطيران وحش ...

المهم إني بعيش كل لحظاتي الحلوة لحد
دلوقتي

تسلم زيارتك

mimi يقول...

ابو صهيب ( الجمعاوي الاصيل)سابقاً
==================================

يااااه بقالك كتير ما زرتنيش ليه الغيبة دي؟

ايوة طبعا السفر كله فوايد ..

الله يسلمك وتسلم زيارتك نورتني

mimi يقول...

thunder
============

يا سلام ؟

انت فين؟

mimi يقول...

احساس طفلة محبة للرومانسية بس واقعية
===================================

حبيبتي .... وحشتيني جدا ... اصلا اول معرفتي بيكي كانت من مدونة مش فارقة من اليابان أحدثكم ... وسيبتلك تعليقات هناك

انا بجد مبسوطة انك فاهمة يعني ايه ترتاحي وتريحي أعصابك كام يوم

ياااااااه احساس تحفةةةةةةة

هزورك وارفعي الصور وقوليلي

تسلملي زيارتك

♥نبع الغرام♥♪≈ يقول...

بت ياميمى


وحشتنى قووووووووووووى يابت
الله جميل قووى البوست

♥نبع الغرام♥♪≈ يقول...

تعرفى لو رحتى المره الجايا من غيرى هموتك مووووووووووووووت
انا من عشاق السفر يا اختشى

ممكن تاخدينى معاكى

عااااااااااااااااااا


عاااااااااااااااااااااااااا

ماليش دعووووووووووة

♥نبع الغرام♥♪≈ يقول...

تعرفى بجد انا حاسه ان البوست فرحان قووووووى لانك انتى كنتى بتكتبيه وانتى فرحانه
وبجد سعيده قووى انك اتبسطى ياميمى ياحياتى

ربنا يسعدك يارب

اختك ايناس

امووووووواه
بحبك ممممممممممموت

♥نبع الغرام♥♪≈ يقول...

تعرفى بجد نفسى بجد مصر تكون كده مافيش زحمه مافيش تراب مافيش اى قرف من ده احنا المرض جالنا مش بالسهال من اللى بنشوفه ياختى ربنا يستر علينا ويبعد عنا القرف ده


ياريت اليوم ده يجى بقا


بجد ياميمى استمعت قوووى وانا بقرء البوست ورحلتك كانت جميله قوووى

عقبال المره الجايا

سلاموز

VÖltaa يقول...

حمدلله عالسلامة ياجميلة
منورة مصر ياميمي

انتى روحتى رومانيا تشتغلى .. وانا روحت القاهرة اشتغل

شوفتى الفرق ؟

كيكى عوووووو يقول...

همه الدول الشبراويه يروح يحتلوا المكان ع طول
مبروك ع الجزيرة

Nostor Azzuro يقول...

carissima maha

حمدلله على سلامتك

وشكر خاص لكلامك عن رمانيا

فراشة يقول...

حمدالله على السلامه يا ميمايا يا جميلة
شوقتينى والله لرومانيا
الطبيعة اكيد جميلة جدا

ربنا يسعدك دايما
بصراحه المفاجأتين اجمل من بعض
صدفة عجيبه
عشان تعرفى ان احنا وراكى وراكى
لازم حاجه تفكرك بينا

تحياتى ومبروك ليكى ولاحمد على المدونة الجديدة

adel يقول...

اعتذار علي التاخير
بس واللهي الريدر مقرش الموضوع ده اصلا لحد دلوقتي

بجد كتبتك تحفة كاني شايف المكان بالظبط

بس قوليلي ماريا كانت حلوة (وش بيغمز و بيستعبط جامد موت خالص)
هههههههههههههههههههههه

و علي فكرة الروماني لغة لذيذة و شبة الايطالي و ام الاتيني اكيد فاكرة طبعا

هههههههههههههههه

بس صعب مصر تبقي كده :(


عارفة ليه ؟؟



معتقدش ممكن نسمي منطقة ميمي او ميمايا

هههههههههههههههههههههههه

بجد واحشني جدا و لسه فاكر عزومة السينما :):)

وردة يقول...

ازيك ياميمي
الف حمد الله علي سلامتك
انابجد فرحانه جدااا
اولا لانك نورتينا من جديد
ثانيا لاني حسيت انك مبسوطة واستمتعي برحلتك
ربنا يكرمك
والمرة الجايه تحكي عن رحلة شهر العسل ان شاء الله
بتمنالك التوفيق من كل قلبي
سلام

وردة يقول...

مبروك المدونه الجديده
يارب يكون وشها حلو علي كل المدونين يارب
شكل احمد مشغول فيها ومجاش يعمل احتلال عندك
ههههه
دلوقتي يظهر ويبين كرماته
مبروك ليكم مره تانية
بالتوفيق
سلام

شريكة في المطعم يقول...

حمدلله على السلامة يا مامايا
اهم حاجة انك قضيتي وقت حلو
واتبسطي في الرحلة
في انتظار باقي احداث السفر
وخصوصا الصور
:)

أسماء علي يقول...

المهم انك استمتعتي برحلتك

و يااارب مصر تبقى كده
أو يعني ترجع زي زمان لما البلد كانت بلد و الناس كانوا ناااس

و احم احم
ماتبعتيلي تيكت رايح جاي لرومانيا هدية كده
:))

ابو على يقول...

حمد على السلامه

شوفتى قصر دراكولا؟؟

فيفا رومانيا

آفشنا حرامي يقول...

البداية

جارة القمر يقول...

شوقتيني للمكان بجد جميل اوي احساسك

لكن صدقيني بلادنا حلوة بناسها وخوفهم على بعض

وحشتيني

ترجعي بالسلامة حبيبتي

blue-wave يقول...

مش محتاجين عمال نضافه هناك ولا البلد نضيفه خلقه؟:)))

♥نبع الغرام♥♪≈ يقول...

وحشتنى ياعمرى كله

انا ان شالله هاجى مصر بعد رمضان اليومين دول مش ينفع عشان شغلى

ويشرفنى اشوفك واتعرف عليكى حبيبتى


المهم انا منتظراكى بليل عندى بعد المغرب هعمل حتة بوست يكسر الدنيا

وهفتح التعليقات انهارده بس عشان خاطرك

وبعد كده هرججعها تانى

اتمنا انك تكونى من المحتلين الكرام

هع هع هع هع
منتظراكى
وخليكى متابعانى ومش هتندمى بوست جديد من نوعه اسمه رحله مع التهييسسسسسسسس

جامد

قوىىىىىىىىىىىىىىىىىىى


بحبك وربنا ما يحرمنيش منك يااختى الحبيبه
انوستك

اسماء واحلام فى وجدانى يقول...

يا بنتى البلدى يوكل

Dr Ahmed Said@Black Armor يقول...

شوقتينا نروح رومانيا
اظن ان معظم دول اروبابنفس الجمال
نفسنا نقدر نعيش فى نص الجما ل والرقى
دمتى بخير

أحمد عاطف يقول...

بونا زيوا عليكي يا ميمي

يا عيني على الميكروباظ المستورد

ورغم ذلك يا ميمي رومانيا من الدول الفقيرة مقارنة بدول الاتحاد الاوربي

والناس دي اثبتت ان الفقر مش معناه تبقى شوارعنا زبالة زي بلدنا كده

الف حمد الله على السلامة يا ميمي

نورتي مصر على رأي العيال بتوع الاعلان

♥نبع الغرام♥♪≈ يقول...

حبيبتى معلهش
النت فصل
ولسه جايا
انا هكتب البوست على طووووووووووول الوقتى ويارب تكونى فاتحه
منتظرراكى

rere1232@yahoo.com
ده ميلى انا فاتحه
اوف لاين
منتظراكى عبال ما اخلص البوست
سلام حبيبتى

MaNoOoSh يقول...

انا ازاى مشفتش البوست دة الا الوقتى
عاااااااااااااااااااا


بجد بجد نورتي بلدك يا ميمي ووحشتينا كلنا جدا جداااااااااااااااا


ورومانيا دي الكلام عنها بصراحة يخلى الواحد نفسة يزورها

رحلتنا في الحياة يقول...

السلام عليكم ورحمة الله وبركاته ياميمى
اخبارك ايه ياجميل يارب تكونى بخير على طول اهم حاجة فى الرحلة دى انك اتبسطى وغيرتى جو
اتمنى فى يوم اشوف مصر الناس بتوصف جمالها بالشكل دا وان شاء الله مش صعب اكيد فى يوم هنقر نتغير للاحسن

وردة يقول...

ميمي
كل سنة وانتي طيبة
انهاردة ليلة الاسراء والمعراج
ربنا يكرمك يارب
ويجعل ايامك كلها خير
سلام

اسماء واحلام فى وجدانى يقول...

ميمى احتلال

يعنى انا اقول لايناس ان المدونة مدونتك تروحى بردة تحتليها كده بردة فى حد يحتل مدونته على العموم انا هاعتبر ان دى مدونتى بردة وان شاء الله هاحتلك بردة ما هو الاحتلال فى الظروف دى واجب بردة

اسماء واحلام فى وجدانى يقول...

اسماء

اسماء واحلام فى وجدانى يقول...

و

اسماء واحلام فى وجدانى يقول...

احلام

اسماء واحلام فى وجدانى يقول...

فى

اسماء واحلام فى وجدانى يقول...

وجدانى

اسماء واحلام فى وجدانى يقول...

عارفة يا ميمى الاحتلال حاجة جميلة اوى وخصوصا لامة يكون عند حد زيك كده

الواحد بيكون حاسس انه فى بيته يعمل اللى هو عايزه

ممكن بقى واحد شاى فتلة

معلقة سكر واحدة

اسماء واحلام فى وجدانى يقول...

وياريت لو معاها سندوتش

وكمان

نقط ايفورتيل للضغط اللى جانى

من احتلالك ،، طيب ما انتى عارفة انى مش باحب السكر لازم يعنى ترشيه بالطريقة دى عندى ده حتى القطط مفرفرة من الضحك عليا هناك

أحمد بسام يقول...

انا جيت متأخر اوى معلش بقى مع انى دخلت اليوم اللى انتى منزله بيها البوست وما لقيتش حاجه فى حاجة غلط والله اعلم

kimo يقول...

هي دي رومانيا
ولا روندا تشيك
علي العموم انا واثق ان الاتنين زي بعض في النظافه
بس في سؤال ؟
بدل مانسأل مين اللي بينظف ؟
نقلبه
مين اللي بيبوظ ؟
كده احلي
تحياتي

♥نبع الغرام♥♪≈ يقول...

حبى

ميمى احتلال فين ياترى

هو احنا اتحسدنا يابنت
ولا ايه

هع هع هع

وحشتينى يا مجرمة الاحتلال

بحبك قووووووووووووووووووووى

فكرة من الزمن ده يقول...

عااااااااااااااااااااااااااااااااا
ميمايتيييييييييييييييييي

فكرة من الزمن ده يقول...

وحشتيني

فكرة من الزمن ده يقول...

ايه الجمال ده ميمايا انترناشنوال
ياخرابي
كل ده حصل
بس وحشتيني
والله

سمكه واحده يقول...

انا جايه اسلم بسرعه بسرعه
واشكرك علي المشاركه الوجدنيه الجميله
ومعلش سامحيني هرج تاني
بس اليومين دول بقي ياستي بفسح في البت اللي نجحت بقي وبظبطها شويتين
تحياتي ياقمر

عبد من عباد الله يقول...

يا ترى اروح فين ؟؟؟

جدو : روسيا يا ابني ، جدك كمل دراسته هناك

صاحبه : اسكتلندا ، طراوة من تحت ، و اناقه من فوق

ميمي : رومانيا يا احمد ، خضره على الجنبين و هدوء على الاخر

تشششش هووووو ررررررررر غغغغغ ززز

احمد : انا اخترت الشرابيه

انا كده ، انا اسبرايت

*************

الف سلامه عليكي ، و الحمد لله انك رجعتي بخير و نتمنى اننا نشوفك دايماً في المدونه ان شاء الله ، و بخصوص انفلونزا الخنايز دي فوزاره الصحه قالت للمواطنين ما تخفوش من المرض نفسه على الصحه يعني بس هو الخوف من وزاره الصحه يعتبر خوف استراتيجي زي ما بيقولوا لان تعتبر من البلاد المتوطن فيها فيروس انفلونزا الطيور فالخوف ان الفيروسين يندمجوا مع بعض بزات لو انتشر انفلونزا الخنازير و يطلع فيروس جديد ربما يكون اشد و تبقى العمليه اتنيلت اكتر .. بس كده .

و عموماً برده اوروبا جميله طبعاً و نتمنى اننا نكون احسن منها بإذن الله .... تحياتي و حمد لله على السلامه .

mimi يقول...

عاشقة الأحزان
انتي كمان وحشتيني يا أنوس

يارب يطمني دايما عليكي

mimi يقول...

عاشقة الأحزان...

شكلها ما فيهاش مرة جاية يا أنوس

عاااااااااااااااااااااااااااااااااا

mimi يقول...

عاشقة الأحزان...

بجد انا مبسوطة من الرالسفرية دي
امووووووواه
يا انوسة

mimi يقول...

عاشقة الأحزان...


يارب كلنا نشوف مصر كده

بس لازم احنا نتغير الأول

مش كده؟

mimi يقول...

Mo7ammed...

الله يسلمك يا حمادة ... المهم اننا نشتغل ... مصر رومانيا ...الهدف واحد

ربنا يوفقك

mimi يقول...

كيكى عوووووو...


هههههههههههههه

وانا برده قلت في رومانيا كده

انا من مصر ـ شبرااااااااااااااااا

وحشتيني

mimi يقول...

Nostor Azzuro..


carissima maha ؟؟؟؟؟؟؟؟؟؟؟؟؟

الله يسلمك ... بس ممكن تترجملي ده بأي لغة ؟

اوعي تكون شتيمة
ههههههههههههههههههههههه

mimi يقول...

فراشة...


الله يسلمك يا رفاشتي
وبجد المناظر تحفةةةةةةةة
ربنا يوعدك يارب تقضي شهر العسل هناك
ان شاء الله
بالنسبة للمدونة الجديدة

يلا قوليلي علي خبر حلو انشرهولك هناك

mimi يقول...

adel...


انت يا زعيم تيجي في أي وقت ...

ماريا واحدة ست كبيرة عندهم

وفي نشاطها زي شباب اليومين دول وأكتر بكتير رررررررر

ومش صعب مصر تبقي كده
هههههههههههههههههههههههه

وعرض السينما قائم
ويلااااااااااااااااااا

mimi يقول...

وردة...
وردتي
الله يسلمك وعقبالك هناك مع زوج صالح في شهر العسل
بتمنالك التوفيق من كل قلبي
محبتي لوردتي

mimi يقول...

وردة...


المدونة الجديدة هتنور بأخباركم يا عسولة
ان شاء الله

واحمد بيشتري لوازم الحفلات
هههههههههههههههههههه

mimi يقول...

شريكة في المطعم...

مامايا ههههههههههههههه
دي أول مرة حد يقوللي بالاسم الجديد
اهنيكي علي ذكائك ....
وتحياتي ليكي ولشريكك المعلم محمد

mimi يقول...

أسماء علي...


ههههههههههه
تيكت رايح جاي مرة واحدة
ههههههههههههه
والله ضحكتيني يا سمسم
طب قولي صوراية
فيديوهاية
منورة يا قمراية

mimi يقول...

ابو على...

ابو علي .... لأ مرحتش قصر دراكيولا لأنه بعيد جدااااااا عن المكان اللي أنا نازله فيه
زي من القاهرة لأسوان كده
بس انا معاك إن .....
فيفا رومانيا
تحياتي

mimi يقول...

آفشنا حرامي...


هيه ... ربنا معانا ويبعد عننا الحرامية

mimi يقول...

جارة القمر...
المكان تحفةةةةةةةةةةةةة
ولسة الصور اللي جاية
عقبالك هناك مع شريك عمرك يارب

mimi يقول...

blue-wave..


عمال النظافة هناك ستات يا زعيم
بس ستات فرز أول !!!!!!!

mimi يقول...

عاشقة الأحزان...
تنوريني وتنوري القاهرة كلها

مستنياكي

mimi يقول...

اسماء واحلام فى وجدانى...


البلدي يوكل ؟

امال الروماني ايه ؟

يُشفط .... ؟

mimi يقول...

Dr.A.S. black armor...


دكترة ... اتمني نعيش فيه مش نصه
وفي ايدينا والموضوع سهل جداااااااا
نبدأ بجمال نفسنا وشكلنا والمحيط اللي حوالينا

واتفرج علي النتيجة

شرفتني ... والله يسلمك

mimi يقول...

أحمد عاطف...


مولتسوميسك ليك يا أحمد
ههههههههههههههههههههه

والله معاك حق في كلامك .. الفقر مش معناه القبح
بس رومانيا اقتصادها بعد الاتحاد الاروبي بقي عالي اوي
دي اسمها دلوقتي النمر الاروبي بسبب سرعة تقدمها الاقتصادي
تحياتي ليك
الله يسلمك .... وبونا زيوا

mimi يقول...

MaNoOoSh...


الريدر بتاعك الشرير ده وحش
هههههههههههههههههههههههههههه
الله يسلمك يا قطتي
ويارب تزوريها قريب
تحياتي

mimi يقول...

ايوشة...


وعليكم السلام ورحمة الله وبركاته يا أيوش ة يا عسولة
وحشتيني
وعند حق مش صع بخالص بجد وفي ايدنا نخلي بلدنا أحسن من كده
الله يسلمك ...
نورتيني

mimi يقول...

وردة...


انهاردة ليلة الاسراء والمعراج
ربنا يكرمك يارب
ربنا يخليكي ليا ويتقبل منك صالح الأعمال

mimi يقول...

اسماء واحلام فى وجدانى...


أحمد احتلال
ماااااااشي
ولسة فيه أكتر

mimi يقول...

اسماء واحلام فى وجدانى...


انت ليه حاسس إن ده بيتك؟
علشان ده بيتك اصلا ...........
والشاي خلص ... تشرب شاي؟
نياااااااااهااااااااااااااااااا
مع تحيات ميمي احتلال

mimi يقول...

اسماء واحلام فى وجدانى...


بص يا أحمد ... نقط ايفورتيل ناقصة من السوق
انا من رأيي تحجزلي طيران رومانيا اسألك هناك عليها
وأشتري قطة كانت عجباني هناك
ماشي؟
القطة هناك ب 10.000 جنية
عشرة ألاف من الجنيهات
عاااااااااااااااااااااااااااااااااا

mimi يقول...

أحمد بسام...


ولا يهمك يا أحمد
بس قوللي أخبار النتيجة ايه؟

mimi يقول...

kimo...


الله عليك سؤالك منطقي جدااااااااااااا
رواندا تشيك ... دي اتحاد قارتين مش اتحاد اروبي
هههههههههههه
تحياتي

mimi يقول...

عاشقة الأحزان...

الاحتلال اتعلمته علي ايديكي يا بنتي
نياهاااااااااااااااااا

mimi يقول...

فكرة من الزمن ده...


قطتي

وحشتيني

mimi يقول...

فكرة من الزمن ده...


انتي اكتر بكتيرررررررررررر
ايه يا فكرتي الغيبة دي ؟؟؟

mimi يقول...

فكرة من الزمن ده...


مش تغيبي تاااااااني
المربع كان ناقصك
ماليش دعوةةةةةةةةةةةةةةةة

mimi يقول...

سمكه واحده...


ههههههههههههه
طمطم تيجي تاني بالسلامة
حاولي تستمتعي بوقتك
شكراااااااااااااااااااااااااا

mimi يقول...

عبد من عباد الله مدحت ...

الشرابية أجدع ناس
ههههههههههههههههههه
نورت ... ايه الغيبة دي كلها ؟
كنت فين يا اسبرايت ؟؟؟؟
الله يسلمك .... يارب تزورها قريب
بجد بلد تحفة ورائعة
تحياتي ليك
وليك وحشة كبيرة جداااااااااااااااا

مامة مازن يقول...

وبعدين بقى فى وصف النضافة اللى عماله توصفيه ده ارافى بحالنا شوية ينفع وجع القلب ده هتخلينا نتمرد وكده مش كويس هههههههههههههههههههههههههههه
حمدالله على السلامة

عمك ياض يقول...

ماشاء الله شكلها بلد جميله اوي فعلا
وحلو وصفك ليها

مستنين الجزء التاني بشوق

وياريت تقوللنا على البلد اكتر.. ومفيش عنصريه عشان المحجبات ؟ واحكيلنا المواقف اللي تضحك اللي حصلت برضه :d

aymanoly يقول...

ايوة ياباشا
عايز اعرف طريقة السفر وكيفية الحصول على تأشيرة وتكاليف السفر الى رومانيا
علما بأن لي اصدقاء رومانيين هناك
وشكرا يازعيم